Mmla'n 3:3 - NYANMIƐN NDƐ'N 1998

³ Ɔ man Anannganman e Nyanmiɛn'n ɔ fali Ɔg b'ɔ ti Bazan famiɛn'n nin i sonja'm be kwlakwla wlali é sa nun. E kwlali be, yɛ y'a yaci-man sran be nun ba kun sa lɛ.

Mmla'n 3:3 Iomraidhean Croise

Jue Mun 136:20

Ɔg b'ɔ ti Bazan famiɛn'n wo nun wie, afin i klun-ufue'n wo lɛ tititi.

Kalɛ 21:35

Izraɛlfuɛ'm be kwlali Ɔg nin i bo mma mun, ɔ nin i alɛ kunfuɛ'm be kwlaa. B'a yaci-man ba kun sa nun, be fɛli i mɛn'n.

Mmla'n 29:6

Kɛ e juli lika nga nun wa'n, Siɔn b'ɔ ti Ɛsbɔn famiɛn'n nin Ɔg b'ɔ ti Bazan famiɛn'n be nin e bali alɛ kunlɛ nan y'a kwla be.

Mmla'n 3:2

Yɛ Anannganman seli min kɛ: «Nán sro i, m'an fɛ i, nin i sonja mun, ɔ nin i mɛn'n m'an wla ɔ́ sa nun. Sa nga a fa yoli Siɔn b'ɔ ti Amɔr famiɛn'n b'ɔ tran Ɛsbɔn'n laa'n, i kunngba'n yɛ a wa fa yo i-ɔ.»

Mmla'n 3:4

E ja kunngba'n nun lɛ'n, e fali be klɔ'm be kwlaa, ba kun sa ɔ'a ka-man lɛ. E fali Argɔb nvle'n nun klɔ ablesiɛn'm bɔ be o Bazan mɛn'n nun bɔ Ɔg yɛ ɔ sie be'n.

Mmla'n 4:47

Be fɛli i lika'n. Be fali Ɔg b'ɔ ti Bazan'n i famiɛn'n i lika liɛ'n kusu wie. Amɔrfuɛ'm be famiɛn nnyɔn sɔ'm be o Zurdɛn'n sin lɔ wia afiliɛ lɔ lika'n nun laa.

Zozie 13:12

Astarɔt nin Edrei, kan Ɔg b'ɔ ti Rɛfafuɛ be kasiɛn be nun kun'n dili i famiɛn'n lɛ'n ɔ o be lika'n nun. Moiz kwlali nvle sɔ nunfuɛ mun nan ɔ'a de be lika'n,

Zozie 13:30

i ngua lɔ'n i nuan yɛlɛ Maanaim, Bazan nin Ɔg b'ɔ ti Bazan famiɛn'n i mɛn'n wunmuan, ɔ nin Zair i klɔ kanngan ablesiɛn'n be o lika sɔ'n nun.