Mmla'n 13:1 - NYANMIƐN NDƐ'N 1998

¹ Amun `fa ndɛ nga n ´kan kle amun yɛ'n be su. Amun `nian su `nanti. Nán amun kpɛ wie gua nun, nán amun yi wie ase.

Mmla'n 13:1 Iomraidhean Croise

1 Famiɛn Mun 13:18

Yɛ bian'n seli i kɛ: «M bɔbɔ n ti Nyanmiɛn nuan ijɔfuɛ kɛ wɔ sa. Anannganman fali ndɛ wlali anz kun nuan kɛ ɔ se min kɛ: ‹Ko fɛ i bla wɔ awlo wa nan ɔ di like ɔ nɔn nzue.› » Kannzu gblɛ yɛ ɔ kpɛ-ɔ.

1 Famiɛn Mun 13:19

Nyanmiɛn nuan ijɔfuɛ'n ɔ nin i be sali bé sin. Ɔ ko dili like, ɔ nɔnnin nzue bian'n i awlo lɔ.

Nyanndra Mun 30:6

I nuan su ndɛ sa'n, nán kpɛ wie gua su. Sɛ ɔ yo sɔ-ɔ, ɔ ti kɛ w'a yo gblɛfuɛ sa, ɔ nin wɔ be ´nyɛn i.

Ezai 9:15

Be nga be ti sran nga'm be nyrun dunfuɛ'n, be mlinlɛ yɛ be mlinnin be-ɔ. Be nga be kplin be su kɛ be dun be nyrun mmua'n, be fa atin tɛ'n.

Zeremi 23:11

Anannganman'n wan yoo: ‹Min nuan ijɔfuɛ mun nin min nyrun jranfuɛ'm be kwlaa b'a saci. Be yo sa tɛ'n lele be fa wlu mín sua'n nun.

Zeremi 23:32

Min Anannganman, be nga be kpɛ gblɛ se kɛ b'a wun aolia nun like be fa mlin min sran mun'n, e nin be e wa yia nun, afin min yɛ n sunmannin be-ɔ, be yo-man sa kpa fi be man-man min sran mun. Min Anannganman min yɛ n kan sɔ-ɔ.›

Zeremi 27:9

Nan i ti'n, sɛ amun kɔmiɛn mun, nin amun ngɔnyinman yifuɛ mun, nin amun laliɛ cɛnfuɛ mun, nin amun nzraama kannganfuɛ mun, ɔ nin amun bae difuɛ'm be se amun kɛ: ‹Amun su ko su-man Babilɔni famiɛn'n,› nán amun fa su.

Zeremi 29:24

Anannganman b'ɔ sie mɛn wunmuan'n, Izraɛl Nyanmiɛn'n mannin Zeremi ndɛ kun kɛ ɔ `kan man Sɛmaɛza b'ɔ fin Neselam'n.

Zeremi 29:26

«Sofoni, Anannganman'n fali wɔ sieli i Zɛozada osu kɛ a `yo Nyanmiɛn nyrun jranfuɛ kɛ ɔ ko yo nan w'a nian Nyanmiɛn i sua'n su, nan sran nga be ijɔ finfin'n bɔ be blɔ bé wun kɛ be ti Nyanmiɛn nuan ijɔfuɛ'n, w'a ci be kwlaa nin jrɔkɔ, nan w'a wla be kɔmin kaa'n ti.

Zeremi 29:8

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Nán amun tran lɛ man be nga be tɔn bé wun suɛn kɛ be ti Nyanmiɛn nuan ijɔfuɛ nga be nin amun o lɔ'n, ɔ nin be nga be yi wunnzue'n be `lakalaka amun. Laliɛ nga amun cɛn be'n, nán an fa yo nanndoliɛ like.

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Ezekiɛl 13:23

Amun su kwla kpɛ-man amún ti nun se-man kɛ amu'an wun aolia nun ninnge kun. N ´de min sran mun amún sa nun. Kpɛkuun amun wa si jrɛiin kɛ min yɛ n ti Anannganman nin-ɔn.› »

Zakari 10:2

Ndɛ nga amuɛn'm be kan'n ti ato ndɛ. Gblɛ yɛlɛ wunnzue nga kɔmiɛnfuɛ'm be yi'n. Finfin ndɛ yɛ laliɛ cɛnfuɛ'm be kan-an, be lakalaka amun ngbɛn. I sɔ'n ti yɛ min sran'm b'a yo aunnvuɛfuɛ yɛ be wlan-wlan daan kɛ bua bɔ be lɛ-man kankanfuɛ bɔ b'a bo je'n sa nin-ɔn.

Zakari 13:4

I sɔ blɛ nun'n, be nga be tɔn be wun suɛn kɛ be ti min nuan ijɔfuɛ sɔ'm be aolia nun ninnge nga be wun i'n, i kanlɛ ´yo be nyannzuɛn. Ɔ su kpɛn-man be klun kɛ be `wla nnɛn ndrɛ tralɛ nan be `lakalaka sran mun kun.

Matthieu 24:11

Sran kpanngban bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao laka sran kpanngban.

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Marc 13:22

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

JÉSUS-CHRIST I DYASIN FE'N BO LUC KLELI'N 6:26

Kɛ sran'm be kwlaa be ´bo amun dunman kpa'n, an yako, afin kɛ be nannan'm be boli be bɔ be tɔn bé wun suɛn kɛ be ti Nyanmiɛn nuan ijɔfuɛ'n be dunman sɔ-ɔ!»

Mmla'n 18:20

Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:2

Ndɛ nga n fa sie amun nyrun'n, nán amun kpɛ wie gua nun, nán amun yi wie ase. Sanngɛ amun `nian Anannganman amun Nyanmiɛn'n i nuan ndɛ nga n fa sie amun nyrun'n su.

2 Tɛsalonikfuɛ Mun 2:9

Satan yɛ ɔ ´tin bian b'ɔ di-man mmla'n su sɔ'n yɛ ɔ ´ba-a, ɔ man ɔ wa yo sa kekleekle'n kwlaa, ɔ ´yi atrɛ, yɛ ɔ ´yo abonuan sa gblɛ nun .

2 Piɛr 2:1

Kɛ be nga be tɔn bé wun suɛn kɛ be ti Nyanmiɛn nuan ijɔfuɛ'n be trannin sran'm be nun'n, be nga be tɔn bé wun suɛn kɛ be ti like klefuɛ'n kɛ be wa tran amun nun sɔ-ɔ. Be ´kle amun like nga be ti ato b'ɔ be saci sran'n gblɛ nun'n. Kɛ be bu-man be Min'n b'ɔ kpɔli bé ti'n i like fi kun'n, ɔ man be ´ka lɛ mlin.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.