Mmla'n 21:4 - NYANMIƐN NDƐ'N 1998

⁴ Man klɔ'n i su sran kpɛnngbɛn'm be fa nannin bla sɔ'n be wɔ nzue ba wie nuan. Man ɔ yo nzue ba bɔ i nun nzue'n wie-man nun, bɔ kusu be nian di-mɛn i nuan su fie le'n. Kpɛkuun man be fin i kɔmin su like be bu i.

Mmla'n 21:4 Iomraidhean Croise

Ezekiɛl 36:9

Afin ɔ cɛ kan'n, amun ´sa amun sin amun mɛn'n nun. N ´yo amun ye. N ´yo man be ´tutu amun asiɛ'n yɛ be ´lua su like.

Mmla'n 21:3

Kpɛkuun man klɔ ng'ɔ mantan fuɛn'n i koko'n i su kpɛnngbɛn'm be fa nannin bla kun bɔ be nian fa di-man junman le, bɔ be nian sie-mɛn i kɔmin su waka le'n.

Mmla'n 21:5

Kpɛkuun man Nyanmiɛn nyrun jranfuɛ bɔ be ti Levi i osu nunfuɛ mun'n be bla. Afin be yɛ Anannganman amun Nyanmiɛn'n ɔ kpali be kɛ be su i nan be yra sran'm be nguan i dunman nun nin-ɔn. Sɛ akplowa tɔ'n, annzɛ sɛ be yo sran wie like'n, be yɛ be ´kɛn i nun ndɛ nin-ɔn.

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

1 Samiɛl 6:7

Amun `yo kakaklolo uflɛ kun. Amun `fa nannin ta nnyɔn bɔ be nian di-man junman le'n amun `fa be minnda kakaklolo'n. Amun `ti bé sin ba mun nan amun `fa be mma sɔ mun sa bé sin be tuin'n nun lɔ.