Mmla'n 23:3 - NYANMIƐN NDƐ'N 1998

³ Tekle ba'n, nán man ɔ wlu Anannganman i nvle'n nun. I osu nunfuɛ nga be ´jaso su lele b'ɔ ´fa ju i anunmannunman'm be akpasua blu su'n, nán be tran Anannganman i nvle'n nun.

Mmla'n 23:3 Iomraidhean Croise

Neemi 13:23

I blɛ sɔ nun'n, n wunnin kɛ Zuif wie'm b'a ja Asdɔd, nin Amɔn, ɔ nin Moab bla mun.

Neemi 4:3

Yɛ e srɛli e Nyanmiɛn'n, nan y'a sie sran kɛ be sasa ye kɔnguɛ nin wia su nan sɛ be nin ye ´ba kunlɛ-ɔ, be kan kle ye.

Neemi 4:7

Yɛ n fali Izraɛlfuɛ mun n siesieli be talɛ'n i sin, lika tɔnun'm be nun, ɔ nin asiɛ kee'm be su. N siesieli be awlobo-awlobo. Be tokofi nin be cua, nin be ta'm be o bé sa nun.

Ezai 56:3

Nán aofuɛ b'ɔ fɛ i wun mantan Anannganman'n ɔ se kɛ: «Kannzɛ ɔ yo sɛ, Anannganman ɔ ´yi min i sran'm be nun!» Nán sran'n bɔ be sɛli i'n ɔ se kɛ: «N liɛ waka kee yɛlɛ min!»

Zeremi 49:1

Amɔnfuɛ'm be jasin liɛ yɛ. Anannganman'n usa kɛ yoo: «?Ɔ ju sɛ ti yɛ man amuɛn nga be flɛ i Milkɔm ko fa Gadi fa yoli i liɛ nin-ɔn? ?Ɔ ju sɛ ti yɛ man Milkɔm i nvle'n ko fa Izraɛl klɔ mun fa yoli i liɛ nin-ɔn? ?Wuun wielɛ yɛ Izraɛl lɔfuɛ'm b'a wie ti-ɔ? ?Izraɛlfuɛ'm be ajalɛ nunfuɛ'm b'a wie ti-ɔ?»

Ngwlɛ Yilɛ 1:10

I kpɔfuɛ'n ɔ fɛli i sa sieli i ninnge kpakpa'n kwlaa su. Minniɛn nga Nyanmiɛn tanninnin be kɛ nán be wlu i sua nun'n, be wluli nun i bɔbɔ nyrun lɛ sa weiin .

Matthieu 5:43

«An tili i kɛ be seli kɛ: ‹Klo ɔ wiengu, yɛ kpɔ ɔ kpɔfuɛ.›

Mmla'n 23:2

Sran nga i ndɔnman'n ti kpɔtɔwa'n, ɔ nin sran nga i yasua lika'n ti kpɛwa kpo'n, nán man ɔ tran Anannganman i nvle'n nun.

Rit I Wun Ndɛ 4:6

Bian'n waan: «Sɛ ɔ ti sɔ-ɔ, wuun n to-mɛn i kun. Sɛ ɔ yo sɔ-ɔ, cɛn wie min asiɛ liɛ'n i lika nianlɛ'n ɔ wa yo kekle man min. Nan i ti jran min ajalɛ nun, n ´ko kwlɛ-mɛn i to .»