Mmla'n 13:7 - NYANMIƐN NDƐ'N 1998

^7-9 Sɛ ɔ wie amún nin wa wie, annzɛ amun wa yasua wie, annzɛ amun wa bla wie, annzɛ amún bo bla wie, annzɛ amun janvuɛ ng'ɔ ti amun anwlɛn su sran'n wie, ɔ wa se amun blɛlɛlɛ kɛ amun ko sɔ amuɛn bɔ nán kɛ amun si i-ɔ, bɔ kusu nán kɛ amun nannan'm be sili i-ɔ, b'ɔ ti nvle wie nun amuɛn'n, nán amun kplin su. Nán amun tie sran sɔ'm be ndɛ'n, nán amun si be aunnvuɛ, nán amun yaci cɛ be, amun `yi be nglo. Sɛ nvle ng'ɔ mantan amun lɛ i nun amuɛn o, sɛ kusu mmua lɔ nvle wie nun amuɛn o, i kunngba nin-ɔn. Asiɛ wunmuan'n i su amuɛn'n kwlakwla be ndɛ yɛ n kan-an.

Mmla'n 13:7 Iomraidhean Croise

2 Be Nyoliɛ 22:3

Akazia fali atin kunngba nga Akab i awlo'n nunfuɛ'm be fali'n wie, afin i nin mɛn i afɔtuɛ tɛ.

Zeremi 44:15

Kɛ Zeremi kannin i sɔ ndɛ liɛ'n, yasua nga be o lɛ bɔ be si jrɛin kɛ bé yi'm be yra ansans be man amuɛn mun'n, ɔ nin bla kpanngban nga be o lɛ'n, man e kpɛ kpo e se kɛ be kwlaa nga be ko trannin Patrɔs Ezipt mɛn nun'n, be tɛli i su kɛ:

Kalɛ 25:4

Anannganman seli Moiz kɛ: «Tra Izraɛl kpɛnngbɛn nga be o Izraɛlfuɛ'm bé su'n be kwlaa, man be kpɛ bé nyin wia'n su lɔ, yɛ man be bo be kɔmin min nyrun. Kɛ ɔ ko yo sɔ liɛ'n, n ´gua min ya dan nga n fɛli amún wun'n i ase.»

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 6:14

Nán amun koto like wie fi bo, nán amun fa nvle nga be mantan amun'n be amuɛn mun.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»