Mmla'n 4:12 - NYANMIƐN NDƐ'N 1998

¹² Anannganman ijɔ kleli amun sin sɔ'n nun. Amun tili i ijɔlɛ'n, sanngɛ amu'an wun-mɛn i nyrun'n, i nɛn'n kunngba yɛ amun tili-ɔ .

Mmla'n 4:12 Iomraidhean Croise

Ezipt Lɔ Tulɛ'n 19:9

Kpɛkuun Anannganman seli Moiz kɛ: «N wa ba ɔ́ wun lɔ. Sin wɛnsrɛn kpikplikpi kun nun yɛ n ´fia-a kɛ ɔ ´yo nan kɛ n ijɔ kle wɔ'n, Izraɛlfuɛ'm b'a ti nan b'a lafi ɔ su titi'n ti.» Moiz kannin i su nga nvlefuɛ'm be tɛli'n kleli Anannganman.

Ezipt Lɔ Tulɛ'n 20:22

Anannganman seli Moiz kɛ: «Kan ndɛ nga kle Izraɛlfuɛ mun: ‹Amun wunnin i kɛ nyanmiɛn su lɔ yɛ n wo yɛ n ijɔli n kleli amun-ɔn.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Ezai 40:18

?Wan cɛ yɛ amun ´fa sunnzun Nyanmiɛn-ɔn? ?Nzɔliɛ onin cɛ yɛ amun ´yo b'ɔ ´fa Nyanmiɛn-ɔn ?

Ezai 40:3

N ti sran kun nɛn, ɔ se kɛ: «Amun `siesie Anannganman i atin'n aawlɛ flɛnnɛn'n nun lɔ. Amun `yi akpɔ kun asiɛ kee'n nun man e Nyanmiɛn'n, amun `treke su .

Ezai 40:6

Sran nɛn kun se kɛ: «Kan!» Yɛ n tɛli su kɛ: «?Nguɛ ndɛ yɛ n `kan-an?» Sran nɛn sɔ'n tɛli su kɛ: «Sran'm be kwlaa be ti kɛ ijre sa. Yɛ be nyrun nga be lɛ i'n, ɔ ti kɛ ijre'n i nyrɛ'n sa.

Kalɛ 12:8

N kan min ndɛ mun weiin n kle i. N yi mín wun nglo weiin n kle i, n yo-mɛn i nyanndra nun, ɔ wun wafa nga n fa ti'n. ?Yɛ ɔ yo sɛ ti yɛ an kan min sufuɛ sɔ'n i wun ndɛ tɛtɛ bɔ srɛ kaan sa kun-man amun nin-ɔn?»

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

Matthieu 3:3

I yɛ Nyanmiɛn nuan ijɔfuɛ Ezai kɛnnin i ndɛ kɛ: ‹I yɛ ɔ kpan aawlɛ flɛnnɛn nun lɔ nin-ɔn, ɔ se kɛ: An `siesie e Min'n i akpɔ'n, An `yo i atin'm be seiin, an `treke su .› »

Mmla'n 10:4

Nan Anannganman ɔ'a klɛ yɛbuɛ paplaapla nnyɔn'm bé su kɛ ɔ fa klɛli klikli liɛ'm bé su'n sa. Ɔ klɛli mmla blu yɛbuɛ sɔ'm be su. Kɛ amun yiali'n, mmla sɔ'n yɛ ɔ jrannin sin nun kan kleli amun nin-ɔn. Kɛ ɔ ´kan'n, wuun ɔ o oka'n su lɔ. I sin ɔ fali be mannin min.

Mmla'n 4:11

Amun bali amun wa jrannin Orɛb oka'n i bo lɛ. Kɛ ɔ ´yo sɔ'n, wuun oka'n ti sin ngunmin, sin sɔ'n ɔ jaso lele ju nyanmiɛn su lɔ. Aosin tritri kpa nin nyanmiɛn ble tuun kpa be sin yia oka'n.

Mmla'n 4:13

Ɔ kannin aenguɛ nga ɔ nin amun trali'n i ndɛ kleli amun. I waan amun `nian su, nan amun `niɛn i mmla blu b'ɔ klɛli be yɛbuɛ paplaapla nnyɔn su'n be su `nanti.

Mmla'n 4:15

Blɛ bɔ Anannganman jrannin sin'n nun ɔ ijɔ kleli amun Orɛb lɔ'n, amu'an wun-mɛn i nyrun'n. I sɔ'n ti kusu, amun `nian amún wun su.

Mmla'n 4:33

?Nvlefuɛ wie'm be o lɛ bɔ b'a ti Nyanmiɛn i nɛn'n sin afiɛn kɛ nga amun fa tili lɛ'n sa kpɛkuun b'a wu-man-an?

Mmla'n 4:36

Ɔ jrannin nyanmiɛn su lɔ ijɔ kleli amun, yɛ ɔ tikeli sa wie'm be su kleli amun. Asiɛ'n su wa kusu ɔ fɛli i sin dan'n kleli amun. Ɔ ijɔli sin sɔ'n nun amun tili.

Mmla'n 5:22

Ndɛ nga Anannganman kan kleli amun kwlakwla oka'n su lɔ'n yɛ ɔ o lɛ-ɔ. Ɔ jrannin sin nin nyanmiɛn ble, ɔ nin aosin ble tuun nun yɛ ɔ kannin-ɔn. Ɔ'a kan-man uflɛ ɔ'a uka-man su. Kɛ ɔ ´kan'n, ɔ kɛnnin i kekle kpa. I sin ɔ klɛli i yɛbuɛ paplaapla nnyɔn su nan ɔ'a fa man min.

Mmla'n 5:4

Oka'n su lɔ'n, Anannganman o sa, amun kusu amun wo sa, yɛ ɔ ijɔli sin'n i afiɛn lɔ kleli amun-ɔn.

Mmla'n 9:10

Nan Anannganman ɔ'a fa yɛbuɛ paplaapla nnyɔn sɔ mun ɔ'a man min. I bɔbɔ fɛli i sama klɛli be su. Ndɛ nga ɔ jrannin sin nun kɛnnin i oka'n su lɔ'n i nun b'ɔ yiali amun'n, i kwlaa o yɛbuɛ sɔ'm be su.

Kolɔsfuɛ Mun 1:15

Ɔ fa Nyanmiɛn bɔ be wun-mɛn i'n, ɔ ti i Wa Kpɛn bɔ i kpa'n tra like ng'ɔ yili be'n be kwlaa.

Hébreu 12:19

Be tili awɛ tɛlɛ, ɔ nin sran kun nɛn. Kɛ be tili i nɛn'n, be waan nán man ɔ kan ndɛ kle be kun