Mmla'n 7:4 - NYANMIƐN NDƐ'N 1998

⁴ Sɛ amun yo sɔ'n, be ´cuɛn amun mma bla nin amun mma yasua mun, be ´fa be wlɛ i amuɛn sɔlɛ nun, kpɛkuun be ´kaci be sin si Anannganman. Yɛ sɛ ɔ yo sɔ kusu'n, Anannganman'n ´fa ya dan kpa amun wun, kpɛkuun ɔ ´nunnun amun ndɛndɛ kpa.

Mmla'n 7:4 Iomraidhean Croise

1 Famiɛn Mun 16:31

Nɛbat i wa Zeroboam i sa tɛ b'ɔ yoli'n, i kunngba'n yɛ ɔ yoli-ɔ. Ɔ'a ka-man ng'ɔ o lɛ'n su, ɔ jali Ɛtbaal b'ɔ ti Sidɔnfuɛ'm be famiɛn'n i wa bla bɔ be flɛ i Zezabɛl'n, kpɛkuun ɔ ko kotoli Baal bo, yɛ ɔ sɔli i.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezipt Lɔ Tulɛ'n 34:16

I kunngba'n, kɛ ɔ ´yo nan amu'an fa-man lɔ bla amu'an man-man amun wa yasua mun, nan bla sɔ'm be kusu kɛ be ´sɔ be amuɛn mun'n, b'a cuɛn-man amun mma liɛ mun b'a wla-man amuɛn sɔ'm be sɔlɛ nun wie'n ti.

Mmla'n 20:18

Sɛ ɔ yo sɔ'n, i liɛ'n, be su kle-man amun tete sa bɔ be yo be man be amuɛn mun'n, yɛ amun su yo-man sa tɛ Anannganman amun Nyanmiɛn'n i wun.

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.

Mmla'n 6:15

Afin Anannganman amun Nyanmiɛn b'ɔ nin amun wo nun'n, ɔ ti Nyanmiɛn kun b'ɔ si kwla. Sɛ amun yo nan Anannganman amun Nyanmiɛn'n fa ya'n, ɔ ´nunnun amun asiɛ'n su.

Zozie 22:15

Be ɔli Galaad mɛn'n nun lɔ wia afiliɛ lɔ Izraɛl akpasua'm bé sin nan b'a usa be sa,

Zozie 23:12

Sɛ amun kaci amún sin si i nan amun fa amun wun fa mantan nvle nga be tɛ o amun afiɛn'n, sɛ amun ja be mma mmla mun'n, sɛ amun sanngan be nun nan amun fa be sanngan amun nun'n,

Jɔlɛ Difuɛ Mun 2:11

Izraɛlfuɛ'm be yoli sa nga Anannganman klo-mɛn i mlɔnmlɔn'n: be sɔli amuɛn nga be flɛ be kɛ Baal mun .

Jɔlɛ Difuɛ Mun 2:20

Anannganman wa fali ya Izraɛlfuɛ'm bé wun nan ɔ'a se kɛ: «Kɛ bɔ sran nga'm be saci min aenguɛ nga e nin bé nannan mun e trali'n, bɔ b'a tie-man min aniɛn'n,

Jɔlɛ Difuɛ Mun 3:6

Be jali nvle sɔ'm be nun bla mun, be fali be mma mmla'm be mannin be kɛ be ja be, kpɛkuun be sɔli be amuɛn mun .