Mmla'n 26:3 - NYANMIƐN NDƐ'N 1998

³ Amun `ko to Nyanmiɛn nyrun jranfuɛ ng'ɔ o lɛ'n, nan amun `se i kɛ: «Mɛn nga Anannganman e Nyanmiɛn'n tali e nannan'm be nda kɛ ɔ ´fa man ye'n, y'a ju nun wa, yɛ e bali Anannganman i kan klelɛ ndɛkɛn-ɔn.»

Mmla'n 26:3 Iomraidhean Croise

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Bo Bolɛ 26:3

Tran mɛn sɔ'n nun lɔ, n ´jran ɔ sin, n ´yo wɔ kpa. N ´fa lika nga kwlaa m man wɔ nin wɔ anunman mun. Nda nga n tali ɔ́ si Abraam'n, n ´yiɛ i nuan.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 19:17

nan akplowa tɔ be afiɛn'n, man be sran nnyɔn'm be wɔ Nyanmiɛn i sua'n nun lɔ, nan be kan be ndɛ Nyanmiɛn nyrun jranfuɛ mun nin jɔlɛ difuɛ nga be o lɛ'n be nyrun.

Mmla'n 26:2

amun kwlaa amun `fa asiɛ nga Anannganman amun Nyanmiɛn'n fa man amun'n i su mma klikli mun `sie gbogbo kun nun, nan amun `wɔ lika nga Anannganman ko kle kɛ lɛ yɛ ɔ tran'n i nun lɔ.

Mmla'n 26:4

Kpɛkuun Nyanmiɛn nyrun jranfuɛ'n ɔ ´fa gbogbo b'ɔ o sran ng'ɔ ɔli'n i sa nun'n, ɔ wa fa jin i Anannganman amun Nyanmiɛn'n i sɔwlɛ'n i nyrun lɛ.

Hébreu 10:21

E lɛ Nyanmiɛn nyrun jranfuɛ'm be su kpɛn kun bɔ be fɛ i sieli Nyanmiɛn i awlo'n su.

Hébreu 13:15

I sɔ'n ti, man manmanlɛ nga e manman Nyanmiɛn titi'n ɔ yo kɛ asenna like bɔ e fa man Jésus kɛ ɔ fa mɛn i'n sa. Kɛ e ´yo sɔ'n e bo i dunman .

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.