Mmla'n 1:8 - NYANMIƐN NDƐ'N 1998

⁸ Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 1:8 Iomraidhean Croise

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 15:16

Wɔ anunman siansian mun yɛ be ´ba wa-a, afin Amɔrfuɛ'm bé sa tɛ bɔ be yo'n ɔ nian bobo-man su bɔ man n ´fuan be-ɔ.»

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Neemi 9:15

Kɛ awe kunnin be'n, a mannin be nyanmiɛn su lɔ kpaun be dili. Kɛ nzue we kunnin be'n, wɔ man nzue fin yɛbuɛ nun fiteli, be nɔnnin. Wɔ man be bali mɛn nga a tali nda kɛ a ´fa man be'n, i falɛ .

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Ezipt Lɔ Tulɛ'n 33:1

Anannganman seli Moiz kɛ: «A nin Izraɛlfuɛ'm bɔ a fali be Ezipt lɔ bali'n, amun `jaso lika nga nun wa, nan amun `wɔ mɛn nga n tali nda kleli Abraam nin Izaak, nin Zakɔb kɛ n ´fa man be osu nunfuɛ mun'n, i nun.

Zeremi 32:22

Mɛn fɛfɛ nga a tali be nannan'm be nda kɛ a ´fa man be'n, a fa mannin be.

Ezekiɛl 47:14

Amun ´cɛ lika'n nun sɛsɛ, afin n tali nda kɛ n ´fa Izraɛl mɛn'n m man amun nannan mun. I sɔ'n ti lika'n wa yo amun liɛ.

Kalɛ 14:23

be kwlaa sɔ'n be nyinma sa su ta-man mɛn nga n seli be kɛ be `wɔ nun lɔ'n. Be kwlaa nga be yoli min finfin'n be su wun-man mɛn sɔ'n .

Kalɛ 32:11

‹Be nga be fin Ezipt lɔ be bali bɔ be lɛ afuɛ ablaɔn nin afuɛ ablaɔn gua su'n, be nun kun sa su wun-man mɛn nga min waan n ´fa man Abraam, nin Izaak, nin Zakɔb'n. Afin bé nyin a yi-man min.

Mmla'n 1:11

Man Anannganman amun nannan'm be Nyanmiɛn'n yo nan amun ´trɛ tra nga su kpɛ akpi, nan ɔ `yo amun ye kɛ ɔ kan kleli amun'n sa.

Mmla'n 1:35

‹Akpasua tɛ nga nun sran wie fi nyinma su ta-man mɛn nga n seli be nannan'm be kɛ n ´fa man be'n.

Mmla'n 10:11

Anannganman seli min kɛ: «Jaso, dun Izraɛlfuɛ'm be nyrun mmua, man be ko fa mɛn nga n tali be nannan'm be nda kɛ n ´fa man be'n.»

Mmla'n 11:24

Lika kwlaa bɔ amun ja tia lɛ'n, ɔ ti amun liɛ. Amun mɛn'n ´fɛ i aawlɛ flɛnnɛn b'ɔ o ngua lɔ'n nun lele fa ju nglo lɔ lika nun Liban lɔ. Kpɛkuun ɔ ´fɛ i wia afiliɛ lɔ nzue ba dan bɔ be flɛ Efrat'n i nuan lɔ lele ɔ fa ju wia atɔliɛ lɔ jenvie bɔ be flɛ i Mediterane'n i nuan.

Mmla'n 11:9

Amun `fa ndɛ sɔ'n be sie, nan amu'an cɛ mɛn nga Anannganman tali nda kɛ ɔ ´fa man amun nannan'm be nin be osu nunfuɛ mun'n nun. Mɛn sɔ'n i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Mmla'n 2:29

Like nga Ezau i osu nunfuɛ bɔ be tran Seir'n nin Moabfuɛ bɔ be tran Ar mɛn'n nun'n be yo mannin ye'n, i kunngba'n yɛ e waan a `yo man ye-ɔ. I liɛ'n, e ´kpɛ Zurdɛn'n e ´kpɛn lika nga Anannganman e Nyanmiɛn'n fa mannin ye'n nun.»

Mmla'n 26:15

Ɔ man kɛ a o ɔ tranwlɛ nun nyanmiɛn su lɔ'n, kpɛ ɔ́ nyin nian Izraɛl b'ɔ ti ɔ nvle'n, nan yo i ye. Yo man asiɛ nga a fa mannin ye'n, ɔ yo kpa kɛ a fa tali e nannan'm be nda'n sa. Afin ɔ waan asiɛ sɔ'n, ɔ ´yo like ye kpa, yɛ i kunngba'n ɔ ´yo nnɛn tawlɛ klanman.»

Mmla'n 26:3

Amun `ko to Nyanmiɛn nyrun jranfuɛ ng'ɔ o lɛ'n, nan amun `se i kɛ: «Mɛn nga Anannganman e Nyanmiɛn'n tali e nannan'm be nda kɛ ɔ ´fa man ye'n, y'a ju nun wa, yɛ e bali Anannganman i kan klelɛ ndɛkɛn-ɔn.»

Mmla'n 28:11

Anannganman ɔ ´yo man amun nyan ninnge kpanngban lika ng'ɔ tali amun nannan'm be nda kɛ ɔ ´fa man amun'n i nun. Amun ´trɛ, amun nnɛn'm be ´trɛ, amun fie'm be ´yo kpa.

Mmla'n 29:12

Ndɛkɛn, ɔ ´fa amun yo i nvle nunfuɛ mun, yɛ i kusu ɔ ´yo amun Nyanmiɛn kɛ ɔ kan kleli amun'n sa yɛ kɛ ɔ tali nda kleli amun nannan Abraam, nin Izaak, ɔ nin Zakɔb be sa.

Mmla'n 30:20

Amun `klo Anannganman amun Nyanmiɛn'n, amun `fɛ i nuan ndɛ'n su, amun `fa amún wun mɛntɛn i. I liɛ'n, amun ´kwla tran mɛn ng'ɔ tali amun nannan Abraam, nin Izaak, nin Zakɔb be nda kɛ ɔ ´fa man be'n i nun, yɛ amun ´cɛ.

Mmla'n 31:7

Yɛ Moiz flɛli Zozie Izraɛlfuɛ'm be kwlaa be nyrun lɛ nan ɔ'a se i kɛ: «Jran kekle, tra ɔ anwlɛn, afin wɔ yɛ a wa fa Izraɛl nvle'n a ´wlu mɛn nga Anannganman tali be nannan'm be nda kɛ ɔ ´fa man be'n i nun-ɔn. Wɔ yɛ a ´cɛ nun ´man be-ɔ.

Mmla'n 34:4

Anannganman seli i kɛ: «Mɛn nga n tali Abraam, nin Izaak, ɔ nin Zakɔb be nda kɛ n ´fa man be osu nunfuɛ mun'n yɛ ɔ o lɛ-ɔ. M'an fa kle wɔ, sanngɛ a su ju-man lɔ.»

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 6:10

Anannganman amun Nyanmiɛn'n ɔ ´fa amun kɔ mɛn nga ɔ seli amun nannan Abraam, nin Izaak, nin Zakɔb kɛ ɔ ´fa man amun'n i nun lɔ. Amun ko fa klɔ dandan, nin klɔ kpakpa bɔ nán amun yɛ amun kplannin'n.

Mmla'n 7:12

Sɛ amun fa amún su sie mmla sɔ'm bé bo nan amun nian be su, nan amun fa bé su'n, Anannganman kusu ɔ ´nian aenguɛ ng'ɔ nin amún si'm be trali'n su, yɛ ɔ ´yo amun ye, afin ɔ tali be nda.

Mmla'n 7:13

Ɔ ´klo amun, ɔ ´yo amun ye, ɔ ´yo man amun ´nyan ninnge kpanngban. Ɔ ´man amun ba kpanngban yɛ amun ´trɛ, amun fie'm be su ninnge'm be ´yo ye, amun ´nyan ble, nin nzan, nin ngo kpanngban. Amun nannin mun, nin amun bua mun, nin amun boli mun be ´trɛ mɛn ng'ɔ tali amun nannan'm be nda kɛ ɔ ´fa man amun'n nun.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.

Mmla'n 8:1

Ndɛ nga n ´kan kle amun yɛ'n, amun `fa be kwlaa sie, amun `fa bé su nan amu'an ka nguan nun nan amu'an trɛ, nan amu'an ko fa mɛn nga Anannganman tali nda kɛ ɔ ´fa man amun nannan mun'n.

Mmla'n 9:5

Nán kɛ amun ti kpa annzɛ amun ti sɛsɛ ti yɛ amun su wa fa be mɛn nin-ɔn. Ɔ ti-man sɔ. Nvle sɔ'm be aeliɛ tɛtɛ'n ti yɛ Anannganman amun Nyanmiɛn'n ´fuan be amun nyrun-ɔn. I waan ɔ ´yo sɔ nan ɔ ´yia nda ng'ɔ tali amun nannan Abraam, nin Izaak, nin Zakɔb'n i nuan.

Hébreu 6:13

Kɛ Nyanmiɛn ´kan sa nga i waan ɔ ´yo man Abraam'n, ɔ tali nda. Kɛ ɔ wun-man sran nga i dan trɛ i nan ɔ'a tɛ i nda'n, ɔ tɛli i bɔbɔ wun nda.

Hébreu 6:14

Ɔ seli kɛ: «M man ɔ́ wun ´jɔ wɔ fɔuun, yɛ ɔ osu'n ´trɛ .»

Zozie 1:6

Jran kekle, yo yakpafuɛ, afin wɔ yɛ man nvle ng'ɔ wa nyan like nga m boli amun nannan'm be kasiɛ kɛ n ´fa man be nin-ɔn.

Jɔlɛ Difuɛ Mun 2:1

Anannganman i anz'n fɛli i Gilgal lɛ ɔ ɔli Bɔkim. Ɔ seli Izraɛlfuɛ'm be kɛ: «N fali amun Ezipt lɔ m bali, mɛn nga n kan kleli amún nannan mun kɛ n ´fa man amun'n nun. Yɛ n seli kɛ aenguɛ nga e nin amun trali'n, ɔ ´tran lɛ titi .