Mmla'n 26:5 - NYANMIƐN NDƐ'N 1998

⁵ Kpɛkuun man sran'n ɔ jran Anannganman amun Nyanmiɛn'n i nyrun lɛ, nan ɔ `se kɛ: «Min nannan'n ɔ ti Aramfuɛ, ɔ wlan-wlannin lika'm be nun, ɔ tu tran wa, ɔ tu tran wa. Ɔ wa ɔli Ezipt mɛn'n nun lɔ ɔ nin i sran mun. Kɛ be ´kɔ'n, be ti sran ba nnyɔn kun cɛ, b'a sɔn-man. Be ko trannin lɔ, be trɛli, be yoli nvle dan kun b'ɔ lɛ wunmiɛn.

Mmla'n 26:5 Iomraidhean Croise

Bo Bolɛ 12:2

N ´yo man ɔ osu'n wa yo nvle dan kun, n ´yo wɔ ye, n ´yo man ɔ dunman'n ´fu. Ɔ dunman nun ti n ´yo sran'm be ye.

Bo Bolɛ 24:4

Ta min nda kɛ san min awuliɛ mɛn'n nun lɔ yɛ a ´ko ja bla a ´man mín wa Izaak-ɔ.»

Bo Bolɛ 25:20

Izaak dili afuɛ ablanan yɛ ɔ jali Bɛtiɛl b'ɔ ti Aramfuɛ'n i wa bla Rebeka-a. Aram lika'n wo Mezopotami mɛn'n i nglo lɔ. Rebeka i niaan bian yɛlɛ Laban.

Bo Bolɛ 27:41

Bé si i nuan b'ɔ yrali mannin Zakɔb'n ti, Ezau i nyin cili Zakɔb. Ɔ seli i klun lɔ kɛ: «Baba su cɛ-man kun. Sɛ ɔ wu'n, n ´kun Zakɔb.»

Bo Bolɛ 28:5

Izaak yoli man Zakɔb ɔli Mezopotami. Ɔ ɔli Zakɔb bɔbɔ nin Ezau be nin Rebeka i niaan bian Laban b'ɔ ti Bɛtiɛl i wa'n i sin.

Bo Bolɛ 31:20

Zakɔb kusu fiali Laban wun. Ɔ ´kɔ-ɔ, ɔ'a kale-mɛn i.

Bo Bolɛ 31:24

Kwlaa nan b'a to i'n, kɔnguɛ Nyanmiɛn fiteli Laban nyrun laliɛ nun. Ɔ seli i kɛ: «Nán yo Zakɔb sa fi.»

Bo Bolɛ 31:40

Wia'n ɔ bo min wia nun lele, kɔnguɛ kusu ayrɛ'n ɔ kun min lele kpe nun. N bu min nyinma-a ɔ yo-man ye.

Bo Bolɛ 43:12

Amun `fa sika nga be fa wlali amun trɔ nun'n be `wɔ, atrɛkpa-a, bé sa fɔnnin. Yɛ amun `fa sika uflɛ tra nun ekun.

Bo Bolɛ 45:11

Sɛ a ba'n, m ´man wɔ aliɛ a ´di. Ɔ man a nin ɔ osufuɛ mun, ɔ nin ɔ nnɛn mun'n, like fi su mian-man amun awe afuɛ nnun ng'ɔ tɛ ka'n nun.› »

Bo Bolɛ 45:7

Nyanmiɛn yoli man n dunnin amun nyrun mmua wa nan ɔ'a de amun, nan amu'an fite nun, nan amu'an kwla tran mɛn nga nun.

Bo Bolɛ 46:27

Kɛ be fa ba nga Zozɛf wuli be Ezipt lɔ mun uka su'n, wuun Zakɔb i osu'n nunfuɛ'm be kwlakwla b'a yo sran ableso.

Bo Bolɛ 47:27

Izraɛl trannin Ezipt lɔ. Kɛ ɔ wo Ezipt lɔ'n ɔ trannin Gozɛn akpasua'n su. Ɔ nin i fuɛ'm be nyannin asiɛ. Be wuli ba kpanngban. Be trɛli kpa.

