Mmla'n 16:3 - NYANMIƐN NDƐ'N 1998

³ Nán amun fa kpaun nga be fali kpaun ayre wlali nun'n be di cɛn sɔ'n. Amun `di i nin kpaun nga kpaun ayre nun-man nun'n. Ɔ ti amun ndawlɛ kpaun. Amun `di i sɔ cɛn ba nso. Afin kɛ amun ´fin Ezipt mɛn'n nun lɔ amun ´ba'n, ɔ yoli kplilɛ su. Amun `di i sɔ nan amún wla kpɛn su kɛ amun fin Ezipt mɛn'n nun lɔ bali cɛn kun.

Mmla'n 16:3 Iomraidhean Croise

1 Famiɛn Mun 22:27

Nan se be kɛ: ‹Famiɛn'n waan: Amun `wla bian nga bisua. Amun `mɛn i kpaun kan tititi nin nzue nɔnwa lele man n fɛ i alɛ'n nun lɔ m ´bla juejuejue.› »

Jue Mun 102:9

Ɔ lɛ-man cɛn kun bɔ min kpɔfuɛ'm be klɔklɔ-man min-ɔn. Be yo min fiaan. Min yɛ be fa min koko be yalɛ su-ɔ.

Jue Mun 111:4

Ɔ klo kɛ be nyin ´kpɛn atrɛ ng'ɔ yi'n bé su. Anannganman yaci sa cɛ, ɔ si aunnvuɛ.

Jue Mun 127:2

Aliɛ'n ɔ kwla cɛn-man nan amu'an jaso, sanngɛ wuun amun la-man ndɛ. Amun fɛ lele nan amu'an nyan amun nuan nun aliɛ b'a di. Nga amun yo i sɔ'n ɔ ti ngbɛn, afin Anannganman fa aliɛ kunngba nga an di'n man i klofuɛ nga be la be lafi mun.

Ezipt Lɔ Tulɛ'n 12:11

Wafa nga ɔ fata kɛ amun di i'n yɛ: amun `fa amun bo kplo'n be ci amun afiɛn, man amun ngbabua'm be tran amún ja, yɛ man amun kpɔnman'm be tran amún sa nun. Amun `di i ndɛndɛ.› Delɛ-cɛn yɛ ɔ o lɛ-ɔ, i yɛ be di be manman min-ɔn.

Ezipt Lɔ Tulɛ'n 12:17

Amun `di kpaun bɔ kpaun ayre nun-man nun'n i cɛn'n, nan amún wla `kpɛn cɛn bɔ min man amun tuli Ezipt lɔ'n su. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi be `fa kpɛn amún wun wla. Ɔ ti mmla kun bɔ be kwla kaci-mɛn i.

Ezipt Lɔ Tulɛ'n 12:39

Ble sanmlɛn nga be nin i fin Ezipt lɔ bali'n, bɔ be boli i lɔ sanngɛ ɔ'a kwla wla-man'n, be fa tɔnnin kpaun paplaapla nga be gua-man nun kpaun ayre'n, afin be kannin bé bo Ezipt lɔ. Kɛ be balɛ'n yoli kplilɛ'n ti, b'a kwla nyan-man blɛ b'a minndɛ-man kɛ ble sanmlɛn'n wla ka. B'a kwla fa-man ndidiɛ ninnge b'a tra-man nun.

Ezipt Lɔ Tulɛ'n 12:8

Amun `wlɛ nnɛn sɔ'n sin su, kpɛkuun kɔnguɛ amun `di i nin kpaun bɔ kpaun ayre nun-man nun'n nin ijre wiwi mun.

Ezipt Lɔ Tulɛ'n 34:18

Amun `di kpaun bɔ kpaun ayre nun-man nun'n i cɛn'n. Amun `di i cɛn ba nso Abib anglo'n nun. Afin anglo sɔ'n nun yɛ amun tuli Ezipt lɔ-ɔ. Amun `di kpaun nga kpaun ayre nun-man nun'n kɛ n kan kleli amun kɛ amun `di'n sa.

Ezai 52:12

Nán amun kpli fite, nán man ɔ yo kɛ amun su wanndi sa. Afin Anannganman ´dun mmua amun nyrun! Izraɛl Nyanmiɛn'n ɔ ´ka amún sin lɔ ɔ ´sasa amun.

Saun Yolɛ 23:6

Sra kunngba'n i le blu-nin-nnun'n su'n, be `bo kpaun nga be gua-man nun kpaun ayre'n i cɛn dilɛ'n i bo. Kɛ ɔ fɛ i sɔ lele b'ɔ ´fa di cɛn ba nso'n, kpaun nga be ´di'n, nán be gua nun kpaun ayre.

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

Kalɛ 28:17

Anglo kunngba sɔ'n, i le blu-nin-nnun su'n, ɔ ti cɛn dilɛ'n i le kun. Be `di kpaun bɔ b'a gua-man nun kpaun ayre'n sɔ lele cɛn ba nso.

Kalɛ 9:11

Sanngɛ anglo i nnyɔn su'n, i le blu-nin-nnan'n i nnɔsua nun yɛ be `di be cɛn liɛ nin-ɔn. Man be di bua bɔ b'a kpɛ cro'n bɔ be fa yili tɛ'n nin kpaun bɔ b'a gua-man nun kpaun ayre'n, yɛ ijre wiwi mun.

JÉSUS-CHRIST I DYASIN FE'N BO LUC KLELI'N 22:19

I sin ɔ fali kpaun, kɛ ɔ lali Nyanmiɛn ase'n, ɔ bubuli nun fa mannin be, ɔ seli kɛ: «Kpaun ng'ɔ o yɛ'n ti min wunnɛn i nzɔliɛ, [amun ti yɛ n su fa man-an. An `yo i kɛ nga n ´yo i yɛ'n sa, man amún wla kpɛn n su.»

1 Korɛntfuɛ Mun 5:8

Man e di cɛn sɔ'n, sanngɛ kpaun bɔ ayre laa'n wo nun b'ɔ kle klunwi'n nin sa tɛ yolɛ'n, nán man e fa di. Sanngɛ man e fa kpaun bɔ b'a gua-man nun kpaun ayre'n e fa di, i yɛ ɔ kle kpa yolɛ nin nanwlɛ dilɛ nin-ɔn .

Mmla'n 16:2

Delɛ-cɛn dilɛ nun'n, amun `wɔ lika nga Anannganman kle kɛ lɛ yɛ ɔ ´tran'n i nun lɔ, amun `kun bua nin boli, ɔ nin nannin be fa man Anannganman amun Nyanmiɛn'n.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

1 Tɛsalonikfuɛ Mun 1:6

Kɛ an fali Nyanmiɛn ndɛ'n su'n, an wunnin nyrɛnnɛn dan kpa. Sanngɛ ɔ nin i sɔ ngba'n, Nyanmiɛn Wawɛ'n man amun klun jɔli. An niannin e nzuɛn'n nin Krist liɛ'n su an yoli .

Zozie 4:7

Amun `se be kɛ: ‹Kɛ be ´fa Anannganman i alaka'n kpɛ Zurdɛn nzue'n, nzue nun'n kpɛli. Nzue'n nun kpɛli sakpa Nyanmiɛn i alaka'n i nyrun. I sɔ'n ti, yɛbuɛ sɔ'm be ti Izraɛlfuɛ'm be wla kpɛnlɛ like tititi.› »