Mmla'n 3:2 - NYANMIƐN NDƐ'N 1998

² Yɛ Anannganman seli min kɛ: «Nán sro i, m'an fɛ i, nin i sonja mun, ɔ nin i mɛn'n m'an wla ɔ́ sa nun. Sa nga a fa yoli Siɔn b'ɔ ti Amɔr famiɛn'n b'ɔ tran Ɛsbɔn'n laa'n, i kunngba'n yɛ a wa fa yo i-ɔ.»

Mmla'n 3:2 Iomraidhean Croise

2 Be Nyoliɛ 20:17

Nán amun yɛ amun wa kun alɛ nga-a. Amun li amun ko jranjran, kpɛkuun amun ka amun osu nun lɛ, yɛ amun wa wun delɛ nga Anannganman ´de amun'n. Zidafuɛ mun nin Zerizalɛmfuɛ mun, nán amun sro, nán srɛ kun amun. Ainman'n, amun `ko bu be nyrun, Anannganman ´jran amún sin.› »

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 43:5

Nán srɛ kun amun, afin n jin amun sin. N ´fa amun osu'n nunfuɛ mun wia afiliɛ lɔ ´ba. Yɛ n ´ko yia amun wia atɔliɛ lɔ amun ´ba, amun ´kan bo nun.

Kalɛ 14:9

Sanngɛ like kunngba ng'ɔ fata-man kɛ amun yo'n, yɛlɛ Anannganman su nyin kekle yolɛ'n. Nán amun sro mɛn sɔ'n nun sran mun. Be su ju-man e lika fi, e ´kwla be ndɛndɛ kpa. Afin be amuɛn nga be sasa be'n b'a wanndi be, sanngɛ Anannganman jin é sin. I ti nán man srɛ kun amun.»

Kalɛ 21:34

Anannganman seli Moiz kɛ: «Nán sro i. N wa yo man a ´kwlɛ nin i alɛ kunfuɛ mun, ɔ nin i mɛn wunmuan'n bɔbɔ. Kɛ a fa yoli Amɔrfuɛ'm be famiɛn'n b'ɔ tran Ɛsbɔn'n, i sɔ yɛ a wa fa yo i-ɔ.»

Sa nga bé yôli'n 18:9

Le kun kɔnguɛ e Min'n seli Pɔl aolia nun kɛ:

Sa nga bé yôli'n 27:24

‹Pɔl, nán man srɛ kun wɔ, afin kannzɛ ɔ yo sɛɛ, san a ´ju Sezar nyrun lɔ. Nian, ɔ ti be nga a nin be o mmeli'n nun'n be kwlaa, Nyanmiɛn man be ´nyan bé ti.›

Mmla'n 20:3

Man ɔ se kɛ: «Izraɛlfuɛ mun, amun `sie amun su. Alɛ'n yɛ amun nin amun kpɔfuɛ'm be su wa kun i ndɛ yɛ. Nán srɛ kun amun, nán amún wun usu-usu amun, nán amún sa sin bubu amun, nán amun wawɛ'n ɔ wanndi amún sin.

Mmla'n 3:1

I sin, e blili e ko fali Bazan atin'n. Kpɛkuun Ɔg b'ɔ ti Bazan famiɛn'n nin i sonja'm be kwlakwla be fali alɛ be wa buli e nyrun Edrei lɛ.

Mmla'n 3:11

Ɔg b'ɔ ti Bazan famiɛn'n yɛ ɔ ti Rɛfafuɛ'm be kasiɛn b'ɔ kali-ɔ. I li bɔ be sieli i su'n ɔ ti blalɛ. Kɛ e se yɛ'n, ɔ o Raba b'ɔ ti Amɔnfuɛ'm be famiɛn klɔ'n su lɔ. I tɛnndɛn nun'n ti mɛtri nnan, yɛ i tɛtrɛ nun'n ti mɛtri nnyɔn.

Mmla'n 3:3

Ɔ man Anannganman e Nyanmiɛn'n ɔ fali Ɔg b'ɔ ti Bazan famiɛn'n nin i sonja'm be kwlakwla wlali é sa nun. E kwlali be, yɛ y'a yaci-man sran be nun ba kun sa lɛ.

Zozie 10:8

Anannganman seli i kɛ: «Nán sro be, m'an fa be m'an man wɔ, be wie fi su jran-man ɔ nyrun.»

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .