Mmla'n 4:16 - NYANMIƐN NDƐ'N 1998

¹⁶ Nán amun yo like wie b'ɔ ti like wie nzɔliɛ amun fa saci amún wun. Nán amun yo like b'ɔ ti amuɛn'm be nzɔliɛ. Nán amun yo like wie b'ɔ ti sran yasua annzɛ bla wie nzɔliɛ,

Mmla'n 4:16 Iomraidhean Croise

Ezipt Lɔ Tulɛ'n 32:7

Blɛ sɔ nun'n, Anannganman seli Moiz kɛ: «Jra nan kɔ, afin ɔ sran nga a fa be fin Ezipt lɔ bali'n, b'a yo sa tɛ dan.

Ezai 40:18

?Wan cɛ yɛ amun ´fa sunnzun Nyanmiɛn-ɔn? ?Nzɔliɛ onin cɛ yɛ amun ´yo b'ɔ ´fa Nyanmiɛn-ɔn ?

Ezai 44:13

Waka sɛfuɛ'n ɔ sunnzun waka nin nyanman, ɔ fa laklɛ fa jaja amuɛn ba'n i wafa'n, yɛ ɔ fa soma fa sɛ, kpɛkuun ɔ fa like kpitɛ i wun ɔ yo mlɔnnɔnnɔnnɔn. Ɔ yo like sɔ'n kɛ sran sa, ɔ yo i nyrun klanman kɛ sran'm be liɛ'n sa, yɛ ɔ fɛ i sie sua kun nun.

Ezekiɛl 8:10

N wluli lɔ nan m'an nian lɔ. N ´nian-an, nnɛn nga be cuɛn bé wun ase'n nin nnɛn nga be ti tete ninnge'n, ɔ nin Izraɛlfuɛ'm be amuɛn mun yɛ b'a yi be nzɔliɛ talɛ ng'ɔ sin yia min'n su sa sɛsɛsɛ yɛ.

Saun Yolɛ 19:4

Nán amun su amuɛn'm be kun. Amun `yaci amuɛn nga be fa blalɛ annzɛ like ng'ɔ ti kɛ blalɛ sa be yo be mun. Min yɛ n ti Anannganman amun Nyanmiɛn nin-ɔn.

Saun Yolɛ 26:1

«Nán amun kpɛ amuɛn ba. Waka sran nga be taka'n, ɔ nin yɛbuɛ amuɛn nga be taka'n, nán amun yo wie. Nán amun fa yɛbuɛ be sɛ amuɛn be klɛ i wun wɛnkɛɛn kɛ amun ´fa sie amun mɛn'n nun wa nan amun sɔ i. Afin min yɛ n ti Anannganman amun Nyanmiɛn nin-ɔn.

Jean 4:24

Nyanmiɛn ti aolia nun sran, ɔ man be nga be waan be ´koto i bo be ´mɛnmɛn i'n, man be yo i sɔ be akunndan'n nun nanwlɛ nun.»

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Mmla'n 16:22

Nán amun taka amuɛn wie i yɛbuɛ. Anannganman amun Nyanmiɛn'n klo-mɛn i sɔ like'n mlɔnmlɔnmlɔn.

Mmla'n 27:15

«Sran ng'ɔ yo waka sran, annzɛ ɔ klo blalɛ fa yi like wie, nan ɔ fa fia lika wie nan ɔ su i'n, nán man ɔ wun ye le. Afin like sɔ bɔ ajuin difuɛ'm be yo'n, Anannganman nyin ci i.» Kpɛkuun man Izraɛlfuɛ'm be kwlakwla be tɛ su kɛ: «Man ɔ yo sɔ!»

Mmla'n 31:29

N si jrɛiin kɛ sɛ n wu'n, ɔ lɛ-man kɛ amun su saci-man. Amun ´yaci atin nga n kleli amun'n i lɛ, amun ´fa uflɛ. Amun ´yo sa tɛtɛ mun Anannganman i nyrun amun ´fa kun i ya. Ɔ man sa yalɛ'n kusu ´tɔ amún su le.»

Mmla'n 4:23

I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Mmla'n 4:25

Kannzɛ amun cɛ mɛn nga nun wa bɔ amun ´wu ba mun, bɔ amun ´nyan anunman mun'n, sanngɛ nán amun yo like wie b'ɔ ´yo like wie nzɔliɛ b'ɔ ´saci amun-ɔn. Yɛ nán amun yo like fi bɔ Anannganman amun Nyanmiɛn'n ɔ klo-mɛn i b'ɔ fɔkɔ i anwlɛn.

Mmla'n 5:8

Nán yo amuɛn fi nin like wie fi b'ɔ fa nglo lɔ like, annzɛ b'ɔ fa asiɛ'n su wa like, annzɛ b'ɔ fa nzue b'ɔ o asiɛ'n i bo lɔ nun like.

Mmla'n 5:9

Nán koto bé bo, nán su be. Afin n ti Anannganman ɔ Nyanmiɛn yɛ n si kwla. Sɛ sran kun jaso min wun'n, n ´tu i fɔ, n ´tu i nin i mma'm be fɔ lele n fa wlu i anunman'm be mma liɛ'm be nun.

Mmla'n 9:12

Ɔ seli min kɛ: «Jaso, kan ɔ́ wun jra, afin ɔ sran nga a fa be Ezipt lɔ bali'n, b'a yo sa tɛ dan. B'a yaci atin nga n kleli be'n lɛ lalaa, b'a klo sika ɔkwlɛ b'a yo amuɛn.»

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!