Mmla'n 26:2 - NYANMIƐN NDƐ'N 1998

² amun kwlaa amun `fa asiɛ nga Anannganman amun Nyanmiɛn'n fa man amun'n i su mma klikli mun `sie gbogbo kun nun, nan amun `wɔ lika nga Anannganman ko kle kɛ lɛ yɛ ɔ tran'n i nun lɔ.

Mmla'n 26:2 Iomraidhean Croise

2 Famiɛn Mun 4:42

Le kun bian kun fin Baal-Salisa bali. Ɔ blɛli Nyanmiɛn sran'n i ɔrz kpaun ablaɔn, be fali ɔrz sanmlɛn uflɛ-uflɛ yɛ be fa yoli-ɔ. Ɔ fali ble nga b'a kpɛ i uflɛ'n i mma bajɛ kun ekun ukali su bali. Elize seli i sufuɛ'n kɛ ɔ cɛ nun man sran bɔ be o lɛ mun.

2 Be Nyoliɛ 31:5

Kɛ Izraɛlfuɛ'm be tili ndɛ sɔ'n, be kwlaa be fali be fie'm be su ninnge'm be mma klikli'm be bali kaka kpa: ble nin nzan, nin ngo, nin awɛma nzue, ɔ nin like uflɛ mun. Yɛ be fali be fie kunngba'm be su ninnge nga be nyannin be'n be blusu'n bali ekun .

2 Be Nyoliɛ 6:6

Siɛn'n, m'an kpa Zerizalɛm klɔ'n kɛ min dunman'n `tran su, yɛ David yɛ m'an kpɛ i kɛ ɔ tran min nvle'n su nan ɔ dun mmua i nyrun-ɔn.›

Neemi 12:44

I blɛ sɔ nun'n, be sieli sran wie mun kɛ be `nian sua nga be fali ndidiɛ ninnge nga be fa yi sraka'n, nin fie'm bé su mma klikli'n, ɔ nin blusu'm be gua nun'n i su. Nyanmiɛn nyrun jranfuɛ'm be aliɛ nga mmla'n kleli kɛ be man be'n, kɛ be ko fɛ i klɔ'm be su be ba'n, sran nga be sieli be'n be yɛ be sɔ nun yɛ be fa sie i sua'm be nun-ɔn. Yɛ be yɛ be nian su-ɔ. Zidafuɛ'm be klun jɔli junman nga Nyanmiɛn nyrun jranfuɛ mun, nin Levifuɛ'm be dili'n su.

Neemi 13:31

Yie nga be siesieli i kɛ i blɛ ju-ɔ, be ´man'n, ɔ nin fie su aliɛ klikli ng'ɔ fite'n i manlɛ'n, n siesieli be i osu'n nun. «Min Nyanmiɛn, man ɔ́ wla kpɛn min su, nan yo min ye.»

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Ezipt Lɔ Tulɛ'n 22:29

Nannin mun, nin bua mun, ɔ nin boli'm bé wa klikli nga be wu be'n, kɛ be ko di cɛn ba nso be nin bo wun'n, amun `fa be yi tɛ man min be le mɔcuɛ'n su.

Ezipt Lɔ Tulɛ'n 23:16

Ble kpɛlɛ cɛn'n i sin kɛ amun ´bo like nga amun luali'm be kpɛlɛ i bo'n, amun `di like kpɛlɛ sɔ'n i cɛn'n. Munngun'n nun afuɛ'n i awieliɛ'n, kɛ bɔ amun ko wie amun fie nga amun dili'n be su ninnge'm be su yiayia'n, amun `di cɛn.

Ezipt Lɔ Tulɛ'n 23:19

Amun `fa amun fie'm bé su ninnge'm be mma klikli'n be fa bla min Anannganman mín sua'n nun. Nán amun fa boli'n i nin i nyɔnflɛn nzue fa tɔn i wa'n i nnɛn'n.»

Ezipt Lɔ Tulɛ'n 34:26

Amun `fa amun fie'm bé su lɔ ninnge'm be mma klikli mun fa blɛ min Anannganman bɔ n ti amun Nyanmiɛn'n. Amun `fa be blɛ min mín sua'n nun lɔ. Nán amun tɔn boli ba'n i nin i nyɔnflɛn nzue'n nun.»

Zeremi 2:3

I blɛ sɔ nun'n, wuun Izraɛl ti min liɛ mlɔnmlɔn kɛ mma klikli nga afuɛ nuan'n ju be ti'n sa. Sran kwlaa ng'ɔ kɛn i-ɔ, ɔ nin min e lɛ i. I sɔfuɛ'n ´wun nyrɛnnɛn.› » Anannganman'n yɛ ɔ kan sɔ-ɔ.

Ezekiɛl 20:40

Afin Izraɛlfuɛ mun, amun kwlaa be wa ko su min oka dan ng'ɔ o Izraɛl lɔ'n b'ɔ ti n liɛ klonglo'n i su lɔ. Min Anannganman Nyanmiɛn yɛ n kan sɔ-ɔ. Lɛ liɛ'n, n ´sɔ amun nun kpa, yɛ like kwlaa nga amun ´fa wla min sa nun'n, nga amun ´fa man min'n, ɔ nin amun ninnge kpakpa nga amun wa fa blɛ min'n, n ´se amun kɛ amun fa blɛ min.

