Mmla'n 7:2 - NYANMIƐN NDƐ'N 1998

² Sɛ Anannganman amun Nyanmiɛn'n fa be man amun nan amun kwla be'n, amun `nunnun be mlɔnmlɔn. Nán amun nin be tra aenguɛ, nán amun si be aunnvuɛ.

Mmla'n 7:2 Iomraidhean Croise

Bo Bolɛ 14:20

Man manmanlɛ'n yo Nyanmiɛn b'ɔ o like'n kwlaa ti su'n i liɛ. Afin i yɛ ɔ fali ɔ kpɔfuɛ mun wlali ɔ́ sa nun-ɔn .» Nan Abram ɔ'a fa ninnge ng'ɔ nyɛnnin i'n i kwlaa i blusu'n ɔ'a mɛn i.

2 Samiɛl 21:2

Famiɛn'n flɛli Gabaɔnfuɛ mun kɛ ɔ ´kan ndɛ ´kle be. Gabaɔnfuɛ'm be ti-man Izraɛlfuɛ . Be ti Amɔrfuɛ'm be onga. Izraɛlfuɛ'm be tali be nda laa kɛ be su kun-man be, kpɛkuun Izraɛlfuɛ mun nin Zidafuɛ mun bɔ Sail klo be dan'n ti i waan ɔ ´nunnun Gabaɔnfuɛ sɔ mun.

1 Famiɛn Mun 20:34

Bɛn-Adad seli i kɛ: «Klɔ nga mín si fali be ɔ́ si sa nun'n, n ´wlɔ be m man wɔ. Sɛ a klo'n, kplan ɔ like atɛ yowlɛ Damas lɔ kɛ mín si yoli i Samari lɔ'n sa.» Akab waan: «E nin wɔ e wa tra aenguɛ, kpɛkuun m ´man wɔ atin a ´kɔ.» Yɛ ɔ nin i be trali aenguɛ sakpa, nan ɔ'a mɛn i atin.

Ɛsdras 10:3

Man e ta Nyanmiɛn i nda kɛ e ´fuan nvle nun bla sɔ mun ɔ nin ba nga e nin be e wuli be'n. Min min, afɔtuɛ nga a nin be nga bé wun blibli be'n Nyanmiɛn i mmla i su falɛ nun amun kan'n, e fa su. Man e yo kɛ i mmla'n kle i sa.

Jue Mun 106:34

Nvle nga Anannganman waan be `nunnun i nun sran mun'n, b'a nunnun-man be.

Ezipt Lɔ Tulɛ'n 22:20

Nán amun kle aofuɛ'm be yalɛ, yɛ nán amun bo be akpo, afin man amun wla kpɛn su kɛ amun yoli aofuɛ Ezipt mɛn'n nun lɔ wie.

Kalɛ 21:2

Yɛ Izraɛlfuɛ'm be tali Anannganman i nda, be seli kɛ: «Sɛ a fa nvle nga nunfuɛ mun wla é sa nun nan e kwla be'n, e ´saci be klɔ mun mlɔnmlɔn, e su yaci-man like fi lɛ.»

Kalɛ 31:17

I sɔ'n ti, amun `kun yasua kanngan'm be kwlaa nin bla nga b'a si bian mun.

Kalɛ 33:52

amun `kan lɔfuɛ nga be o amun nyrun'n bé bo, amun `bubu amuɛn nga be fali yɛbuɛ annzɛ blalɛ yoli'n mun, amun `saci be sraka yiwlɛ lika bɔ be o kpɔlɛ'm be su mun.

Mmla'n 19:13

Nán amun si i sɔfuɛ'n i aunnvuɛ. Sran nga i wiengu ɔ'a yo-man sa, b'ɔ kun i'n, amun `kun i wie man ɔ tu Izraɛl mɛn'n nun, nan amu'an di alaje.

Mmla'n 2:33

Anannganman e Nyanmiɛn'n fɛli i wlali é sa nun, nan y'a kwlɛ i, nin i mma mun, ɔ nin i alɛ kunfuɛ mun.

Mmla'n 2:34

E kali é ja osu kunngba'n nun lɛ e fali be klɔ'm be ngba. E nunnunnin be su sran mun. I yasua o, i bla o, i bakan o, e nunnunnin be kwlakwla kpan. Y'a yaci-man sran ba kun sa lɛ.

Mmla'n 23:14

Sɛ amun ´kɔ alɛ kunlɛ'n, amun `fa sue kan amun `sie amun trɔ'n nun. I liɛ sran kwlaa nga i waan ɔ ´kɔ atin nun'n, ɔ ´fɛ i sue'n kpɛ kunman. Kpɛkuun sɛ ɔ wie atin nun kɔ'n, ɔ ´kata i waka su'n su.

Mmla'n 25:12

man be kpɛ bla sɔ'n i sa'n, nán be si i aunnvuɛ.

Mmla'n 3:3

Ɔ man Anannganman e Nyanmiɛn'n ɔ fali Ɔg b'ɔ ti Bazan famiɛn'n nin i sonja'm be kwlakwla wlali é sa nun. E kwlali be, yɛ y'a yaci-man sran be nun ba kun sa lɛ.

