Mmla'n 13:2 - NYANMIƐN NDƐ'N 1998

² Sɛ amun nun sran wie waan ɔ ti Nyanmiɛn nuan ijɔfuɛ'n annzɛ sɛ i ti wun ase'n, sɛ ɔ ´kan aolia nun sa nga be wa ju'n be ndɛ kle amun'n,

Mmla'n 13:2 Iomraidhean Croise

1 Famiɛn Mun 13:3

Le kunngba sɔ nun'n, Nyanmiɛn i nuan ijɔfuɛ'n kan guali su kɛ: «Nzɔliɛ ng'ɔ kle kɛ Anannganman'n yɛ ɔ kannin ndɛ sɔ'n sakpa'n yɛ ɔ o yɛ: sraka yiwlɛ'n i nun wa kpaci, kpɛkuun nzuɛn ng'ɔ o su'n wa sanndi lika'n nun .»

Ezipt Lɔ Tulɛ'n 22:19

Sran ng'ɔ yi tɛ man amuɛn mun'n, b'ɔ yi-man tɛ man-man Nyanmiɛn i ngunmin'n, man be kun i.

Ezipt Lɔ Tulɛ'n 7:22

Ezipt lɔ atrɛ yifuɛ'm be fali be tinmin liɛ'n be yili atrɛ kunngba sɔ'n wie. Famiɛn'n i anwlɛn'n keteli, i sɔ'n ti, atin nga Moiz nin Aarɔn be srɛli'n, i waan ɔ man-man be. Kɛ Nyanmiɛn dun mmua kɛnnin i sɔ-ɔ.

Zeremi 23:32

Min Anannganman, be nga be kpɛ gblɛ se kɛ b'a wun aolia nun like be fa mlin min sran mun'n, e nin be e wa yia nun, afin min yɛ n sunmannin be-ɔ, be yo-man sa kpa fi be man-man min sran mun. Min Anannganman min yɛ n kan sɔ-ɔ.›

Zeremi 27:9

Nan i ti'n, sɛ amun kɔmiɛn mun, nin amun ngɔnyinman yifuɛ mun, nin amun laliɛ cɛnfuɛ mun, nin amun nzraama kannganfuɛ mun, ɔ nin amun bae difuɛ'm be se amun kɛ: ‹Amun su ko su-man Babilɔni famiɛn'n,› nán amun fa su.

Zeremi 28:9

Sanngɛ sɛ Nyanmiɛn nuan ijɔfuɛ kun kan kɛ be wa nyan fɔundi'n, san ndɛ ng'ɔ kannin'n ´ju yɛ sran'm be si sakpa kɛ Anannganman'n yɛ ɔ sunmɛnnin i-ɔ.»

Zakari 10:2

Ndɛ nga amuɛn'm be kan'n ti ato ndɛ. Gblɛ yɛlɛ wunnzue nga kɔmiɛnfuɛ'm be yi'n. Finfin ndɛ yɛ laliɛ cɛnfuɛ'm be kan-an, be lakalaka amun ngbɛn. I sɔ'n ti yɛ min sran'm b'a yo aunnvuɛfuɛ yɛ be wlan-wlan daan kɛ bua bɔ be lɛ-man kankanfuɛ bɔ b'a bo je'n sa nin-ɔn.

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Mmla'n 13:13

Klɔ nga Anannganman amun Nyanmiɛn'n fa man amun kɛ amun tran be nun'n, sɛ amun ti kun wun ndɛ kɛ

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 18:20

Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

Mmla'n 18:22

Sran nga i waan ɔ ti Anannganman nuan ijɔfuɛ b'ɔ fa Anannganman dunman fa kan ndɛ wie kpɛkuun ndɛ sɔ'n ɔ'a kpɛn-man su'n, wuun nán Anannganman yɛ ɔ kannin-ɔn. Sran sɔ'n bɔbɔ yɛ ɔ dili wlɛwlɛ kannin ndɛ sɔ nin-ɔn. Nán srɛ kun amun i wun.»