Ezekiɛl 44:30

Fie'm be su ninnge klikli'n nga be nyan be'n nin ninnge nga Izraɛlfuɛ'm be yi be anyanbeun ninnge'm be su'n, be ti min nyrun jranfuɛ'm be liɛ. Be ble sanmlɛn'n i kpafuɛ'n, man be fa man be nan n `yo be liɛ ye.

Ezekiɛl 48:14

Mɛn'n i lɛ lika sɔ'n ɔ ti kpa tra be kwlaa. Lɛ b'ɔ ti Anannganman i liɛ klonglo'n, be kwla fa kaci-man asiɛ uflɛ, be kwla yo-mɛn i atɛ, yɛ be kwla fa cɛ-man.»

Saun Yolɛ 2:12

Fie su ninnge nga be nyɛn i'n, blɛ bɔ be ´fɛ i klikli'n be ´fa ko man min'n, i liɛ'n, be yrɛ-mɛn i wie kɛ be fa yra ninnge nga mun min sɔwlɛ'n su bɔ be bɔn min bue nun fannin'n sa.

Saun Yolɛ 2:14

Amun fie su ninnge klikli nga amun nyan be'n, bɔ amun ´fa ko man min'n, bɔ be ti kɛ ble sa'n, amun `kɛɛn wie yɛ amun `si wie. Kɛ amun ´fa ko man min'n,

Rɔmfuɛ Mun 11:16

Kpaun bɔ be ´tɔn'n, sɛ be dun mmua kpɛ Nyanmiɛn liɛ'n, wuun i wunmuan'n kwlaa ti i liɛ, yɛ sɛ waka'n i bo'n ti Nyanmiɛn liɛ'n, wuun i sama'n ti i liɛ .

Rɔmfuɛ Mun 16:5

N ´yo asɔnunfuɛ nga be yia be awlo lɛ'n, be like. N ´yo Epainɛt b'ɔ ti sran kpa'n, bɔ Azi mɛn'n nun lɛ i yɛ ɔ fɛli i wun mannin Krist kliklikli'n, i like.

Rɔmfuɛ Mun 8:23

Nán be ngunmin-ɔn, sanngɛ e bɔ Nyanmiɛn fɛ i Wawɛ'n b'ɔ ti like b'ɔ ´fa man ye'n i nun klikli'n, e kusu e oto, yɛ e minndɛ cɛn nga be ´wun kɛ e ti Nyanmiɛn wa sakpa'n, b'ɔ ´de ye b'ɔ ´kaci e wunnɛn nga'n .

1 Korɛntfuɛ Mun 15:20

Ɔ ti-man sɔ mlɔnmlɔn, sanngɛ Nyanmiɛn cɛnnin Krist sakpa, ɔ man ɔ ti be nga be wu bɔ be ´cɛn'n be nun klikli.

1 Korɛntfuɛ Mun 15:23

sanngɛ ɔ to be ɔ to be. Krist yɛ ɔ ti be klikli-ɔ, i sin be nga be ti Krist liɛ'n, kɛ ɔ ´ba'n, be yɛ ɔ ´to be-ɔ.

1 Korɛntfuɛ Mun 16:2

Kɛ ɔ yo nan b'a minndɛ-man kɛ n ju lɔ nan b'a bo ndɔ'n, mɔnnɛn'n b'ɔ ti le mɔcuɛ'n i cɛn ba klikli'n i kwlaa nun, man amun kwlaa an yiyi sika nga amún sa ju su'n sie.

Mmla'n 16:10

kpɛkuun amun `di Pantkɔt'n be `manman Anannganman amun Nyanmiɛn'n. Amun klun klo like nga amun ´man'n, amun `nian ye nga Anannganman amun Nyanmiɛn'n yo amun'n su yɛ amun `mɛn i-ɔ.

Mmla'n 18:4

Amun ble klikli, nin amun nzan lɔflɛ klikli, nin amun ngo klikli nga amun nyɛn i'n, ɔ nin amun bua ndrɛ klikli nga amun kpɛkpɛ'n, amun `fa man be.

Mmla'n 26:1

Cɛn nga amun ju mɛn nga Anannganman amun Nyanmiɛn'n ɔ'a fa man amun kɛ amun fa'n i nun'n bɔ amu'an tran nun'n,

Mmla'n 26:3

Amun `ko to Nyanmiɛn nyrun jranfuɛ ng'ɔ o lɛ'n, nan amun `se i kɛ: «Mɛn nga Anannganman e Nyanmiɛn'n tali e nannan'm be nda kɛ ɔ ´fa man ye'n, y'a ju nun wa, yɛ e bali Anannganman i kan klelɛ ndɛkɛn-ɔn.»

Jacques 1:18

I ndɛ nanwlɛ'n ti ɔ fa e kaci i wa i klun klo su nan y'a yo like ng'ɔ yili be'n be kwlaa be nun klikli.

Zozie 18:1

Kɛ Izraɛlfuɛ'm be fali mɛn'n, be ko yiali Silo lɔ, nan b'a kplan sua nga Anannganman yi i wun nglo nun'n.

Sa nglô yile 14:4

Sran sɔ mun yɛlɛ be nga b'a fɔnndɔn-man bé wun bla kunndɛlɛ nun'n, afin be niannin bé wun su kpa. Lika kwlaa nga Bua Gbanflɛn'n ´kɔ'n, be su i su. Be kpɔli bé ti sran'm be nun kɛ be `yo Nyanmiɛn nin Bua Gbanflɛn'n be sran'm be nun klikli.