Mmla'n 5:2 - NYANMIƐN NDƐ'N 1998

² Anannganman e Nyanmiɛn'n ɔ nin e trali aenguɛ Orɛb lɔ.

Mmla'n 5:2 Iomraidhean Croise

2 Famiɛn Mun 17:35

Anannganman nin be trali aenguɛ. Yɛ ɔ seli be kɛ: «Nán amun sro amuɛn mun, nán amun koto be nyrun, nán amun su be, yɛ nán amun yi sraka man be.

Ezipt Lɔ Tulɛ'n 19:1

Izraɛlfuɛ'm be tuli bé bo Refidim lɔ. Kɛ be tuli Ezipt lɔ'n, be anglo nsan su'n i cɛn klikli'n su'n, be juli Sinai aawlɛ flɛnnɛn'n nun. Be kpɛli be ngblaliɛ aawlɛ flɛnnɛn'n nun Sinai oka'n i wun lɛ.

Ezipt Lɔ Tulɛ'n 24:8

Moiz fali mmoja'n kpɛntɛn-kpɛntɛnnin Izraɛlfuɛ'm bé su, kpɛkuun i waan: «Mmoja ng'ɔ o yɛ'n, o ti aenguɛ nga Anannganman nin amun trali'n blɛ b'ɔ ´man amun mmla nga'm be kwlaa'n, i nzɔliɛ .»

Ezipt Lɔ Tulɛ'n 34:10

Anannganman seli Moiz kɛ: «Nian, e nin amun e wa tra aenguɛ. Nvlefuɛ'm be kwlaa be nyrun'n, n wa yo abonuan sa bɔ be nian wun-mɛn i asiɛ wunmuan'n su wa, ɔ nin mɛn'm be kwlaa be nun le'n. Izraɛlfuɛ nga a o be afiɛn yɛ'n be kwlaa, be ´wun min Anannganman min sa nuan junman mun. Wɔ yɛ n ´fa wɔ n ´di junman sroesroe sɔ mun-ɔn.

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Zeremi 34:13

«Min Anannganman'n bɔ n ti Izraɛl Nyanmiɛn'n min wan yoo: ‹Kɛ n ´fa amun nannan mun Ezipt lɔ kan be yoli afanniɛn lɔ'n m ´ba'n, e nin be e nuan sɛli é wun

Mmla'n 1:6

Moiz waan: «Kɛ e o Orɛb oka'n su lɔ'n, Anannganman e Nyanmiɛn'n seli e kɛ: Amu'an tran oka nga bo wa b'a cɛ dan.

Mmla'n 29:1

Moiz flɛli Izraɛlfuɛ'm be kwlaa nan ɔ'a se be kɛ: «Like nga Anannganman yoli i Ezipt mɛn'n nun lɔ'n, like ng'ɔ fa yoli Ezipt famiɛn'n nin i mantanfuɛ mun'n, ɔ nin i mɛn'n nunfuɛ mun'n amun wunnin be.

Mmla'n 4:13

Ɔ kannin aenguɛ nga ɔ nin amun trali'n i ndɛ kleli amun. I waan amun `nian su, nan amun `niɛn i mmla blu b'ɔ klɛli be yɛbuɛ paplaapla nnyɔn su'n be su `nanti.

Mmla'n 4:23

I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.