Mmla'n 16:2 - NYANMIƐN NDƐ'N 1998

² Delɛ-cɛn dilɛ nun'n, amun `wɔ lika nga Anannganman kle kɛ lɛ yɛ ɔ ´tran'n i nun lɔ, amun `kun bua nin boli, ɔ nin nannin be fa man Anannganman amun Nyanmiɛn'n.

Mmla'n 16:2 Iomraidhean Croise

2 Famiɛn Mun 23:21

Famiɛn'n seli Zidafuɛ'm be kwlaa kɛ: «Amun `di Delɛ-cɛn'n be `fa manman Anannganman amun Nyanmiɛn'n, kɛ ɔ ti klɛwa aenguɛ nga Anannganman nin ye trali'n i fluwa ng'ɔ o yɛ nun'n sa.»

2 Be Nyoliɛ 35:7

Bua nga b'a kpɛ cro'n nin boli nga b'a kpɛ cro'n akpi-akpi ablasan (30.000) ng'ɔ fata kɛ sran sɔ'n be nyɛn i nan b'a fa yi Delɛ-cɛn i tɛ'n, Zozias yɛ ɔ mɛnnin i kwlaa sɔ nin-ɔn. Yɛ ɔ mannin nannin akpi nsan (3.000) ekun.

Kalɛ 9:2

«Cɛn nga n kleli su'n, man Izraɛlfuɛ'm be di Delɛ-cɛn'n.

Matthieu 26:17

Le kunngba bɔ be ´bo kpaun bɔ be gua-man nun ayre'n i dilɛ bo'n, Jésus sɔnnzɔnfuɛ'm be wa usɛli i kɛ: «?Lika onin yɛ a klo kɛ e ko siesie nan a ´di Delɛ-cɛn nun-ɔn?»

Matthieu 26:2

«An si kɛ ɔ ka le nnyɔn Delɛ-cɛn'n i dilɛ'n ´ju, be wa fa m bɔ n kacili Sran'n man sran mun kɛ be `bobo min waka'n su.»

Marc 14:12

Kpaun bɔ kpaun ayre nun-man nun'n i cɛn dilɛ klikli'n bɔ i nun yɛ be kun Delɛ-cɛn'n i bua'n, Jésus sɔnnzɔnfuɛ'm be usɛli i kɛ: «?Lika onin yɛ a klo kɛ e siesie nan a ´di Delɛ-cɛn nun-ɔn?»

JÉSUS-CHRIST I DYASIN FE'N BO LUC KLELI'N 22:15

Yɛ ɔ seli be kɛ: «Sa ng'ɔ yo n fɛ bɔ m buli i akunndan'n, yɛlɛ kɛ min nin amun ´di Delɛ-cɛn nga nan man wun nyrɛnnɛn.

JÉSUS-CHRIST I DYASIN FE'N BO LUC KLELI'N 22:8

Jésus sunmannin Piɛr nin Zan, ɔ seli be kɛ: «An `ko tɔn Delɛ-cɛn aliɛ'n man e ko di.»

1 Korɛntfuɛ Mun 5:7

An `gua kpaun ayre laa'n i ase, nan an yo kpaun uflɛ. Afin an ti kɛ kpaun bɔ b'a gua-man nun kpaun ayre'n sa, yɛ b'a kun Krist b'ɔ ti kɛ e Delɛ-cɛn i bua sa'n.

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:14

Lika nga Anannganman bɔbɔ nian akpasua'm be lika'm be nun kle'n, i nun yɛ amun `yi tɛ sɔ mun-ɔn. I nun yɛ amun `yo like nga n kan kleli amun kɛ amun yo'n i kwlaa-a.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:26

Amun ninnge nga amu'an sie be ngunmin kɛ amun ´fa man Nyanmiɛn'n, ɔ nin nda nga amun ta Nyanmiɛn'n i nuan ninnge'm be liɛ'n, amun `fa ko man Anannganman lika ng'ɔ ko kle'n i nun lɔ.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 15:20

Afuɛ nuan kwlaa ng'ɔ ju'n, amun nin amun osufuɛ mun amun `wɔ lika nga Anannganman kle nun lɔ nan amun `ko di i sɔ nnɛn mun.

Mmla'n 16:1

Kɛ Abib anglo'n ju'n, amun `di Delɛ-cɛn'n amun `fa manman Anannganman amun Nyanmiɛn'n. Afin Abib anglo'n i kɔnguɛ kun nun yɛ amun Nyanmiɛn'n fali amun Ezipt lɔ bali-ɔ.

Mmla'n 16:3

Nán amun fa kpaun nga be fali kpaun ayre wlali nun'n be di cɛn sɔ'n. Amun `di i nin kpaun nga kpaun ayre nun-man nun'n. Ɔ ti amun ndawlɛ kpaun. Amun `di i sɔ cɛn ba nso. Afin kɛ amun ´fin Ezipt mɛn'n nun lɔ amun ´ba'n, ɔ yoli kplilɛ su. Amun `di i sɔ nan amún wla kpɛn su kɛ amun fin Ezipt mɛn'n nun lɔ bali cɛn kun.