Mmla'n 20:3 - NYANMIƐN NDƐ'N 1998

³ Man ɔ se kɛ: «Izraɛlfuɛ mun, amun `sie amun su. Alɛ'n yɛ amun nin amun kpɔfuɛ'm be su wa kun i ndɛ yɛ. Nán srɛ kun amun, nán amún wun usu-usu amun, nán amún sa sin bubu amun, nán amun wawɛ'n ɔ wanndi amún sin.

Mmla'n 20:3 Iomraidhean Croise

2 Be Nyoliɛ 32:8

I liɛ'n, i sonja'm be ti sran, sanngɛ e liɛ'n, Anannganman e Nyanmiɛn'n yɛ ɔ o é sin-ɔn. Ɔ ´uka ye, ɔ ´kun alɛ'n man ye.» Famiɛn Ezekias i ndɛ sɔ'n wlali klɔ'n sufuɛ'm be kwlaa be fanngan.

Zɔb I Nyrɛnnɛn Wunlɛ 23:16

Nyanmiɛn ti man n ti-man sran waka-waka kun. Nyanmiɛn b'ɔ kwla like kwlaa yo'n, man srɛ'n ɔ'a kun min kpo!

Jue Mun 3:6

N la n lafi cɛ, kpɛkuun n tinnge, afin Anannganman suan mín bo.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ezai 28:16

I sɔ'n ti, ndɛ nga Anannganman Nyanmiɛn kan'n yɛ. I waan: «Min, n fali yɛbuɛ kun b'ɔ ti sua'n i bo ase wlalɛ liɛ'n n fa n sieli Siɔn lɔ. Ɔ ti yɛbuɛ kekleke kpa, i yɛ ɔ tra sua'n i cɔnjɔ'n i ase-ɔ, i gua'n ti-man blɛblɛ, ɔ ti takawa kpa. Sran ng'ɔ kisa su'n, ɔ ´yo cinnjinnjin sɔ wie .

Ezai 7:4

Se i kɛ: ‹Nán srɛ kun wɔ, tran diin, nán ɔ́ wla bo ɔ́ wun Rɛzɛn b'ɔ ti Sirifuɛ'n nin Rɛmalia i wa'n be ya bɔ b'a fa'n ti. Be ti kɛ yiendre nnyɔn yɛ be su kpunngbun sa.

Kalɛ 14:9

Sanngɛ like kunngba ng'ɔ fata-man kɛ amun yo'n, yɛlɛ Anannganman su nyin kekle yolɛ'n. Nán amun sro mɛn sɔ'n nun sran mun. Be su ju-man e lika fi, e ´kwla be ndɛndɛ kpa. Afin be amuɛn nga be sasa be'n b'a wanndi be, sanngɛ Anannganman jin é sin. I ti nán man srɛ kun amun.»

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Matthieu 10:31

Ɔ man nán srɛ kun amun mlɔnmlɔn, afin an ti kpa tra ndrofia kpanngban.»

Matthieu 8:26

Ɔ usali be kɛ: «?Nguɛ ti yɛ srɛ kun amun-ɔn? ?An lafi-man Nyanmiɛn su ti-ɔ?» Ɔ jasoli, ɔ ijɔli aunngban'n nin nzue'n, nan b'a jran diin.

Marc 16:18

be ´tra wuo mun, sɛ be nɔn like wie b'ɔ kun sran'n, ɔ su yo-man be sa fi. Be ´fa bé sa fua tukpacɛfuɛ'm be su, be ´yo juejue.»

Marc 16:6

Ɔ seli be kɛ: «Nán srɛ kun amun. An su kunndɛ Jésus b'ɔ fin Nazarɛt'n bɔ be boboli i waka'n su'n, ɔ cɛnnin, ɔ nun-man wa, an `nian kan be sieli i'n yɛ .

Sa nga bé yôli'n 27:24

‹Pɔl, nán man srɛ kun wɔ, afin kannzɛ ɔ yo sɛɛ, san a ´ju Sezar nyrun lɔ. Nian, ɔ ti be nga a nin be o mmeli'n nun'n be kwlaa, Nyanmiɛn man be ´nyan bé ti.›

Mmla'n 1:21

Amun `nian, mɛn'n yɛ Anannganman amun Nyanmiɛn'n ɔ'a fa sie amun nyrun yɛ. Amun `nian ndɛ nga Anannganman amun nannan'm be Nyanmiɛn'n kannin'n su, amun `ko fa. Nán srɛ kaan sa kun amun. Nán amun usu.›

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Mmla'n 20:2

Kɛ alɛ'n wa bo i bo'n, man Nyanmiɛn nyrun jranfuɛ'n ɔ jran amun nyrun ɔ kan ndɛ kle amun.

1 Tɛsalonikfuɛ Mun 5:15

An `nian amun wun kpa, sɛ sran yo amun tɛ'n, nán an yo i wie, sanngɛ man kpa nga an fa yo amun wiengu'n nin sran'm be kwlaa'n ɔ kaci amun nzuɛn.

1 Timote 6:12

Mian ɔ́ nyin man sran'm be lafi Nyanmiɛn su kpa, afin sɛ a mian ɔ́ nyin sɔ'n, ɔ ti kpa. Anannganman nguan bɔ i ti yɛ Nyanmiɛn flɛli wɔ'n, bɔ i ti yɛ a kan Nyanmiɛn su bɔ a lafi'n i ndɛ fɛfɛ'n sran kpanngban be nyrun'n, trɛ i kekle.

Hébreu 13:6

I sɔ'n ti, e tra e anwlɛn e kan ndɛ nga be klɛli i kɛ: «E Min Nyanmiɛn'n yɛ ɔ ti n ukafuɛ-ɔ, srɛ kun-man min. ?Nzu yɛ sran kwla yo min-ɔn ?»

Zozie 23:10

Amun nun sran kunngba fuan amun kpɔfuɛ akpi, afin Anannganman amun Nyanmiɛn'n kun amún ti alɛ kɛ ɔ fa kannin'n sa.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .

1 Samiɛl 17:32

David seli Sail kɛ: «Nannan, ɔ ka Filistifuɛ ng'ɔ o lɛ'n ti'n, nán amun klun ti amun. M bɔbɔ min e nin i e ´ko kun.»