Mmla'n 2:4 - NYANMIƐN NDƐ'N 1998

⁴ Se Izraɛlfuɛ'm be kɛ: ‹Amun niaan Ezau i osu nunfuɛ bɔ be tran Seir'n be mɛn'n nun yɛ amun wa sin-ɔn. Be ´sro amun, sanngɛ amun `nian amún wun kpa.

Mmla'n 2:4 Iomraidhean Croise

Bo Bolɛ 25:23

Anannganman seli i kɛ: «Akpasua nnyɔn be o ɔ klun. A wa wu nvle nnyɔn. Kun ´kwla kun, ba kpɛnngbɛn'n ɔ ´su i sinma'n.»

Bo Bolɛ 36:8

Kɛ Ezau i Seir oka'n su tranlɛ'n yoli sa. Ezau kunngba'n yɛ be flɛ i kɛ Edɔm nin-ɔn.

Ezipt Lɔ Tulɛ'n 15:15

Srɛ'n kun Edɔm lɔ kpɛnngbɛn mun kpo. Srɛ b'ɔ kun Moab sran dandan mun'n ti'n, be usu sa tututu. Kanaanfuɛ'm be kwlaa bé wla'n boli bé wun mlɔnmlɔnmlɔn.

Ezipt Lɔ Tulɛ'n 15:16

Srɛ kun be, srɛ dan kpa kun be. Kɛ be wunnin ɔ wunmiɛn'n, Anannganman, srɛ b'ɔ kun be kpo'n ti, bé nuan ´muan lele san ɔ sran nga a deli be kanga'n nun'n be ´wie sin.

Matthieu 5:16

I kunngba nin-ɔn, an `yo kɛ kannin sa sran'm be nyrun, man be wun amun nyoliɛ kpa'n nan be manman amun Si b'ɔ o nyanmiɛn su lɔ'n .»

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

Efɛzfuɛ Mun 5:15

I sɔ'n ti'n, an `nian amun nantilɛ bɔ an fa nanti'n i su kpa. Nán an yo kɛ sran b'ɔ wun-man sa wlɛ'n sa, sanngɛ an `yo ngwlɛlɛfuɛ.

Mmla'n 2:3

«Amu'an cɛ oka'n wun lɛ lɔun, amun `sin be wɔ nglo lɔ bue liɛ'n su.

Mmla'n 23:7

Ɔ mɛn i ti'n, sɛ Amɔnfuɛ nin Moabfuɛ sɔ'm be wun ´jɔ be o, sɛ be ´di alaje o, nán man i sɔ'n ɔ mian amun sa nan kɛ ɔ ´yo-ɔ ɔ'a yo-ɔ.

Filipfuɛ Mun 2:15

i sɔ'n nun'n, be su kwla kan-man amun wún ndɛ tɛ fi, yɛ be su wun-man sa tɛ kaan sa amun wun. Sɛ an yo sɔ'n, amun ´yo Nyanmiɛn mma mun bɔ be kwla kputu-man amun ajulisufuɛ tɛtɛ bɔ b'a saci'n be nun. An ti kɛ nzraama b'ɔ kpaja mɛn'n nun sa sran sɔ'm be nun,

Kolɔsfuɛ Mun 4:5

Like nga an yo man be bɔ be ti-man Kristfuɛ'n, an `fa ngwlɛlɛ yo. Kɛ amu'an nyan amun ti'n, nán an tran lɛ ngbɛn, an `yo like ng'ɔ yo sa ye'n.