Mmla'n 4:6 - NYANMIƐN NDƐ'N 1998

⁶ Sɛ amun fa bé su nan amun nian bé su fa nanti'n, sɛ nvle kun nga'm be nunfuɛ'm be ti mmla sɔ'm be nun ndɛ mun'n, be ´si kɛ amun ti ngwlɛlɛfuɛ nin akunndanfuɛ mun. Nga be ´se'n yɛlɛ kɛ: «Nvle dan nga i nunfuɛ'm be si ngwlɛlɛ o, be si sa o!»

Mmla'n 4:6 Iomraidhean Croise

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Jue Mun 111:10

Be nyin b'ɔ yi Anannganman yɛ ɔ ti ngwlɛlɛ silɛ'n i bo bolɛ nin-ɔn. Be kwlaa nga be yo i sɔ'n, be lɛ akunndan ti-ɔ. I manmanlɛ wie-man mlɔnmlɔn le .

Jue Mun 19:7

Ɔ fɛ i nyanmiɛn'n i bue kun lɔ ɔ kɔ lele kpɛn i bue kun lɔ ekun. Like fi nun-man lɛ b'ɔ kpɛjɛ-mɛn i su-ɔ.

Jue Mun 19:8

Anannganman i mmla'n, fiɛn kaan sa nun-mɛn i wun. Kɛ sran'n i wunmiɛn'n wie'n, ɔ mɛn i uflɛ. Anannganman i like ng'ɔ kle'n be ti nanwlɛ. Be kle sran ng'ɔ si-man sa'n i ngwlɛlɛ.

Nyanndra Mun 1:4

I waan ɔ ´bu i sɔ nan be nga be si-man sa'n, b'a si like ng'ɔ ti kpa'n annzɛ ng'ɔ ti tɛ'n, nan gbanflɛn'm b'a si sa, nan b'a si akunndan bulɛ'n i wun atin'n.

Nyanndra Mun 1:5

Sɛ bɔ akunndanfuɛ'n bɔbɔ sie i su ti'n, ɔ ´si sa uflɛ uka laa liɛ'n su. Sɛ sran nga be ti ngwlɛlɛfuɛ'n be ti'n, be ´wun wafa ng'ɔ fata kɛ be nanti'n.

Nyanndra Mun 1:7

Bé nyin b'ɔ yi Anannganman'n, yɛ ɔ ti ngwlɛlɛ silɛ'n i bo bolɛ nin-ɔn. Be nga be wun-man sa wlɛ'n be bu-man ngwlɛlɛ'n i like fi. Ndɛ nga be kan kle be'n, be bu-mɛn i like fi .

Nyanndra Mun 14:34

Sa nuan su yolɛ'n ɔ man nvle'n kun b'ɔ o sa'n i kɔmin su, sanngɛ sa tɛ'n ɔ gua nvle nunfuɛ'm bé nyin ase.

Nyanndra Mun 14:8

Sran ng'ɔ ti akunndanfuɛ'n, ɔ niɛn i wun su kpa. Sinnglinfuɛ'n i sinnzin'n ti ɔ mlin.

Ezai 42:21

Anannganman yo sa i nuan su ti i waan ɔ ´yo i mmla'n i dan, yɛ ɔ siesie i kpa,

Zeremi 8:9

Ngwlɛlɛfuɛ'm b'a wun nyannzuɛn. Srɛ'n ɔ'a kun be kpo, b'a mian. Yɛlɛ kɛ be yoli Anannganman i ndɛ'n i finfin. ?Yɛ wuun kɛ ɔ o lɛ'n, be si ngwlɛlɛ?»

Ezekiɛl 5:5

Anannganman Nyanmiɛn'n wan yoo: ‹Zerizalɛm klɔ'n yɛ ɔ o lɛ-ɔ. N fa sieli nvle-nvle nin mɛnmɛn nga be sin yiɛ i'n be afiɛn.

Daniɛl 1:20

Ndɛ kwlaa wie ala bɔ famiɛn'n usa be'n, b'ɔ fata kɛ akunndan nin ngwlɛlɛ yɛ be fa tɛ su'n, ɔ wunnin kɛ be tɛ su kpa trɛ i mɛn'n nun wunnzue yifuɛ fanunfanun'm be kwlaa lele kpɛ blu.

Daniɛl 4:9

I nnya'm be ti klanman, yɛ i mma'm be sɔnnin kpa. I mma sɔ mun yɛ like kwlaa di-ɔ. Blo nnɛn'm be wa fiɛ i fɔnvɔ'n bo. Anunman'm be yo bé sua i sama'm be nun. I yɛ ɔ ta ninnge nga be de wunmiɛn bɔ Nyanmiɛn yili be'n be kwlaa-a.

Ndɛ Nga Nyanmiɛn I Nuan Ijɔfuɛ Oze Kannin'n 8:12

Kannzɛ bɔ min waan man n klɛ min mmla'n kwlakwla kpan m man be'n, ɔ ti ngbɛn bé sa nun.

Malasi 3:12

Nvle uflɛ nga be o lɛ mun'n be ´se amun kɛ amun liɛ su ti ye! Afin amun mɛn'n nun tranlɛ ɔ wa yo fɛ kpa.» Anannganman b'ɔ sie mɛn wunmuan'n yɛ ɔ kan sɔ-ɔ.

Mmla'n 29:9

Amún su kpɛnngbɛn mun, nin amun nyrun mmua dunfuɛ mun, ɔ nin amun awlo bo kpɛnngbɛn mun, nin amun alɛ su kpɛnngbɛn mun, nin amun mma mun, nin amún yi mun, ɔ nin aofuɛ nga amun sike be'n mun, wie'm be ti yie bufuɛ, wie'm be kusu be ti nzue safuɛ, amun kwlaa amun yɛ amun wo Anannganman amun Nyanmiɛn'n i nyrun yɛ.

Mmla'n 32:46

ɔ seli be kɛ: «Ndɛ nga m'an kɛn i ndɛ yɛ'n, man ɔ yo amun cinnjin. Amun `kan kle amun osu nunfuɛ mun. Man be nian mmla nga su be nanti.

Mmla'n 32:47

Nán ndɛ sɔ'n yo amun nyrun ndɛ finfin, afin i yɛ ɔ´yo man amun ´nyan nguan-an, i yɛ ɔ ´yo man amun ´cɛ mɛn nga amun wa kpɛ Zurdɛn'n amun ´ko fa'n i nun lɔ-ɔ.»

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

Jacques 3:13

?Amun nun onin yɛ ɔ si ngwlɛlɛ b'ɔ wun sa wlɛ-ɔ? Man be wun i sɔ i nzuɛn kpa'n nin sa kpa ng'ɔ yo be'n nun, yɛ man be wun kɛ ɔ yo i wun aenvuɛ yɛ ɔ ti ngwlɛlɛfuɛ.