Mmla'n 11:3 - NYANMIƐN NDƐ'N 1998

³ Amun wunnin atrɛ ng'ɔ yili mun nin junman ng'ɔ dili be Ezipt lɔ'n. Amun wunnin sa ng'ɔ fa yoli Ezipt famiɛn'n nin i mɛn wunmuan'n.

Mmla'n 11:3 Iomraidhean Croise

Jue Mun 135:9

Anannganman yili atrɛ mun, ɔ yoli abonuan sa mun Ezipt mɛn'n nun lɔ. Ɔ fa tuli Ezipt famiɛn nin i sufuɛ mun be fɔ.

Ezipt Lɔ Tulɛ'n 7:8

Anannganman seli Moiz nin Aarɔn be kɛ:

Mmla'n 1:30

Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 11:4

Amun wunnin sa ng'ɔ fa yoli Ezipt sonja mun, nin be nnɛn kpanngɔ mun, ɔ nin be kakaklolo mun'n. Amun wunnin kɛ ɔ yoli man ndɛma jenvie ɔ katali be su, yɛ ɔ nunnunnin be i nun bɔ be fuan be'n.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 7:19

Kɛ Anannganman amun Nyanmiɛn'n ɔ ´yi amun Ezipt lɔ fite'n, amun wunnin nyrɛnnɛn sa dandan ng'ɔ fa yili Eziptfuɛ'm be su'n, amun wunnin atrɛ ng'ɔ yili be mun nin abonuan sa ng'ɔ yoli be mun'n, amun wunnin kɛ sran fi ɔ'a kwla jrɛn-mɛn i nyrun. Sa kunngba sɔ'm be yɛ Anannganman amun Nyanmiɛn'n ɔ wa fa yo nvle nga amun sro be yɛ'n be kwlakwla-a.