Mmla'n 26:7 - NYANMIƐN NDƐ'N 1998

⁷ Yɛ e kpan flɛli Anannganman e nannan'm be Nyanmiɛn'n. Anannganman kusu tili e aniɛn'n, ɔ wunnin afɛ nga e o nun'n, ɔ wunnin yalɛ nin nyrɛnnɛn bɔ be ´kle ye'n.

Mmla'n 26:7 Iomraidhean Croise

Bo Bolɛ 21:17

Nyanmiɛn tili ba'n i sunlɛ'n. Nyanmiɛn i anz'n wo nyanmiɛn su lɔ ɔ flɛli Agar. Ɔ usɛli i kɛ: «?Agar, nguɛ sa-a? Nán srɛ kun wɔ. Nyanmiɛn tili ba'n i sunlɛ'n kan i bɔbɔ o lɔ'n.

Bo Bolɛ 29:32

Lea wunnzɛli, ɔ wuli ba yasua kun nan ɔ'a flɛ i kɛ Ribɛn. Ɔ seli kɛ: «Anannganman wunnin min nyrun nyannzuɛn'n. Siɛn liɛ'n, min wun'n ɔ wa klo min.»

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

Jue Mun 119:132

Kaci ɔ́ nyin min wun wa, si min aunnvuɛ kɛ a fa si be bɔ be klo wɔ'n be aunnvuɛ'n sa.

Jue Mun 31:8

Ɔ klun-ufue'n ti, n klun'n ɔ jɔ, yɛ min wun kpaja min, afin a wun afɛ ng'ɔ o min su'n, yɛ awlaboɛ ng'ɔ o min nun'n, a si.

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Ezipt Lɔ Tulɛ'n 2:23

I sin b'ɔ cɛ lele'n, Ezipt famiɛn'n wa wuli, sanngɛ i blɛ sɔ nun'n, wuun Izraɛlfuɛ'm be tɛ o kanga'n nun. Be kplin, be sun. Be kpanlɛ'n toli Nyanmiɛn lɔ.

Ezipt Lɔ Tulɛ'n 2:25

Kɛ Nyanmiɛn niannin Izraɛlfuɛ mun'n, kpɛkuun be yoli i annvɔ.

Ezipt Lɔ Tulɛ'n 3:9

N tili Izraɛlfuɛ'm be kpanlɛ'n b'ɔ toli min wa'n, kpɛkuun n wunnin wafa nga Eziptfuɛ'm be fa yo be tɛtɛ'n.

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Ezipt Lɔ Tulɛ'n 6:5

M bɔbɔ n tili Izraɛlfuɛ'm be kplinlɛ nga be kplin Eziptfuɛ'm be yalɛ bɔ be kle be'n ti'n. Mín wla ɔ'a kpɛn aenguɛ nga e nin be e trali'n su.

Zeremi 33:2

Anannganman b'ɔ yili ninnge mun bɔ i yɛ man be o lɛ'n, i bɔ be flɛ i Anannganman'n, i waan:

1 Samiɛl 9:16

«Ainman dɔ kunngba nga su, n ´fa Bɛnzamɛn akpasua'n su lɔ sran kun ´blɛ wɔ. Sɛ ɔ ba'n, guɛ i ti su ngo man ɔ sie Izraɛl b'ɔ ti min nvle'n. Ɔ wa de min nvle'n Filistifuɛ'm bé sa nun, afin mín nyin o min nvle'n sɔ'n su. Kpanlɛ nga min nvle'n nunfuɛ'm be kpan'n toli min wa.»