Mmla'n 7:12 - NYANMIƐN NDƐ'N 1998

¹² Sɛ amun fa amún su sie mmla sɔ'm bé bo nan amun nian be su, nan amun fa bé su'n, Anannganman kusu ɔ ´nian aenguɛ ng'ɔ nin amún si'm be trali'n su, yɛ ɔ ´yo amun ye, afin ɔ tali be nda.

Mmla'n 7:12 Iomraidhean Croise

1 Famiɛn Mun 8:23

Yɛ ɔ seli kɛ: «Anannganman, Izraɛl Nyanmiɛn, like fi nin wɔ sɛ-man nyanmiɛn su lɔ nin asiɛ'n su wa. Ɔ sufuɛ nga be fa bé wla gua wɔ su'n, bɔ be fa wɔ atin'n su seiin'n, aenguɛ nga a nin be trali'n ti'n, a kpɔci-man be.

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Jue Mun 103:18

Sɛ sakpa be nian aenguɛ ng'ɔ nin be trali'n su be yo i su sa'n, yɛ sɛ be fa mmla ng'ɔ fa sie be nyrun'n sie be klun nan be fa su'n, ɔ yo i sɔ sa mun man be.

Jue Mun 149:9

Man be bu be fɔ ng'ɔ ti klɛwa'n. Sɛ be yo sɔ'n, ɔ ´man Anannganman i sufuɛ nanwlɛfuɛ'm be kɔmin su. An `manman Anannganman!

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Zeremi 11:5

Kpɛkuun nda nga n tali amun nannan mun kɛ n ´fa asiɛ bɔ ti nnɛn tawlɛ klanman b'ɔ kunngba'n yo like ye'n m ´man be'n, n ´yiɛ i nuan.› I kusu yɛ amun wun i andɛ yɛ, yɛ n tɛli i su kɛ: ‹Anannganman, man ɔ yo sɔ!› »

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Mise 7:20

A nin Zakɔb osu nunfuɛ mun amun ´tran klanman, a ´yi ɔ klun-ufue'n i nglo ´kle Abraam i osu'n nunfuɛ mun. A ´yi kle be kɛ a fua kleli e nannan mun lalafuɛ nun'n sa .

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 11:13

Sɛ sakpa amun fa mmla nga n ´fa man amun ndɛkɛn yɛ'n su'n, nan amun klo Anannganman amun Nyanmiɛn'n, nan amun fa amun wla'n kwlaa guɛ i su, nan amun akunndan'n kwlaa trɛn i su'n,

Mmla'n 5:10

Sanngɛ sran nga be klo min'n, bɔ be fa min mmla'm bé su'n, n ´klo be lele n fa wlu be anunman'm be mma liɛ'm be nun lele fa ju be akpasua akpi su.

Mmla'n 7:11

I sɔ'n ti, ndɛ nin mmla fanunfanun nga n ´fa man amun ndɛkɛn yɛ'n, amun `nian be su, yɛ amun `fa bé su.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.