Mmla'n 7:9 - NYANMIƐN NDƐ'N 1998

⁹ I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

Mmla'n 7:9 Iomraidhean Croise

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Bo Bolɛ 28:15

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

Bo Bolɛ 9:15

wuun mín wla ɔ'a kpɛn nda nga n tali amun nin nnɛn'm be kwlaa'n i su, kpɛkuun anannganman su nzue sɔ'n su tɔ-man asiɛ'n su kun ɔ su kun-man sran mun nin nnɛn'm be kwlaa kun.

1 Famiɛn Mun 8:23

Yɛ ɔ seli kɛ: «Anannganman, Izraɛl Nyanmiɛn, like fi nin wɔ sɛ-man nyanmiɛn su lɔ nin asiɛ'n su wa. Ɔ sufuɛ nga be fa bé wla gua wɔ su'n, bɔ be fa wɔ atin'n su seiin'n, aenguɛ nga a nin be trali'n ti'n, a kpɔci-man be.

1 Be Nyoliɛ 16:15

Man amún wla kpɛn aenguɛ ng'ɔ nin ye trali'n su. Ndɛ ng'ɔ kannin'n, ɔ ti e nannan'm be osu'n nunfuɛ'm be liɛ lele fa ju be anunmannunman akpi su'm be su.

2 Be Nyoliɛ 6:14

«Anannganman, Izraɛl Nyanmiɛn! Nglo lɔ o, asiɛ'n su wa o, like uflɛ fi nun-man lɛ b'ɔ ti kɛ wɔ sa-a. Ɔ sufuɛ nga be fa bé wla gua ɔ su'n, bɔ be fa wɔ atin'n su seiin'n, aenguɛ nga a nin be tra'n ti, a kpɔci-man be.

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Jue Mun 103:18

Sɛ sakpa be nian aenguɛ ng'ɔ nin be trali'n su be yo i su sa'n, yɛ sɛ be fa mmla ng'ɔ fa sie be nyrun'n sie be klun nan be fa su'n, ɔ yo i sɔ sa mun man be.

Jue Mun 105:8

I wla fi-man su kɛ ɔ tali nda. I wla fi-man kɛ akpasua-akpasua akpi nga be ´jaso su'n be ti yɛ ɔ tali nda sɔ'n nin-ɔn.

Jue Mun 119:75

Anannganman, n wun kɛ ndɛ nga a bu be'n, be ti su. Kɛ bɔ a di nanwlɛ tititi'n ti yɛ man a tuli min fɔ-ɔ .

Jue Mun 146:6

Anannganman yɛ ɔ boli nyanmiɛn'n b'ɔ la nglo lɔ plaii'n nin asiɛ nin-ɔn. Jenvie'n nin i nun ninnge'n kwlaa i yɛ ɔ yili be-ɔ. Ɔ di nanwlɛ tititi.

Jue Mun 36:6

Anannganman, ɔ klun-ufue'n ti dan lele kpe nun. I kunngba'n, a ti nanwlɛfuɛ dan.

Ezipt Lɔ Tulɛ'n 20:6

Sanngɛ sran nga be klo min'n, bɔ be fa min ndɛ'm bé su'n, n klo be lele n fa wlu be anunman'm be mma liɛ'm be nun lele ju be akpasua akpi su.

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Zeremi 32:18

Osu nga ɔ waan a ´di i nɛnnɛn'n, a di i lele ɔ ju i akpasua akpi su. Sɛ kusu siɛ'm be yoli sa tɛ'n, a yo man be mma nga be jaso su'n be fɛ i su afɛ'n. Wɔ yɛ a ti Nyanmiɛn kpli ng'ɔ ti dan bɔ be flɛ i kɛ Anannganman b'ɔ sie mɛn wunmuan nin-ɔn.

Ngwlɛ Yilɛ 3:23

Aliɛ kwlaa ng'ɔ cɛn'n, ɔ yi i klun-ufue'n i nglo. Anannganman, nanwlɛ, a nin sran san nun-ɔn, a kpɔci-mɛn i le .

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Kalɛ 14:18

‹N ti Anannganman, n ti amlin difuɛ, yɛ min klun ti ufue kpa liɛ su. N di sa nga be yo min'n nin nyin kekle nga be yo i min su'n bé wun amlin. N jran-man sa tɛ yofuɛ'n i sin, n se-man kɛ ɔ'a yo-man sa tɛ. Kɛ sran kun yo sa tɛ'n n tu i fɔ lele fa wlu i anunman sian nin i anunman siansian'm be nun .›

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

1 Korɛntfuɛ Mun 1:9

Nyanmiɛn b'ɔ flɛli amun kɛ amun nin i Wa Jésus-Krist b'ɔ ti e Min'n an di anuansɛ'n, ɔ ti nanwlɛfuɛ.

