Mmla'n 26:11 - NYANMIƐN NDƐ'N 1998

¹¹ Kpɛkuun amun nin Levifuɛ mun, ɔ nin aofuɛ nga be nin amun tran lɛ mun'n, amun `di cɛn, ye nga Anannganman amun Nyanmiɛn'n ɔ yoli amun nin amun awlofuɛ mun'n ti.

Mmla'n 26:11 Iomraidhean Croise

Neemi 8:10

Be seli be ekun kɛ: «Amun `wɔ amun awlo, amun `di aliɛ kpakpa, yɛ amun `nɔn nzan bɔ be bo-man'n. Amun `ko man be nga b'a tɔn-man like'n be wie. Ndɛ cɛn'n ti e Min'n i liɛ. Nán amun mlan amun nyrun. Aklunjuɛ ng'ɔ fin Anannganman'n, ɔ ´man amun fanngan.»

Akunndanfuɛ'n 3:12

Kpɛkuun yɛ n fa wunnin i wlɛ kɛ like ng'ɔ ti kpa man sran'n yɛlɛ aklunjuɛ dilɛ nin mɛn dilɛ blɛ b'ɔ tɛ o mɛn'n nun'n.

Akunndanfuɛ'n 3:13

Yɛ n wunnin kɛ blɛ bɔ sran kun di like b'ɔ nɔn nzan'n b'ɔ di i sa ti junman'n i nuan like'n, Nyanmiɛn yɛ ɔ fɛ i sɔ'n mɛn i-ɔ.

Akunndanfuɛ'n 5:18

Cɛn wie Nyanmiɛn man sran wie anyanbeun kɛ ɔ di su aklunjuɛ. Sran sɔ'n nyɛn i liɛ junman ng'ɔ di'n i nun. Nyanmiɛn yɛ ɔ man i sɔ nin-ɔn .

Akunndanfuɛ'n 7:14

Sɛ a wun ɔ́ wun fɛ'n, man ɔ klun jɔ, sɛ kusu a o nyrɛnnɛn nun'n, bu akunndan. Nyanmiɛn yɛ man sran wun i wun fɛ-ɔ, i kunngba'n yɛ man sran wun nyrɛnnɛn nin-ɔn. Kɛ ɔ ´yo nan sran ɔ'a si-man cɛn wie sa ng'ɔ wa ju'n, i ti yɛ ɔ yo i sɔ nin-ɔn.

Ezai 65:14

Be klun ´jɔ lele tratra su, i ti be ´bo sro, sanngɛ amun liɛ'n, nyrɛnnɛn b'ɔ wa tɔ amun su'n ti amun ´kplin. Yɛ awlaboɛ b'ɔ ´kun amun kpo'n ti, amun ´fɛfɛ.

Zakari 9:17

I lika sɔ'n i kpa ng'ɔ wa yo'n, yɛ i klanman ng'ɔ wa yo'n, ɔ lɛ-man wunsu. Gbanflɛn'm be wa di ble'n be ´nyin, yɛ talua'm be wa nɔn vinyi nzue lɔflɛ'n be ´nyin wie kusu.

1 Korɛntfuɛ Mun 9:11

?I sɔ'n ti'n, sɛ e kle amun Nyanmiɛn ninnge mun nan sɛ e se amun kɛ an man ye amun ninnge'm be wie'n, y'a bo aosuan?

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 27:7

Yɛ amun `yi bo kun yolɛ i su tɛ mun nan amun `di. Yɛ amun `di cɛn Anannganman amun Nyanmiɛn'n i nyrun lɛ.

Mmla'n 28:47

Blɛ bɔ like kwlakwla ti sin yia amun'n, sɛ amun waan amun tu-man amun klun amun su-man Anannganman amun Nyanmiɛn'n aklunjuɛ su'n,

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .