Mmla'n 2:8 - NYANMIƐN NDƐ'N 1998

⁸ Ɔ man y'a sin-man e niaan Ezau i osu nunfuɛ bɔ be tran Seir lɛ lika'n nun'n bé wun koko. Y'a fa-man kongo'n nun atin'n, yɛ y'a sin-man Elat nin Ɛzɔn-Gebɛr klɔ'm bé wun koko. E sali e sin nan y'a kpɛ Moab aawlɛ flɛnnɛn'n.

Mmla'n 2:8 Iomraidhean Croise

Bo Bolɛ 25:23

Anannganman seli i kɛ: «Akpasua nnyɔn be o ɔ klun. A wa wu nvle nnyɔn. Kun ´kwla kun, ba kpɛnngbɛn'n ɔ ´su i sinma'n.»

1 Famiɛn Mun 9:26

Salomɔn man be yoli mmeli mun be mɛnnin i. Be yoli be Ɛzɔn-Gebɛr klɔ'n nun lɔ, ɔ mantan Elat klɔ'n i wun koko lɔ. Ɔ o ndɛma jenvie i nuan Edɔm mɛn'n nun.

2 Famiɛn Mun 14:22

Kɛ i si wuli'n, i yɛ ɔ wa deli Zida klɔ nga be flɛ i kɛ Elat'n be kpɔfuɛ'm bé sa nun nin-ɔn. Ɔ fali klɔ sɔ'n nan ɔ'a kplan.

2 Famiɛn Mun 16:6

I blɛ sɔ'n nun yɛ Rɛzɛn b'ɔ ti Siri famiɛn'n deli Elat mannin Sirifuɛ mun nin-ɔn. Ɔ fuannin Zidafuɛ mun Elat lɔ. Yɛ Edɔmfuɛ'm be wa trannin lɛ, lele ndɛ be tɛ o lɛ.

Kalɛ 21:4

Izraɛlfuɛ'm be jasoli Ɔr oka'm be wun lɛ, be ɔli ndɛma jenvie'n i wun lɔ kɛ ɔ ´yo nan b'a kwla san Edɔm mɛn'n i wun'n ti. Kɛ be juli atin afiɛn'n, sran'm b'a kwla-man be anwlɛn tra kun,

Kalɛ 33:35

kɛ be fɛli i Abrɔna lɛ'n, be ko kpɛli be ngblaliɛ'n Ɛzɔn-Gebɛr.

Mmla'n 1:1

Kɛ Izraɛlfuɛ'm be tɛ o Zurdɛn'n i bue kun lɔ aawlɛ flɛnnɛn'n nun lɔ lika kpɛtɛkplɛɛ ng'ɔ mantan Zif klɔ'n lɛ'n, Moiz kan ndɛ kleli be kwlakwla. Ndɛ sɔ mun yɛ be o fluwa nga nun-ɔn. Kɛ ɔ ´kɛn i sɔ'n, wuun be o Paran, nin Tɔfɛl, nin Laban, nin Azerɔt, ɔ nin Di-zaab be afiɛn'n nun.

Jɔlɛ Difuɛ Mun 11:18

Be ko sannin Edɔm mɛn'n ɔ nin Moab mɛn'n bé wun. Be sinnin Moab i wia afiliɛ lɔ yɛ be bali-ɔ, sanngɛ b'a kpɛn-man lɔ. Be wa boli be nanmue Arnɔn nzue ba'n i bue kun lɔ, sanngɛ b'a wlu-man Moab nvle'n nun, afin Arnɔn nzue ba'n wo Moab i nuan su.