Mmla'n 7:1 - NYANMIƐN NDƐ'N 1998

¹ Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Mmla'n 7:1 Iomraidhean Croise

1 Famiɛn Mun 16:31

Nɛbat i wa Zeroboam i sa tɛ b'ɔ yoli'n, i kunngba'n yɛ ɔ yoli-ɔ. Ɔ'a ka-man ng'ɔ o lɛ'n su, ɔ jali Ɛtbaal b'ɔ ti Sidɔnfuɛ'm be famiɛn'n i wa bla bɔ be flɛ i Zezabɛl'n, kpɛkuun ɔ ko kotoli Baal bo, yɛ ɔ sɔli i.

1 Be Nyoliɛ 1:14

Ɔ ti Zɛbisfuɛ mun, nin Amɔrfuɛ mun, nin Girgazfuɛ mun, nin

2 Be Nyoliɛ 8:7

Ɛtfuɛ mun nin Amɔrfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm bɔ be kali lɛ'n, be kwlaa sɔ'n, be nun-man Izraɛlfuɛ'm be nun.

Ɛsdras 9:1

I sin Izraɛl famiɛn i awlo lɔ sran dandan'm be wa seli min kɛ: «Nyanmiɛn nyrun jranfuɛ mun, nin Levifuɛ mun, nin Izraɛlfuɛ'm be nin nvle nga be tran mɛn nga nun wa'n, ngbaciɛ ɔ'a tran-man be afiɛn, afin tete like nga Kanaanfuɛ nin Ɛtfuɛ, nin Ferezfuɛ, nin Zɛbisfuɛ, nin Amɔnfuɛ, nin Moabfuɛ, nin Eziptfuɛ, nin Amɔrfuɛ'm be yo'n i wie yɛ be yo-ɔ,

Neemi 13:23

I blɛ sɔ nun'n, n wunnin kɛ Zuif wie'm b'a ja Asdɔd, nin Amɔn, ɔ nin Moab bla mun.

Jue Mun 78:55

Ɔ kannin nvle wie'm bé bo be nyrun nan ɔ'a cɛ lika'n ɔ'a man be kɛ ɔ `yo be liɛ titi. Ɔ fali Izraɛl nvle mun sieli i Kanaanfuɛ'm be lika'n nun.

Ezipt Lɔ Tulɛ'n 15:7

Ɔ dan bɔ a ti'n ti, be nga be jaso ɔ́ wun'n, be tu be langa be nyin aanga lɔ. Kɛ ɔ ya'n jue kɛ sin sa'n, ɔ yra be kɛ ijre sa.

Ezipt Lɔ Tulɛ'n 23:28

N ´sunman abɔn dandan mun amun nyrun lɔ, be ´fuan Evfuɛ mun, nin Kanaanfuɛ mun, ɔ nin Ɛtfuɛ'm be kwlaa nan amu'an ju lɔ bɔbɔ.

Ezipt Lɔ Tulɛ'n 23:32

Nán amun nin be tra aenguɛ, nán amun fa be amuɛn mun.

Ezipt Lɔ Tulɛ'n 23:33

Nán amun kplin be su kɛ be tran amun mɛn'n nun kɛ ɔ ´yo nan b'a laka-man amun nan amu'an fɔn-man mín wun'n ti. Afin sɛ amun su be amuɛn mun'n, wuun amu'an tɔ amuɛn sɔlɛ aya'n nun.»

Ezipt Lɔ Tulɛ'n 33:2

N ´sunman min anz'n ɔ ´dun mmua amun nyrun, yɛ n ´fuan Kanaanfuɛ mun, nin Ɛtfuɛ mun, nin Ferezfuɛ mun, nin Zɛbisfuɛ mun, ɔ nin Evfuɛ mun.

Ezipt Lɔ Tulɛ'n 6:8

N ´fa amun n ´kɔ mɛn nga n tali Abraam, nin Izaak, nin Zakɔb be nda kɛ n ´fa man be'n i nun lɔ. M bɔbɔ min Anannganman, n ´fa mɛn sɔ'n ´man amun.› »

Saun Yolɛ 14:34

«Kanaan mɛn'n yɛ n wa fa man amun lɛ-ɔ. Blɛ nga amun ko tran lɔ ko wie'n, nan sɛ amun wun kɛ m'an fa senzeble m'an to a yi amun sua'n kun nun'n,

Kalɛ 13:29

Amalɛkfuɛ'm be tran ngua lɔ lika'n nun, Ɛtfuɛ'm be nin Zɛbisfuɛ mun, ɔ nin Amɔrfuɛ mun be tran oka-oka lika'm be nun, yɛ Kanaanfuɛ'm be tran be liɛ jenvie'n wun koko lɛ Zurdɛn nzue ba'n i nuan.»

Kalɛ 14:31

Amun mma kanngan mun bɔ amun waan be wa kaci alɛ nnɛn'n, n ´fa be n ´kɔ mɛn sɔ'n nun lɔ. Kpɛkuun be wa wun mɛn nga amun nyin tuli su'n.

Sa nga bé yôli'n 13:19

Kɛ ɔ nunnunnin nvle nso Kanaan mɛn nun'n , ɔ fali nvle sɔ'n be mɛn'n mannin be

Mmla'n 11:29

Kɛ Anannganman amun Nyanmiɛn'n ko fa amun ko wɔ mɛn nga amun su ko fa'n nun lɔ'n, amun `jran Garizim oka'n su amun `kan muae ndɛ mun, yɛ amun `jran Ebal oka'n su kusu, amun `kan sokpalɛ ndɛ mun .

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Mmla'n 20:16

Sanngɛ mɛn nga Anannganman amun Nyanmiɛn'n fa mannin amun kɛ amun fa be'n, be liɛ'n, sɛ amun nin klɔ kun sufuɛ'm be kun alɛ'n, nán amun yaci like ba kun sa nguan nun.

Mmla'n 31:20

N wa fa be n ´kɔ lika nga n tali be nannan'm be nda kɛ n ´fa man be'n i nun lɔ. Lɔ asiɛ sɔ'n ɔ yo like kpa, i kunngba'n o ti nnɛn tawlɛ klanman. Be ´di like be ku ´yi, be ´cɛn cɛn luklɔ-luklɔɔ, be ´tu amuɛn'm be ´sɔ be, kpɛkuun be su bu-man min like kun. Be ´saci aenguɛ nga e nin be trali'n.

Mmla'n 31:3

Anannganman amun Nyanmiɛn'n ɔ ´dun mmua amun nyrun. Ɔ ´nunnun sran nga be o amun nyrun lɔ mun, ɔ ´fa be mɛn'n ´man amun. Sran ng'ɔ ´dun mmua amun nyrun ekun'n yɛlɛ Zozie kɛ Anannganman fa kannin'n sa.

Mmla'n 4:38

Ɔ fuannin nvle wie'm be nun sran mun, yɛ ɔ fali be mɛn'n mannin amun kɛ amun tran nun. Amun bɔbɔ amun nyinma ta sa sɔ mun kɛ e se yɛ'n. Nvle sɔ'm be dan tra amun liɛ yɛ be nunfuɛ'm be kekle tra amun.

Mmla'n 6:1

«Mmla fanunfanun ng'ɔ o yɛ'n kwlaa Anannganman amun Nyanmiɛn'n waan n `kle amun nan sɛ amun ju mɛn nga amun su kɔ nun yɛ'n nun lɔ'n, amun `fa be su.

Mmla'n 6:10

Anannganman amun Nyanmiɛn'n ɔ ´fa amun kɔ mɛn nga ɔ seli amun nannan Abraam, nin Izaak, nin Zakɔb kɛ ɔ ´fa man amun'n i nun lɔ. Amun ko fa klɔ dandan, nin klɔ kpakpa bɔ nán amun yɛ amun kplannin'n.

Mmla'n 6:19

Ɔ ´dun mmua fuan amun kpɔfuɛ mun kɛ ɔ fa kannin'n sa.

Mmla'n 6:23

Nan ɔ'a yi e be mɛn sɔ'n nun lɔ, nan ɔ nin e a ba mɛn nga ɔ tali e nannan'm be nda kɛ ɔ ´fa man ye'n nun.

Mmla'n 9:1

Izraɛlfuɛ mun, amun `sie amún su! Zurdɛn'n yɛ amun su wa kpɛ i lɛ-ɔ. Amun ´ko fa nvle bɔ be dandan tra amun liɛ'n, bɔ be nun sran'm be kekle tra amun. Nvle sɔ'm be nun klɔ'm be ti dandan, yɛ bé wun talɛ'm be ti cinnjin kpa, yɛ be ti nglo-nglo.

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Mmla'n 9:4

Sɛ Anannganman amun Nyanmiɛn'n ɔ fuan be amun nyrun'n, nán amun di amún nuan se kɛ: «E kpa bɔ e ti'n ti yɛ Anannganman fali e bali kɛ e wa tran mɛn nga nun-ɔn.» Afin nvle sɔ'm be aeliɛ tɛtɛ'n ti yɛ Anannganman ´fuan be amun nyrun-ɔn.

Zozie 11:3

Ɔ wunnin Kanaanfuɛ nga be o Zurdɛn'n i lika ng'ɔ kpɛ wia afiliɛ nin i lika ng'ɔ kpɛ wia atɔliɛ lɔ'n bé wun. Amɔrfuɛ, nin Ɛtfuɛ, nin Ferezfuɛ, nin Zɛbisfuɛ nga be tran oka-oka lika'm be nun'n, ɔ nin Evfuɛ nga be tran Ɛrmɔn bo lɔ Mizpa lika nun lɔ'n, ɔ wunnin be wun ekun.

Zozie 24:11

Amun kpɛli Zurdɛn'n be bali Zeriko. Zerikofuɛ'm be nin amun kunnin. Amɔrfuɛ nin Ferezfuɛ, nin Kanaanfuɛ, nin Ɛtfuɛ, nin Girgazfuɛ, nin Evfuɛ, ɔ nin Zɛbisfuɛ mun be kusu be nin amun kunnin. N fali be kwlaa m mannin amun.

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.