Mmla'n 13:10 - NYANMIƐN NDƐ'N 1998

¹⁰ Amun `finfin i sɔ sran'm be yɛbuɛ be `kun be. Sran nga be lɛkɛ i'n yɛ ɔ dun mmua fin be yɛbuɛ-ɔ, yɛ sran'm be nian su finfin be wie kun be.

Mmla'n 13:10 Iomraidhean Croise

2 Famiɛn Mun 11:18

Nzrafuɛ'm be wluli Baal i sua'n nun lɔ, be bubuli sua'n, be buli i sraka yiwlɛ mun nin i nzɔliɛ nga be takali be'n, kpɛkuun be kunnin Matan b'ɔ ti Baal i nyrun jranfuɛ'n. Be kunnin i sraka yiwlɛ'm be nyrun lɛ. I sin Zɛozada b'ɔ ti Nyanmiɛn nyrun jranfuɛ'n sieli sran wie'm be kɛ be nian Anannganman i sua'n su.

2 Be Nyoliɛ 24:21

Nzrafuɛ'm be cicili Zakari wun ndɛ, be totoli i yɛbuɛ nan b'a kun i Nyanmiɛn i sua'n i awlo'n klun lɔ. Famiɛn'n yɛ i waan be `yo i sɔ-ɔ .

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 32:27

Ɔ seli be kɛ: «Anannganman b'ɔ ti Izraɛlfuɛ'm be Nyanmiɛn'n wan yoo: ‹Man sran kun fɛ i tokofi'n sɛn i bo, man sran kun fɛ i liɛ'n sɛn i bo nan amun `wlan-wlan ngblaliɛ'n nun, amun `sinsin ngblaliɛ'n i lika'n kwlaa nun. Amun `kun amun niaan, nin amun janvuɛ, ɔ nin amun osufuɛ mun.› »

Saun Yolɛ 20:2

ɔ `kan ndɛ yɛ mun kle Izraɛlfuɛ mun. I waan: «Sɛ Izraɛlfuɛ kun, sɛ wie kusu-ɔ aofuɛ wie b'ɔ tran Izraɛl wa'n ɔ fɛ i wa kun ko yi tɛ man amuɛn nga be flɛ i Mɔlɔk'n, ɔ fata kɛ be kun i sɔ sran liɛ'n. Man mɛn mma'm be finfin i yɛbuɛ be kun i.

Saun Yolɛ 20:27

Sɛ yasua kun annzɛ kusu bla kun nin wunmiɛn be ijɔ'n, sɛ wie kusu-ɔ ɔ ti wunnzue yifuɛ'n, ɔ fata kɛ be kun i. Be `finfin i yɛbuɛ be `kun i. I bɔbɔ yɛ ɔ kunndɛli i wun wie nin-ɔn.»

Saun Yolɛ 24:23

Sa nga Anannganman waan Izraɛlfuɛ'm be yo'n, Moiz kan kleli be. Be kusu be niannin su be yoli i su sa'n. Ɔ man be fali ba yasua'n be ɔli nanmue'n i sin lɔ. Be finfinnin i yɛbuɛ nan b'a kun i.

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 17:5

sɛ ɔ ti yasua o, sɛ ɔ ti bla o, amun `fɛ i wɔ klɔ'n i anuan nun lɔ, nan amun `finfin i yɛbuɛ man ɔ wu.

Mmla'n 17:7

Sɛ ɔ ti i kunlɛ'n, lalofuɛ'm be yɛ be `dun mmua fin i yɛbuɛ nan sran'm be kwlaa b'a fin i wie-ɔ. Amun `yi sa tɛ'n amun afiɛn kɛ ng'ɔ o lɛ'n sa.

Mmla'n 21:21

Kpɛkuun man klɔ'n su sran'm be kwlaa be finfin i yɛbuɛ be kun i. Amun `tu sa tɛ'n amun afiɛn kɛ ng'ɔ o lɛ'n sa. Izraɛlfuɛ'm be kwlaa be ´ti, kpɛkuun srɛ ´kun be.

Mmla'n 4:19

Amun `nian amún wun su. Sɛ amun man amun nyin su nian nglo lɔ nan amun wun wia'n nin anglo'n, ɔ nin nzraama mun, ɔ nin nyanmiɛn su lɔ ninnge wafa-wafa uflɛ mun'n, nán amun koto bé bo yɛ nán amun su be. Ninnge sɔ'm be ti asiɛ'n su nvle nga'm be kwlaa be liɛ. Anannganman amun Nyanmiɛn'n fa mannin be.

Zozie 7:25

Zozie seli Akan kɛ: «?Ɔ yo sɛ yɛ a kleli e nyrɛnnɛn sɔ-ɔ? Anannganman kusu wa kle wɔ nyrɛnnɛn ndɛ.» Yɛ Izraɛlfuɛ'm be kwlaa be finnin i yɛbuɛ ɔ nin i awlofuɛ mun kwlaa be kunnin be, i sin be yrali be yɛ be wɔli bé bo ninnge mun kwlaa be nun.