Mmla'n 5:3 - NYANMIƐN NDƐ'N 1998

³ Aenguɛ sɔ b'ɔ trali'n, nán é si'm be ngunmin yɛ ɔ nin be trali-ɔ, sanngɛ ɔ nin e nga e o wa yɛ'n bɔ kɛ e ´se yɛ'n é nyin tɛ o su'n, ɔ nin e kwlakwla yɛ ɔ trali-ɔ.

Mmla'n 5:3 Iomraidhean Croise

Bo Bolɛ 17:21

Sanngɛ sran nga e nin i e tra aenguɛ'n yɛlɛ Izaak, Sara i wa nga afuɛ ng'ɔ ´ba lɔ bikisa'n, wuun ɔ'a wu i ɔ'a man wɔ'n.»

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Zeremi 34:13

«Min Anannganman'n bɔ n ti Izraɛl Nyanmiɛn'n min wan yoo: ‹Kɛ n ´fa amun nannan mun Ezipt lɔ kan be yoli afanniɛn lɔ'n m ´ba'n, e nin be e nuan sɛli é wun

Matthieu 13:17

Nanwlɛ, Nyanmiɛn nuan ijɔfuɛ mun nin sran nanwlɛfuɛ kpanngban kpa be klo kɛ be ´wun like nga an wun be yɛ'n, sanngɛ b'a wun-man be, be klo kɛ be ´ti ndɛ nga an ti be yɛ'n, sanngɛ b'a ti-man.»

Mmla'n 29:1

Moiz flɛli Izraɛlfuɛ'm be kwlaa nan ɔ'a se be kɛ: «Like nga Anannganman yoli i Ezipt mɛn'n nun lɔ'n, like ng'ɔ fa yoli Ezipt famiɛn'n nin i mantanfuɛ mun'n, ɔ nin i mɛn'n nunfuɛ mun'n amun wunnin be.

Mmla'n 29:9

Amún su kpɛnngbɛn mun, nin amun nyrun mmua dunfuɛ mun, ɔ nin amun awlo bo kpɛnngbɛn mun, nin amun alɛ su kpɛnngbɛn mun, nin amun mma mun, nin amún yi mun, ɔ nin aofuɛ nga amun sike be'n mun, wie'm be ti yie bufuɛ, wie'm be kusu be ti nzue safuɛ, amun kwlaa amun yɛ amun wo Anannganman amun Nyanmiɛn'n i nyrun yɛ.