Mmla'n 5:1 - NYANMIƐN NDƐ'N 1998

¹ Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Mmla'n 5:1 Iomraidhean Croise

Jue Mun 78:7

nan b'a fa bé wla'n b'a guɛ i Nyanmiɛn su, nan bé wla ɔ'a fi-man ng'ɔ yoli'n, nan b'a fɛ i mmla'm be su.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 18:20

Fa Nyanmiɛn i mmla mun nin i atin'n kle sran mun. Kle be nantilɛ ng'ɔ fata kɛ be nanti'n, ɔ nin like ng'ɔ fata kɛ be yo'n.

Matthieu 23:3

I sɔ'n ti, like nga be kle amun'n, an `fa su, an `yo, sanngɛ nán an nian be nzuɛn'n su. Afin be kan ndɛ'n, sanngɛ be bɔbɔ be fa-man su.

Mmla'n 1:1

Kɛ Izraɛlfuɛ'm be tɛ o Zurdɛn'n i bue kun lɔ aawlɛ flɛnnɛn'n nun lɔ lika kpɛtɛkplɛɛ ng'ɔ mantan Zif klɔ'n lɛ'n, Moiz kan ndɛ kleli be kwlakwla. Ndɛ sɔ mun yɛ be o fluwa nga nun-ɔn. Kɛ ɔ ´kɛn i sɔ'n, wuun be o Paran, nin Tɔfɛl, nin Laban, nin Azerɔt, ɔ nin Di-zaab be afiɛn'n nun.

Mmla'n 11:1

Amun `klo Anannganman amun Nyanmiɛn'n, amun `fɛ i mmla fanunfanun'm be kwlaa bé su tititi.

Mmla'n 12:1

Amun wa ko tran mɛn nga Anannganman amún nannan'm be Nyanmiɛn'n ɔ'a fa man amun'n nun lɔ. Mmla fanunfanun b'ɔ fata kɛ amun nian nun nanti bé su titi lele fa ju amun wie cɛn, be yɛ be o yɛ.

Mmla'n 17:19

Man ɔ trɛn i sa nun nan ɔ kanngan nun cɛn kwlakwla, nan i nyin ɔ'a yi Anannganman i Nyanmiɛn'n titi, nan ɔ'a fa mmla sɔ'n i nun ndɛ'm be kwlaa bé su, nan ɔ'a nian bé su ɔ'a nanti.

Mmla'n 28:15

Sɛ kusu amu'an ti-man Anannganman amun Nyanmiɛn'n i aniɛn'n, sɛ amu'an fɛ-mɛn i mmla nga n ´fa man amun ndɛ yɛ'n bé su'n, sɛ amu'an nian-man be su b'a nanti-man'n, nyrɛnnɛn sa ng'ɔ wa ´ju amún su'n yɛ:

Mmla'n 29:2

Sa kekleekle ng'ɔ fa yili be su nin abonuan sa ng'ɔ yoli be'n, ɔ nin atrɛ ng'ɔ yili be'n, amun wunnin be.

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:49

Lika sɔ'n, ɔ fɛ i Zurdɛn'n sin lɔ lika kpɛtɛkplɛɛ b'ɔ o wia afiliɛ bue liɛ su lɔ'n lele ɔ fa ju jenvie b'ɔ ti njin nzue klakla'n wun lɔ, ɔ ju Pisga oka'n i bo.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.

Mmla'n 5:2

Anannganman e Nyanmiɛn'n ɔ nin e trali aenguɛ Orɛb lɔ.

Mmla'n 6:17

Amun `fa Anannganman amun Nyanmiɛn'n i ndɛ nin i mmla fanunfanun ng'ɔ fa mannin amun'n bé su kpa.

Zozie 1:8

Mmla ng'ɔ ti klɛwa fluwa nga nun'n, kan flan nun. Bu i akunndan wia su nin kɔnguɛ, kɛ ɔ ´yo nan w'a fa su sɛsɛsɛ'n ti. Sɛ a yo sɔ'n yɛ like nga a yo'n ɔ ´yo ye-ɔ.