Mmla'n 12:3 - NYANMIƐN NDƐ'N 1998

³ Amun `bubu be amuɛn sɔwlɛ mun, amun `bubu be yɛbuɛ nga be takali be mun, amun `yra be waka nga be sɔ be'n, amun `bubu be amuɛn nga be yoli be mun, yɛ amun `nunnun be dunman'n lika nga be o nun lɛ'n be nun.

Mmla'n 12:3 Iomraidhean Croise

1 Famiɛn Mun 14:15

Anannganman ´bo Izraɛlfuɛ mun, kpɛkuun be ´usu kɛ ndɛma b'ɔ jin nzue nuan'n ɔ keje'n sa. Anannganman ´tu Izraɛlfuɛ'm bé bo asiɛ klanman b'ɔ fa mannin bé si mun'n su. Ɔ ´fa be ko gua nzue'n i bue kun lɔ, afin be takali waka nga be sɔ be'n be fa klɔklɔli i.

1 Famiɛn Mun 15:13

I nannan bla bɔ be flɛ i kɛ Maaka'n takali waka kun bɔ be sɔ i. Sa sɔ'n ti, ɔ yoli man i nannan bla sɔ'n ɔ'a nyan-man nyrun kun, b'a bu-mɛn i wlengbi bla kun. Aza tuli amuɛn ba'n i bo, ɔ ko wɔli nun Sedrɔn nzue ba'n nuan lɔ.

2 Famiɛn Mun 11:18

Nzrafuɛ'm be wluli Baal i sua'n nun lɔ, be bubuli sua'n, be buli i sraka yiwlɛ mun nin i nzɔliɛ nga be takali be'n, kpɛkuun be kunnin Matan b'ɔ ti Baal i nyrun jranfuɛ'n. Be kunnin i sraka yiwlɛ'm be nyrun lɛ. I sin Zɛozada b'ɔ ti Nyanmiɛn nyrun jranfuɛ'n sieli sran wie'm be kɛ be nian Anannganman i sua'n su.

2 Famiɛn Mun 18:4

Ɔ bubuli sraka yiwlɛ lika bɔ be o kpɔlɛ'm be su'n. Ɔ bubuli yɛbuɛ nga be takali be'n. Ɔ kpɛli waka nga be takali bɔ be sɔ be'n. Ɔ fufuli aaba wuo nga Moiz yoli i laa'n nun, afin kɛ ɔ ´fa ju blɛ sɔ'n nun'n, wuun Izraɛlfuɛ'm be yra ansans man aaba wuo sɔ'n. Be tɔnnin i dunman kɛ Nɛistan.

2 Famiɛn Mun 23:14

Ɔ bubuli yɛbuɛ nga be takali'n be nun, ɔ kpɛkpɛli waka nga be takali be bɔ be sɔ be'n be nun. Yɛ ɔ fali sran owie tiantiannin be osu lɛ.

2 Be Nyoliɛ 14:2

Ɔ nunnunnin amuɛn'm be sraka yiwlɛ mun nin be sua mun. Ɔ bubuli yɛbuɛ nga be takali be'n, yɛ ɔ kpɛkpɛli waka nga be sɔ be'n mun.

2 Be Nyoliɛ 14:3

Ɔ wlali Zidafuɛ'm bé su nun kpa kɛ be fa bé wun mantan Anannganman b'ɔ ti be nannan'm be Nyanmiɛn'n, nan be `fɛ i mmla fanunfanun'm be su.

2 Be Nyoliɛ 19:3

sanngɛ a buli sa kpa wie'm be akunndan yɛ a yoli be. Ɔ mɛn'n nun waka nga be sɔ be'n, a wɔli be nun, yɛ a tuli ɔ klun fali ɔ́ wun mantannin ɔ Nyanmiɛn'n kpa.»

2 Be Nyoliɛ 31:1

Kɛ cɛn dilɛ'n wieli'n, Izraɛlfuɛ nga be o lɛ'n be ɔli Zida klɔ'm be su. Be ko sacili yɛbuɛ nga be takali be'n. Be bubuli waka nga be kplannin be bɔ be sɔ be'n mun. Be sacili be nga be si-man Nyanmiɛn'n be sraka yiwlɛ lika nga be o kpɔlɛ'm be su'n mun nin amuɛn sɔwlɛ mun. Be yoli i sɔ Zida nin Bɛnzamɛn akpasua'n, nin Efraim nin Manase be akpasua'm be su. I sin be sali bé sin be ɔli be klɔ'm be su sɛsɛsɛ.

2 Be Nyoliɛ 34:3

Kɛ ɔ yoli famiɛn'n, i afuɛ mɔcuɛ su'n, bɔ wuun ɔ tɛ yo gbanflɛn'n, ɔ fɛli i wun mantannin i nannan David i Nyanmiɛn'n. Sraka yiwlɛ lika mun nin waka nga be kplan be bɔ be sɔ be'n, ɔ nin amuɛn wafa-wafa'n kwlaa, i afuɛ nnan su'n, ɔ yili be Zerizalɛm lɔ nin Zida mɛn wunmuan'n nun.

