Mmla'n 3:6 - NYANMIƐN NDƐ'N 1998

⁶ E sacili be kwlakwla kɛ e fa yoli Siɔn b'ɔ ti Ɛsbɔn famiɛn'n i liɛ'n sa. E nunnunnin be su sran mun. I yasua o, i bla o, i bakan o, e nunnunnin be ngba.

Mmla'n 3:6 Iomraidhean Croise

Kalɛ 21:2

Yɛ Izraɛlfuɛ'm be tali Anannganman i nda, be seli kɛ: «Sɛ a fa nvle nga nunfuɛ mun wla é sa nun nan e kwla be'n, e ´saci be klɔ mun mlɔnmlɔn, e su yaci-man like fi lɛ.»

Mmla'n 1:4

Kɛ ɔ ´yo sɔ'n, wuun ɔ'a kwla Siɔn b'ɔ ti Amɔr famiɛn'n b'ɔ tran Ɛsbɔn'n, ɔ nin Ɔg b'ɔ ti Bazan famiɛn'n b'ɔ tran Astarɔt nin Edrei'n .

Mmla'n 2:24

Anannganman seli e kɛ: «Amun `jaso amun `wɔ, amun `kpɛ Arnɔn nzue ba'n. An `nian, Siɔn b'ɔ ti Amɔrfuɛ'n b'ɔ ti Ɛsbɔn famiɛn'n ɔ nin i mɛn'n, m'an fa be m'an wla amún sa nun. Amun `bo i falɛ bo. Amun `fa alɛ wla be sin.

Mmla'n 2:34

E kali é ja osu kunngba'n nun lɛ e fali be klɔ'm be ngba. E nunnunnin be su sran mun. I yasua o, i bla o, i bakan o, e nunnunnin be kwlakwla kpan. Y'a yaci-man sran ba kun sa lɛ.

Mmla'n 29:6

Kɛ e juli lika nga nun wa'n, Siɔn b'ɔ ti Ɛsbɔn famiɛn'n nin Ɔg b'ɔ ti Bazan famiɛn'n be nin e bali alɛ kunlɛ nan y'a kwla be.

Mmla'n 3:2

Yɛ Anannganman seli min kɛ: «Nán sro i, m'an fɛ i, nin i sonja mun, ɔ nin i mɛn'n m'an wla ɔ́ sa nun. Sa nga a fa yoli Siɔn b'ɔ ti Amɔr famiɛn'n b'ɔ tran Ɛsbɔn'n laa'n, i kunngba'n yɛ a wa fa yo i-ɔ.»

Mmla'n 3:5

Klɔ sɔ'm be kwlakwla bé wun ti sisiwa, bé wun talɛ'm be ti nglo-nglo kpa, kpɛkuun be to be anuan'm be nun nin gboklo dandan mun. Klɔ nga bé wun ti-man sisiwa'n be liɛ be kan-man, be sɔnnin kpa.

Zozie 11:14

Izraɛlfuɛ'm be fali ninnge ɔ nin nnɛn nga be wunnin i klɔ sɔ'm bé su'n, sanngɛ be kunnin klɔ'n sufuɛ mun, sran fi a ka-man.