Mmla'n 4:7 - NYANMIƐN NDƐ'N 1998

⁷ ?Nvle nga be ti dandan bɔbɔ'n, be nun onin cɛ yɛ i amuɛn'm be mɛntɛn i dan kɛ Anannganman e Nyanmiɛn'n bɔ blɛ kwlaa nga e flɛ i'n ɔ mantan ye'n sa-a?

Mmla'n 4:7 Iomraidhean Croise

2 Samiɛl 7:23

Nvle fi nun-man lɛ bɔ be kwla fa sunnzun Izraɛl nvle nin-ɔn. Izraɛl mɛn'n kunngba yɛ a ko kpɔli i Eziptfuɛ mun nin be amuɛn'm be sa nun-ɔn. A fɛ i yoli ɔ nvle. Yɛ wɔ man i dunman'n ɔ fuli, afin a yoli sa dandan mun, nin abonuan sa mun mɛnnin i mɛn nga nun wa.

Jue Mun 145:18

Be kwlaa nga be kpan flɛ Anannganman'n, ɔ mantan be. Sɛ be kpan flɛ i bɔ gblɛ nun-man nun'n, ɔ mantan be.

Jue Mun 147:20

Ɔ'a yo-man nvle uflɛ fi sɔ. Be wie fi si-mɛn i mmla mun . Amun `manman Anannganman!

Jue Mun 148:14

Ɔ ukɛli i nvlefuɛ'm be wunmiɛn'n su. I sufuɛ nanwlɛfuɛ mun bɔ be yɛlɛ Izraɛlfuɛ mun bɔ be ti i nvle'n i nunfuɛ bɔ be fa bé wun mɛntɛn i'n, be fɛ i di be nuan . Amun `manman Anannganman!

Jue Mun 34:17

Anannganman nin be bɔ be yo sa tɛ'n be kun, afin i waan ɔ ´nunnun be dunman'n mɛn'n nun .

Jue Mun 34:18

Kɛ Anannganman i sufuɛ nanwlɛfuɛ'm be flɛ i'n, ɔ sie i su tie. Yɛ ɔ man nyrɛnnɛn ng'ɔ o be su'n i kwlaa wie.

Jue Mun 46:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i'n fluwa'm be nun wie. Kɛ be ´to'n, be man be aniɛn'n su. Be waan:

Jue Mun 73:28

Sanngɛ Nyanmiɛn i tranlɛ bɔ e nin wɔ tran'n ɔ ti min anyanbeun like. Min min Anannganman, n ´fa mín wla'n n gua ɔ su. N ´kan sa kpakpa nga a yoli be'n mun n ´kle sran'm be kwlaa.

Jue Mun 85:9

Sa nga Anannganman Nyanmiɛn kan'n, n ´tie. I waan ɔ ´yo man i nvle'n i nunfuɛ mun nin i sran nanwlɛfuɛ mun bé wun ´jɔ be fɔun kɛ ɔ ´yo nan b'a yo-man be sinnzin sa'n kun'n ti.

Ezai 43:4

Kɛ bɔ amun lɛ nyrun dan min nyrun'n, kɛ bɔ m bu amun sran'n, kɛ bɔ n klo amun'n ti, n ´fa sran'm n jran amun ajalɛ nun, n ´fa sran kaci amun.

Ezai 55:6

Blɛ bɔ be fa bé wun mantan Anannganman ɔ tɛ yo ye'n, amun `kpɛ amun nyin i wun lɔ, kɛ ɔ tɛ o koko'n, amun `kpan flɛ i.

Kalɛ 23:21

Anannganman wun-man sa tɛ fi Zakɔb wun. Ɔ wun-man sa nga Izraɛlfuɛ'm be yo b'ɔ ti-mɛn i su-ɔ. Ɔ ti be Nyanmiɛn, ɔ nin be yɛ ɔ tran-an yɛ be mɛnmɛn i kɛ be fa manman famiɛn sa.

Kalɛ 23:9

Kɛ n wo kpɔlɛ'n su wa'n, n nian nvle sɔ'n i nun sran mun. Kɛ n wo kpɔlɛ'm bé ti su wa bɔ n nian be'n, be ti nvle kun bɔ be o be ngunmin, be nin nvle kun nga'm be ti-man kun.

Sa nga bé yôli'n 17:27

Nyanmiɛn yoli i sɔ kɛ be `kunndɛ i, wienun-ɔn, sɛ be fuafua be sa-a be ´wun i o, afin ɔ nin ye nin e nun wie fi nun-man mmua.

Mmla'n 26:19

Anannganman amun Nyanmiɛn'n, ɔ klo kɛ amun nyan nyrun. Ɔ klo kɛ amun nvle'n yo dan nan i dunman'n fu, nan i nyrun ba nyan tra nvle ng'ɔ jrali be asiɛ'n su'n be kwlakwla. I liɛ'n, amun ´yo i nvle klonglonglo kɛ ɔ fa kannin'n sa.»

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»

Mmla'n 4:32

Amun `bu sa nga be juli lalafuɛ nun'n i sin nan b'a wu amun'n i akunndan. ?Kɛ ɔ fin cɛn bɔ Nyanmiɛn boli sran jrɛli i asiɛ'n su'n, yɛ kɛ ɔ fɛ i asiɛ'n i bue kun lele b'ɔ ´fa guɛ i bue kun ekun lɔ'n, sa dan kɛ nga sa ɔ'a ju le? ?B'a kɛn i sɔ ndɛ amu'an ti i le?

Mmla'n 5:26

?Sran onin bɔ cɛ yɛ ɔ'a ti Nyanmiɛn b'ɔ lafi-man'n i nɛn'n sin nun kɛ e sa bɔ ɔ'a wu-man-an?

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.