Jue Mun 16:4

Be nga be sɔ amuɛn mun'n, be nyrɛnnɛn i su ɔ uka. Be ko tu amuɛn wie mɛn uflɛ'm be nun. Tɛ mmoja nga be guɛ i ase lɛ'n, n yo-man wie. Dunman nga be ´bo be lɛ'n, m bo-man wie.

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Ezipt Lɔ Tulɛ'n 23:24

Nán amun koto nvle sɔ'm be amuɛn'm be bo, nán an sɔ be. Nán amun nian be aeliɛ'm bé su yo wie. Amun `bubu be waka sran'm be nun, yɛ amun `saci yɛbuɛ nga be takali be'n mun.

Ezipt Lɔ Tulɛ'n 34:13

Amun `bubu be amuɛn sɔwlɛ mun. Amun `bubu be yɛbuɛ nga be takali be'n, ɔ nin be waka nga be sɔ be'n.

Ezai 27:9

Sanngɛ siɛn'n, wafa nga be ´yaci Izraɛlfuɛ'm bé wun sa'n cɛ be'n, yɛ wafa nga be ´nunnun bé sa tɛ'n su'n yɛ: be wa bubu sraka yiwlɛ lika'm be yɛbuɛ'm be nun, be ´nunkun be kɛ like pɔpɔ wie sa, be ´yo kɛ ndutre sa. Be su taka-man yɛbuɛ nga be sɔ be'n kun, be su kplan-man sraka yiwlɛ nga be yra ansans su'n mun kun.

Zeremi 17:2

Ɔ man be mma'm be wla su fi-man sraka yiwlɛ nin waka nga be taka be bɔ be sɔ be'n, nin waka nga be lɛ fɔnvɔ'n, ɔ nin kpɔlɛ kendenglein mun.

Ndɛ Nga Nyanmiɛn I Nuan Ijɔfuɛ Oze Kannin'n 2:17

Kpɛkuun n ´fɛ i vinyi fie mun `mɛn i ekun. N ´yo man Nyrɛnnɛn kongo'n ´kaci i wla ase gualɛ lika. Ɔ wa to jue su min su kɛ i talua nun'n sa. Ɔ ´su min su kɛ blɛ ng'ɔ fin Ezipt ´ba-a, ɔ fa suli min su'n sa .»

Mise 5:14

Min klunngbɔ nga n ´tu i be nga bé nyin ɔ'a yi-man min bɔ m'an fa ya be wun'n be su'n, ɔ wa yo dan kpa.»

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

Kalɛ 33:52

amun `kan lɔfuɛ nga be o amun nyrun'n bé bo, amun `bubu amuɛn nga be fali yɛbuɛ annzɛ blalɛ yoli'n mun, amun `saci be sraka yiwlɛ lika bɔ be o kpɔlɛ'm be su mun.

Mmla'n 12:4

Anannganman amun Nyanmiɛn'n i liɛ'n, nán amun su i kɛ nvle sɔ'm be nunfuɛ'm be fa sɔ be amuɛn mun'n sa.

Mmla'n 7:25

Be amuɛn nga be yoli be mun'n, amun `yi be sin nun, amun `wɔ be nun. Nán amun nyin blo jɛtɛ ufue annzɛ sika ɔkwlɛ nga be o bé amuɛn sɔ'm be wun'n be su. Nán amun fa amuɛn sɔ mun sie amún wun. Sɛ amun yo sɔ-ɔ, ɔ cɛ-man nan amu'an sɔ be, afin be ti tete like Anannganman nyrun.

Mmla'n 7:5

Ng'ɔ fata kɛ amun yo'n yɛ: amun `bubu be amuɛn sɔwlɛ mun, amun `bubu be yɛbuɛ nga be takali mun'n, ɔ nin be ninnge nga be sɔ be mun'n, yɛ amun `yra be amuɛn mun.

Sa nglô yile 13:1

N wunnin nnɛn kun, ɔ fin jenvie'n nun fiteli. I ti'n ti nso, i wuɛ'n ti blu, i wuɛ blu sɔ'n, sika kle o be su. Be klɛli Nyanmiɛn finfin yolɛ dunman i ti sɔ'm be su.

Jɔlɛ Difuɛ Mun 2:2

Amun kusu n seli amun kɛ nán amun nin nvle nga i nun sran mun be tra aenguɛ. Amun `bubu be amuɛn sɔwlɛ mun. N seli amun sɔ, sanngɛ amu'an ti-man min aniɛn'n. ?Ɔ yoli sɛ ti yɛ amun yoli sɔ-ɔ ?