1 Korɛntfuɛ Mun 10:3

Aliɛ kunngba b'ɔ fin Nyanmiɛn sa nun'n, yɛ be kwlaa be dili-ɔ ,

1 Korɛntfuɛ Mun 8:3

Sanngɛ sran ng'ɔ klo Nyanmiɛn'n, Nyanmiɛn si i sɔfuɛ'n.

2 Korɛntfuɛ Mun 1:18

Kɛ Nyanmiɛn di nanwlɛ ti'n, ndɛ nga e kan kleli amun'n, e kacikaci-mɛn i.

Mmla'n 32:39

Siɛn'n, amun `nian, m bɔbɔ min kunngba cɛ yɛ n de sran-an ɔ yo ye-ɔ. Like wie fi nun-man lɛ, san min. M bɔbɔ min yɛ n yo man sran wu-ɔ. M bɔbɔ min yɛ n yo man sran nyan nguan-an. M bɔbɔ min yɛ n yo man sa yalɛ nyan sran-an. Min bɔbɔ min yɛ n yo man ɔ jaso i su-ɔ. Sran fi kwla de-man sran kun mín sa nun.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

Mmla'n 4:35

I waan amun `wun i sɔ nan amun si kɛ i kunngba cɛ yɛ ɔ ti Nyanmiɛn nan be fa like fi sunnzun i-ɔ ɔ yo-man ye.

Mmla'n 4:39

I sɔ'n ti, man amun wun i wlɛ ndɛkɛn, yɛ man ɔ tran amun akunndan nun titi kɛ Anannganman kunngba yɛ ɔ ti Nyanmiɛn nin-ɔn, man amun wun i wlɛ kɛ nyanmiɛn su lɔ o, asiɛ'n su wa o, like fi nin i sɛ-man.

Mmla'n 5:10

Sanngɛ sran nga be klo min'n, bɔ be fa min mmla'm bé su'n, n ´klo be lele n fa wlu be anunman'm be mma liɛ'm be nun lele fa ju be akpasua akpi su.

1 Tɛsalonikfuɛ Mun 5:24

Sran ng'ɔ flɛli amun'n ti nanwlɛfuɛ, i bɔbɔ yɛ ɔ ´yo amun sɔ-ɔ.

2 Tɛsalonikfuɛ Mun 3:3

Sanngɛ e kwla fa é wla gua e Min'n su. Ɔ ´wla amun fanngan yɛ ɔ ´nian amun su ɔ man Klunwifuɛ'n su nyan-man amun.

2 Timote 2:13

Sɛ e di-man nanwlɛ'n, i liɛ'n ɔ di nanwlɛ, afin ndɛ ng'ɔ kan'n, ɔ kaci-mɛn i.

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

Hébreu 10:23

Man e tra like nga e kɛn i ndɛ kɛ é wla o su'n i kekle, nán man é sa'n kpɔ, afin Nyanmiɛn b'ɔ se kɛ ɔ ´yo man ye'n, ɔ ti nanwlɛfuɛ.

Hébreu 11:11

Sara kusu Nyanmiɛn su b'ɔ lafi'n ti, ɔ nin i kpɛnngbɛn bɔbɔ bɔ ɔ'a yo'n, ɔ mɛnnin i fanngan man ɔ wuli ba, afin ɔ si kɛ Nyanmiɛn b'ɔ kan kɛ ɔ ´yo sa sɔ'n mɛn i'n ɔ ti nanwlɛfuɛ .

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

1 Jean 1:9

Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.

Jɔlɛ Difuɛ Mun 2:1

Anannganman i anz'n fɛli i Gilgal lɛ ɔ ɔli Bɔkim. Ɔ seli Izraɛlfuɛ'm be kɛ: «N fali amun Ezipt lɔ m bali, mɛn nga n kan kleli amún nannan mun kɛ n ´fa man amun'n nun. Yɛ n seli kɛ aenguɛ nga e nin amun trali'n, ɔ ´tran lɛ titi .

Jɔlɛ Difuɛ Mun 5:31

Anannganman, man ɔ kpɔfuɛ'm be wu sa tititi! Sanngɛ man be nga be klo wɔ'n be yo kɛ wia bɔ ɔ'a man su b'ɔ su bo kpa'n sa.» Kɛ ɔ yoli sɔ'n, lika'n tɔli bliin afuɛ ablanan.