Bo Bolɛ 47:4

Yɛ be seli Ezipt famiɛn'n kɛ: «E bali kɛ e wa tran ɔ́ mɛn'n nun wa. E boli nin e bua'm be lɛ-man didiwlɛ kun awe'n bɔ ɔ'a kpɛn Kanaan mɛn'n nun lɔ'n ti. I ti-ɔ, nannan, e waan a fa Gozɛn lika'n man e man e tran nun.»

Ezipt Lɔ Tulɛ'n 1:12

Kɛ be ´kle be nyrɛnnɛn dan be kɔ be nyrun'n, wuun blɛ li yɛ b'a se be kɛ be trɛ nan be fa lika nin-ɔn. I sɔ'n ti, Eziptfuɛ'm be wa kpɔli Izraɛlfuɛ'm be kpɔlɛ kpa.

Ezipt Lɔ Tulɛ'n 1:5

Sran nga be fin Zakɔb osu nun'n be kwlaa be ti ableso. I blɛ sɔ nun'n, wuun i wa kun nga be flɛ i Zozɛf'n wo i liɛ Ezipt lɔ laa.

Ezipt Lɔ Tulɛ'n 1:7

Sanngɛ Izraɛlfuɛ'm be wuli ba mun kaka kpa nan b'a trɛ trɛlɛ kpa. I sɔ'n ti, be nyannin wunmiɛn kpa, be trannin Ezipt mɛn'n i lika'n kwlaa.

Ndɛ Nga Nyanmiɛn I Nuan Ijɔfuɛ Oze Kannin'n 12:12

Sa tɛ kpa nga be flɛ sa tɛ'n yɛ Galaadfuɛ'm be yoli-ɔ. I sɔ'n ti be wa nunnun mlɔnmlɔn. Gilgal lɔ'n, kɛ a ´to ɔ nyin nian-an, a wun kɛ be su fa nannin be ´yi tɛ. I sɔ'n ti'n, bé sraka yiwlɛ sɔ'm be wa bubu, be wa tian ninnge nga be fa yoli be'n be nuan ɔklɔɔ kɛ yɛbuɛ bɔ be tian bé nuan fie su lɔ'n sa.

Ndɛ Nga Nyanmiɛn I Nuan Ijɔfuɛ Oze Kannin'n 12:13

Zakɔb wanndi ɔli Mezopotami i nglo lɔ lika'n nun lɔ. Bla jalɛ ti Zakɔb b'ɔ suan Izraɛl ko yoli kanga. Bla dunman nun ti ɔ ko niannin nnɛn'm be su .

Sa nga bé yôli'n 7:15

Zakɔb ɔli Ezipt, lɔ yɛ ɔ nin e nannan'm be kwlaa be wuli-ɔ.

Mmla'n 1:10

Anannganman amun Nyanmiɛn'n ɔ'a yo man amu'an trɛ, amu'an sɔn kɛ nglo lɔ nzraama'm be sa.

Mmla'n 10:22

Kɛ amun nannan'm be ´kɔ Ezipt mɛn'n nun lɔ'n, be ti sran ableso. Yɛ Anannganman Nyanmiɛn'n ɔ'a yo man amu'an sɔn kɛ nyanmiɛn su lɔ nzraama'm be sa yɛ.

Mmla'n 26:4

Kpɛkuun Nyanmiɛn nyrun jranfuɛ'n ɔ ´fa gbogbo b'ɔ o sran ng'ɔ ɔli'n i sa nun'n, ɔ wa fa jin i Anannganman amun Nyanmiɛn'n i sɔwlɛ'n i nyrun lɛ.

Mmla'n 7:7

Nán kɛ amun sɔnnin tra nvle'm be kwlakwla ti yɛ Anannganman fali amun mɛntɛnnin i wun-ɔn. I kpa'n bɔ amun yɛ amun ti nvle'm be nun kaan nin-ɔn.