Mmla'n 26:8 - NYANMIƐN NDƐ'N 1998

⁸ Ɔ man Anannganman fali e Ezipt lɔ bali. Ɔ ´fa e ´ba'n, sran fi ɔ'a kwla jrɛn-mɛn i nyrun. Ɔ yoli sa sroesroe mun. Ɔ yoli abonuan sa mun. Ɔ yili atrɛ mun.

Mmla'n 26:8 Iomraidhean Croise

Ezipt Lɔ Tulɛ'n 12:37

Izraɛlfuɛ'm be tuli bé bo Ramsɛs klɔ'n su lɛ be nanti ɔli Sikɔt. Be yasua'm be ngunmin'n, sɛ b'a ka-man bla nin ba kanngan, ɔ nin oke mun'n, be kwla ju sran kɔe akpi-akpi ya nsiɛn (600.000).

Ezipt Lɔ Tulɛ'n 12:41

Kɛ afuɛ ya nnan afuɛ ablasan'n wieli'n, cɛn kasiɛn'n su sɛsɛ'n, Anannganman i sran'm be tuli Ezipt lɔ. Be ´kɔ'n, be lɔngɔ su sɛsɛsɛ kɛ sonja mun sa.

Ezipt Lɔ Tulɛ'n 12:51

Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezai 63:12

Ɔ fɛli i sa b'ɔ yo nyɛnmɛn'n ɔ suannin Moiz i sa fama'n i bo. Ɔ kpacili nzue'n nun be nyrun, ɔ man ɔ nyannin dunman b'ɔ nunnun-man'n.

Zeremi 32:21

A yili atrɛ, a yoli abonuan sa mun. Izraɛl b'ɔ ti ɔ nvle'n, a fa fin Ezipt lɔ bali. Ɔ man be wun kɛ a ti dan nan like nga ɔ waan a ´yo'n, a kwlɛ i yo.

Mmla'n 34:11

Abonuan sa mun nin atrɛ nga Anannganman sunmɛnnin i kɛ ɔ ko yo be Ezipt mɛn'n nun lɔ'n be yoli dan. Ɔ yoli be Ezipt famiɛn'n, nin i mantanfuɛ mun, ɔ nin sran'm be kwlaa be nyrun.

Mmla'n 34:12

Moiz yili i tinmin i nglo Izraɛlfuɛ'm be kwlaa be nyrun.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.