Mmla'n 26:16 - NYANMIƐN NDƐ'N 1998

¹⁶ «Mmla fanunfanun bɔ ndɛkɛn Anannganman amun Nyanmiɛn'n ɔ'a fa man amun kɛ amun fa su'n yɛ be o lɛ-ɔ. Amun `fa be sie, amun `fa amún wla'n kwlaa gua su, yɛ man amun akunndan'n kwlaa tran su.

Mmla'n 26:16 Iomraidhean Croise

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Jean 14:15

«Sɛ an klo min'n, amun ´fa min ndɛ'n su.

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 11:1

Amun `klo Anannganman amun Nyanmiɛn'n, amun `fɛ i mmla fanunfanun'm be kwlaa bé su tititi.

Mmla'n 11:8

Ɔ man ndɛ nga n ´kan kle amun ndɛ yɛ'n, amun `fa be sie nan amu'an nyan fanngan, nan amu'an ɔ mɛn nga amun su kɔ i falɛ'n nun lɔ.

Mmla'n 12:1

Amun wa ko tran mɛn nga Anannganman amún nannan'm be Nyanmiɛn'n ɔ'a fa man amun'n nun lɔ. Mmla fanunfanun b'ɔ fata kɛ amun nian nun nanti bé su titi lele fa ju amun wie cɛn, be yɛ be o yɛ.

Mmla'n 26:17

Ndɛkɛn amu'an yo man Anannganman amun Nyanmiɛn'n ɔ'a ta amun nda kɛ sɛ amun fɛ i atin'n su'n, sɛ amun fɛ i mmla fanunfanun'n kwlaa amun sie, nan amun ti i aniɛn'n, ɔ ´yo amun Nyanmiɛn.

Mmla'n 4:29

Kpɛkuun amun wa kunndɛ kɛ amun ´mantan Anannganman amun Nyanmiɛn'n. Sɛ amun tu amun klun amun fa amun wun mɛntɛn i kpa'n, yɛ sɛ amun fa amun wla'n kwlaa guɛ i su'n, ɔ ´fɛ i wun ´kle amun.

Mmla'n 6:1

«Mmla fanunfanun ng'ɔ o yɛ'n kwlaa Anannganman amun Nyanmiɛn'n waan n `kle amun nan sɛ amun ju mɛn nga amun su kɔ nun yɛ'n nun lɔ'n, amun `fa be su.

Mmla'n 6:17

Amun `fa Anannganman amun Nyanmiɛn'n i ndɛ nin i mmla fanunfanun ng'ɔ fa mannin amun'n bé su kpa.

Mmla'n 6:5

Amun `klo Anannganman amun Nyanmiɛn'n kpa, amun `fa amún wla'n kwlaa guɛ i su, amun `fa amun wunmiɛn'n kwlaa yo like ng'ɔ kle kɛ amun klo i'n.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.