Mmla'n 16:4 - NYANMIƐN NDƐ'N 1998

⁴ Cɛn ba nso ng'ɔ o lɛ'n be nun'n, nán be wun kpaun ayre amun mɛn wunmuan'n nun. Nnɛn nga kusu bɔ amun kun i cɛn klikli'n i nnɔsua'n, nán man aliɛ cɛn su.

Mmla'n 16:4 Iomraidhean Croise

Ezipt Lɔ Tulɛ'n 12:10

Nán amun yaci wie lɛ man aliɛ cɛn su. Sɛ i wie ka lɛ'n nglɛmun'n, man be yrɛ i.

Ezipt Lɔ Tulɛ'n 12:15

Anannganman waan: «Amun `di kpaun nga b'a gua-man nun kpaun ayre lele le nso. Kɛ ɔ bo i bo cɛn klikli'n su'n, nán be wun kpaun ayre amún sua'm be nun kun. Kɛ ɔ fɛ i cɛn klikli'n su b'ɔ fa ju cɛn nso su'n, sɛ sran kun di kpaun bɔ kpaun ayre o nun'n, be `fuɛn i Izraɛlfuɛ'm be afiɛn.

Ezipt Lɔ Tulɛ'n 12:6

Be `sie i lɛ lele anglo'n i le blu le nnan su. Cɛn sɔ'n, i nnɔsua nun'n, man Izraɛl nvle'n nunfuɛ'm be kwlaa be kpɛ be nnɛn nga be kpali be'n be kɔmin.

Ezipt Lɔ Tulɛ'n 12:8

Amun `wlɛ nnɛn sɔ'n sin su, kpɛkuun kɔnguɛ amun `di i nin kpaun bɔ kpaun ayre nun-man nun'n nin ijre wiwi mun.

Ezipt Lɔ Tulɛ'n 13:7

Cɛn sɔ'm be nun, nán amun di kpaun bɔ kpaun ayre o nun'n. Nán be wun kpaun bɔ kpaun ayre o nun'n annzɛ kpaun ayre amun awlo'm be nun mɛn wunmuan'n nun.

Ezipt Lɔ Tulɛ'n 23:18

Blɛ bɔ amun ´fa nnɛn nga amun kunnin i'n blɛ min'n, nán amun fa kpaun nga kpaun ayre o nun'n fa sie su. Nán amun fa nnɛn nga amun fa yi tɛ nnɔsua nun'n i lui'n be sie lɛ lele man aliɛ cɛn su.

Ezipt Lɔ Tulɛ'n 34:25

Blɛ bɔ amun ´fa nnɛn nga amun ´kun i'n be ´blɛ min'n, nán an fa kpaun bɔ kpaun ayre o nun'n sie su. Nán amun sie Delɛ-cɛn i nnɔsua nun tɛ'n i nnɛn'n lɛ lele nglɛmun.

Matthieu 13:33

Ɔ bu nyanndra kun ekun kleli be, ɔ seli kɛ: «Nyanmiɛn sielɛ'n ɔ fa kpaun ayre bɔ bla kun fa guali kpaun nzuɛn b'ɔ kwla ju kilo ablaɔn-nin-nnun nun'n, nan i wunmuan'n ɔ'a wla.»

Mmla'n 16:5

Amun lɛ-man atin be di-man Delɛ-cɛn'n mɛn nga Anannganman amun Nyanmiɛn'n fa mannin amun'n i klɔ'n wie fi su.