Mmla'n 31:5

Anannganman ´fa be ´man amun. Mmla nga m mannin amun'n, amun `nian su sɛsɛ amun ´yo be.

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›

Mmla'n 7:16

Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Zozie 10:28

Le kunngba sɔ'n nun Zozie fali Makeda klɔ'n. Ɔ kunnin i famiɛn'n ɔ nin i su sran'm be kwlaa. Sran ba kun a ka-man lɔ. Sa ng'ɔ fa yoli Zeriko famiɛn'n, i kunngba'n yɛ ɔ fa yoli Makeda famiɛn nin-ɔn.

Zozie 10:30

Anannganman fali klɔ sɔ'n nin i famiɛn'n mannin be ekun. Be kunnin i sufuɛ mun. Be nun kun a ka-man. Sa kunngba nga be fa yoli Zeriko famiɛn'n yɛ be fa yoli Libna famiɛn nin-ɔn.

Zozie 10:32

Be kunnin le kun. I le nnyɔn'n su'n Anannganman fali Lakis mannin Izraɛlfuɛ mun. Izraɛlfuɛ'm be kunnin Lakisfuɛ mun, b'a yaci-man sran bɔ kun sa lɛ kɛ be fa yoli Libna'n sa.

Zozie 10:40

Zozie fali mɛn'n i ngba. Ɔ kwlali famiɛn nga be o oka-oka lika'm be nun'n, nin be nga be o ngua lɔ lika'm be nun'n, nin be nga be o lika kpɛtɛkplɛɛ nun'n, ɔ nin be nga be o kpɔlɛ nga be o jenvie i nuan lɔ'n. Ɔ'a yaci-man sran fi lɛ, ɔ nunnunnin sran'm be ngba kɛ Anannganman b'ɔ ti Izraɛl Nyanmiɛn'n seli kɛ be yo'n sa .

Zozie 10:42

Ɔ fali lika sɔ'm be ngba. Ɔ kwlali be famiɛn mun likawlɛ afin Anannganman bɔbɔ yɛ ɔ uka Izraɛl-ɔ.

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Zozie 2:14

Yɛ be tɛli i su kɛ: «Ndɛ nga a kɛnnin i lɛ'n e ´nian su. Sɛ ɔ ti wulɛ bɔbɔ yɛ ɔ fata kɛ e wu'n, e ´wu, se w'a bo-man e wa balɛ'n su w'a di-man jɔlɛ'n. I sɔ'n ti, kɛ Anannganman ko fa mɛn nga ko man ye'n, e ´yo wɔ kpa.»

Zozie 21:44

Anannganman man be trannin fɔuun nun be nvle'n kwlaa nun, kɛ ɔ fa boli bé nannan'm be kasiɛ'n sa. Ɔ man be yoli kwlafuɛ be kpɔfuɛ'm be kwlaa be su. Be nun kun sa ɔ'a kwla jran-man be nyrun.

Zozie 8:24

Kan Izraɛlfuɛ'm be kpɔfuɛ'm be fuannin be juli lɛ'n, lɛ yɛ be nunkunnin be klɔfuɛ sɔ mun-ɔn. Kɛ be kunnin be kwlakwla'n, be sali bé sin be klɔ'n nun lɔ nan b'a kun klɔfuɛ nga be kali lɔ'n.

Zozie 9:24

Be tɛli i su kɛ: «Sa ti bɔ e yoli sɔ'n yɛlɛ kɛ e tili i kɛ Anannganman ɔ Nyanmiɛn'n ɔ seli i sufuɛ Moiz kɛ ɔ ´fa mɛn nga kwlaa man amun. E tili i ekun kɛ, sɛ amun ba'n, amun wa nunnun mɛn nga nunfuɛ'm be kwlaa. Kɛ e tili i sɔ'n, srɛ dan kpa kunnin ye amun wun. Kɛ ɔ kɔ yo nan y'a nyan nguan'n ti yɛ e yoli sɔ-ɔ.

Zozie 9:7

Izraɛlfuɛ'm be tɛli be su kɛ: «Atrɛkpa-a, amun fin e wun koko wa, yɛ e nin amun e wa tra aenguɛ-ɔ!»

Jɔlɛ Difuɛ Mun 1:24

Sran sɔ'm be ´nian-an, bian kun fin klɔ nun lɔ su fite. Be seli i kɛ: «Kle ye kan be sin bɔ be wlu klɔ'n nun lɔ'n. Sɛ a kle ye'n, e ´yaci ɔ nun.»

Jɔlɛ Difuɛ Mun 1:4

Zida akpasua'n nin Simeɔn akpasua'n be fali alɛ'n wlali Kanaanfuɛ nin Ferezfuɛ'm bé sin. Anannganman yili sran sɔ mun mannin be nan b'a kun be nun sran akpi blu (10.000) Bezɛk lɔ.

Jɔlɛ Difuɛ Mun 2:2

Amun kusu n seli amun kɛ nán amun nin nvle nga i nun sran mun be tra aenguɛ. Amun `bubu be amuɛn sɔwlɛ mun. N seli amun sɔ, sanngɛ amu'an ti-man min aniɛn'n. ?Ɔ yoli sɛ ti yɛ amun yoli sɔ-ɔ ?