Mmla'n 17:3 - NYANMIƐN NDƐ'N 1998

³ Atrɛkpa-a, ɔ ko sɔ amuɛn wie mun, ɔ ´koto bé bo, annzɛ ɔ ´koto wia, annzɛ anglo, annzɛ nzraama'm bé bo. Nán nga Anannganman kan kleli amun kɛ amun yo'n yɛ ɔ o lɛ-ɔ.

Mmla'n 17:3 Iomraidhean Croise

Bo Bolɛ 2:1

Kɛ nglo nin asiɛ'n, ɔ nin be su ninnge'm be yilɛ'n yoli sa.

2 Famiɛn Mun 21:3

Sraka yiwlɛ lika bɔ be o kpɔlɛ'm be su nga i si Ezekias bubuli be'n, ɔ wa kplannin be uflɛ. Ɔ kplannin sraka yiwlɛ mun mannin Baal, ɔ takali waka nga be sɔ'n kɛ nga Izraɛl famiɛn bɔ be flɛ i Akab'n yoli'n sa. Ɔ kotoli nglo lɔ ninnge'm bé bo, ɔ suli be.

Ezipt Lɔ Tulɛ'n 22:20

Nán amun kle aofuɛ'm be yalɛ, yɛ nán amun bo be akpo, afin man amun wla kpɛn su kɛ amun yoli aofuɛ Ezipt mɛn'n nun lɔ wie.

Zeremi 19:5

B'a siesie Baal i sɔwlɛ'n kɛ be ´yra be mma mun be fa sɔ Baal sɔ'n. Kusu wuun n nian se-man be kɛ be yo i sɔ like le. M'an kɛn-mɛn i sɔ m'an kle-man be, i sɔ akunndan bɔbɔ nian ba-man mín ti nun le.› »

Zeremi 32:35

Be kplannin amuɛn Baal i sua Bɛn-Inɔm kongo'n nun yɛ be fa be mma bla nin be mma yasua mun be yi tɛ be man Mɔlɔk-ɔ. Kusu wuun m bɔbɔ min m'an se-man kɛ be yo i sɔ man min. I sɔ akunndan bɔbɔ nian ba-man mín ti nun le. Be yoli tete sa sɔ mun man Zidafuɛ'm be yoli sa tɛ.

Zeremi 7:31

Be kplannin sraka yiwlɛ lika Tɔfɛt b'ɔ o Bɛn-Inɔm kongo'n nun lɔ'n nun, yɛ be fa be mma yasua mun nin bla mun be yra be be yi sraka. Kusu wuun n nian se-man be kɛ be yo i sɔ like le. I sɔ akunndan nian ba-man mín ti nun le.»

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Ezekiɛl 8:16

Ɔ fali min ɔli i sua'n i awlo'n klun lɔ. N ´nian-an, Nyanmiɛn i sua'n i anuan'n nun lɔ, sua'n i nyrun ala kaan'n nin Nyanmiɛn sɔwlɛ'n be afiɛn'n nun lɛ'n, sran ko ju ablaɔn-nin-nnun b'a kaci bé sin b'a si Nyanmiɛn i sua'n, bé nyin kpɛ wia afiliɛ lɔ, b'a koto be su su wia'n.

Mmla'n 11:16

Amun `nian amún wun kpa. Nán amún ti nun saci, nán amun yaci atin kpa'n lɛ amun ko su amuɛn mun, nán amun koto bé bo.

Mmla'n 17:4

Sɛ amun ti i sɔ'n, amun `usa-usa nun kpa. Sɛ sran nga amun tili i wun ndɛ sɔ'n ɔ yoli sɔ sakpa'n, sɛ ɔ yoli i sɔ tete sa liɛ'n Izraɛl mɛn'n nun'n,

Mmla'n 4:19

Amun `nian amún wun su. Sɛ amun man amun nyin su nian nglo lɔ nan amun wun wia'n nin anglo'n, ɔ nin nzraama mun, ɔ nin nyanmiɛn su lɔ ninnge wafa-wafa uflɛ mun'n, nán amun koto bé bo yɛ nán amun su be. Ninnge sɔ'm be ti asiɛ'n su nvle nga'm be kwlaa be liɛ. Anannganman amun Nyanmiɛn'n fa mannin be.

Zozie 23:16

Sɛ amun yaci aenguɛ nga Anannganman nin amun trali'n i mmla'n, nan sɛ amun koto ninnge'm be bo nan amun sɔ be'n, Anannganman wa fa ya dan kpa amún wun. Ɔ su sisi-mɛn i bo, ɔ ´nunnun amun mɛn klanman ng'ɔ fa mannin amun yɛ'n nun.»