Mmla'n 3:12 - NYANMIƐN NDƐ'N 1998

¹² I blɛ sɔ'n nun yɛ e fali lika ng'ɔ o Arɔɛr i nglo lɔ Arnɔn nzue ba'n i nuan lɔ nin-ɔn. N kpacili Galaad b'ɔ ti oka-oka lika'n i nun kpla, n fɛli i bue kun m mannin Ribɛnfuɛ mun nin Gadfuɛ'm be osu nunfuɛ mun. N fali lɛ klɔ mun m mannin be.

Mmla'n 3:12 Iomraidhean Croise

2 Famiɛn Mun 10:33

Galaad mɛn'n nin Bazan mɛn'n, be o Zurdɛn'n i wia afiliɛ'n lɔ. Be kunngba'n be o Arɔɛr b'ɔ o Arnɔn i nuan'n i nglo lɔ'n nun. Lika sɔ'm be kwlaa be ti Ribɛn akpasua'n, ɔ nin Gad akpasua'n, ɔ nin Manase akpasua'm be liɛ. I kwlakwla sɔ'n fili Izraɛlfuɛ'm bé sa.

Kalɛ 32:40

I sɔ ti yɛ Moiz fali lika sɔ'n mannin Makir i osu'n nunfuɛ'm be kɛ be tran nun nin-ɔn.

Mmla'n 2:36

Kɛ ɔ fɛ i Arɔɛr b'ɔ o Arnɔn nzue ba'n i nuan'n, ɔ nin klɔ ng'ɔ o kongo nun'n lɔ lele b'ɔ ´fa ju Galaad mɛn'n nun'n, klɔ ba kun sa ɔ'a kwla jran-man e nyrun. Anannganman e Nyanmiɛn'n fali be kwlakwla mannin ye.

Mmla'n 29:7

E fali be lika'n e fa mannin Ribɛn akpasua'n, nin Gad akpasua'n, ɔ nin Manase akpasua'n i bue.

Mmla'n 29:8

Ɔ man amun `fa aenguɛ nga ɔ nin amun ´trɛ i yɛ'n i nun ndɛ'm bé su, amun `nian su be `nanti nan like kwlaa nga amun ´yo'n ɔ'a yo kpa ɔ'a man amun.»

Mmla'n 3:13

Galaad mɛn'n i bue ng'ɔ ka lɛ'n, ɔ nin Ɔg i mɛn'n bɔ yɛlɛ Bazan'n, n fɛli i ngba m mannin Manase akpasua'n i bue. Argɔb lika wunmuan'n nin Bazan lika wunmuan'n, be flɛ be Rɛfafuɛ'm be mɛn.

Mmla'n 4:48

Izraɛlfuɛ'm be fali lika ng'ɔ fɛ i Arɔɛr b'ɔ o Arnɔn nzue ba'n i nuan lɔ'n lele fa juli Siɔn oka bɔ be flɛ i Ɛrmɔn'n i wun lɔ.