Mmla'n 7:3 - NYANMIƐN NDƐ'N 1998

³ Nán amun nin nvle sɔ nunfuɛ mun amun ja amun afiɛn bla. Nán amun fa amún wa bla man bé wa yasua kɛ ɔ jɛ i. Yɛ nán amun ja bé sa nun bla man amún wa yasua.

Mmla'n 7:3 Iomraidhean Croise

Bo Bolɛ 24:3

nan fa Anannganman b'ɔ ti nglo nin asiɛ'n be Nyanmiɛn'n i dunman ta min nda kɛ a su ja-man Kanaanfuɛ nga e nin be tran wa yɛ'n bé sa nun bla a su man-man mín wa'n.

1 Famiɛn Mun 11:2

Anannganman dun mmua kannin nvle sɔ'm be ndɛ kleli Izraɛlfuɛ mun. Ɔ seli be kɛ: «Nán amun wɔ be wun lɔ, nán be kusu be bla amun wun wa. Sɛ ɔ yo sɔ-ɔ, be ´yo man amun anwlɛn'n kunman kɔ be amuɛn'm be su ,» sanngɛ bla klolɛ'n ti, nvle sɔ mun yɛ Salomɔn fɛli i wun mantannin be-ɔ.

1 Famiɛn Mun 16:31

Nɛbat i wa Zeroboam i sa tɛ b'ɔ yoli'n, i kunngba'n yɛ ɔ yoli-ɔ. Ɔ'a ka-man ng'ɔ o lɛ'n su, ɔ jali Ɛtbaal b'ɔ ti Sidɔnfuɛ'm be famiɛn'n i wa bla bɔ be flɛ i Zezabɛl'n, kpɛkuun ɔ ko kotoli Baal bo, yɛ ɔ sɔli i.

Ɛsdras 10:3

Man e ta Nyanmiɛn i nda kɛ e ´fuan nvle nun bla sɔ mun ɔ nin ba nga e nin be e wuli be'n. Min min, afɔtuɛ nga a nin be nga bé wun blibli be'n Nyanmiɛn i mmla i su falɛ nun amun kan'n, e fa su. Man e yo kɛ i mmla'n kle i sa.

Ɛsdras 9:12

I ti nán amun fa amun mma bla'm be man be mma yasua mun, yɛ nán amun ja be mma bla mun man amun mma yasua mun. Nán amun bu be anyanbeun nin be alaje bɔ be di'n i like. I liɛ'n, amun ´nyan fanngan, amun ´di mɛn nga nun ninnge kpakpa mun. Yɛ mɛn sɔ'n ´yo amun osu nunfuɛ'm be liɛ tititi.›

Neemi 10:30

Be ukali e niaan Zuif nga be ti e nun kaklaakla'm be su. E kwlakwla e tali nda yɛ e jrannin su kɛ e ´fa Nyanmiɛn i mmla'm bɔ i sufuɛ Moiz fa mannin ye'n su. E tali nda kɛ e ´fa ndɛ wafa kwlaa nga Anannganman e Min'n kannin'n, yɛ e tali nda ekun kɛ e ´fɛ i mmla'n nin i sa nuan su yolɛ mmla'm be su.

Jɔlɛ Difuɛ Mun 14:3

I si nin i nin be seli i kɛ: «Kpaa! ?Wɔ awlo nun bla nin ɔ nvle nun bla'm be wieli, yɛ Filistifuɛ'm bɔ be wla-man klɛn'n be bla yɛ a ´ko jɛ i-ɔ?» Samsɔn seli i si kɛ: «I yɛ n klo i-ɔ, jɛ i man min.»