Mmla'n 1:7 - NYANMIƐN NDƐ'N 1998

⁷ Amun `jaso be wɔ siɛn'n. Amun `wɔ Amɔrfuɛ'm be lika'n b'ɔ ti oka-oka'm be nun lɔ. Kanaanfuɛ'm be lika nga be mantan-mantan lɛ'n, amun `wɔ lɔ. Be lika kpɛtɛkplɛɛ'm be nun o, be lika bɔ be ti oka-oka'm be nun o, be lika tɔnun'm be nun o, ngua lɔ lika'm be nun o, ɔ nin jenvie nuan lɔ lika'm be nun o, amun `wɔ lɔ. Amun `wɔ lele ju Liban lɔ, amun `ju Efrat nzue ba dan'n i nuan lɔ.

Mmla'n 1:7 Iomraidhean Croise

Bo Bolɛ 12:9

Abram tu trantrannin lele kpɛkuun ɔ mantannin Negɛb wun lɔ.

2 Samiɛl 8:3

David kwlali Rɛɔb i wa Adadezɛr b'ɔ ti Sɔba famiɛn'n nin i sonja mun. Kɛ ɔ ´yo sɔ'n, wuun Adadezɛr waan ɔ ko fa lika bɔ Efrat nzue ba'n wo nun'n ekun.

1 Be Nyoliɛ 18:3

David kwlali Adarezɛr b'ɔ ti Zɔba famiɛn'n Amat wun lɔ. Kɛ ɔ ´yo sɔ'n, wuun Adarezɛr ɔ'a bu akunndan kɛ ɔ ´ko fa lika nga Efrat nzue ba'n sin lɔ'n.

1 Be Nyoliɛ 27:29

Sitrai b'ɔ fin Sarɔn'n yɛ ɔ nian nannin nga be didi Sarɔn lɔ'n be su-ɔ. Adlai i wa Safat yɛ ɔ nian nannin nga be didi kongo'm be nun'n be su-ɔ.

1 Be Nyoliɛ 5:9

Wia afiliɛ lɔ'n, be lika'n to aawlɛ flɛnnɛn'n b'ɔ o be lika'n nin Efrat nzue'n be afiɛn'n, afin be ta nnɛn kpanngban Galaad mɛn'n nun.

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Amɔs 2:9

Sanngɛ wuun Amɔrfuɛ mun bɔ be tɛnndɛn'n ti kɛ sɛdri waka sa'n, bɔ be kekle'n ti kɛ sɛni waka sa'n, m bɔbɔ min m'an nunnun be m'an guɛ i ti nin bo m'an man amun.

Kalɛ 10:12

Izraɛlfuɛ'm be tuli bé bo Sinai aawlɛ flɛnnɛn'n nun lɛ kɛ Nyanmiɛn kleli be kɛ be yo'n sa. Sin wɛnsrɛn'n ko jrannin Paran aawlɛ flɛnnɛn'n nun lɔ.

Mmla'n 1:19

«I sin e jasoli Orɛb lɔ, e nantili aawlɛ flɛnnɛn dan sroesroe nga amun wunnin i lɛ'n nun, e fali Amɔrfuɛ'm be oka'n i wun lɔ atin'n kɛ Anannganman e Nyanmiɛn'n kan kleli ye'n sa. Yɛ e juli Kadɛs-Barnea lɔ-ɔ.

Mmla'n 11:11

Asiɛ nga amun su wa ko fɛ i yɛ'n, ɔ ti oka-oka lika nin kongo lika ngunmin, yɛ nzue tɔ su titi.

Mmla'n 11:24

Lika kwlaa bɔ amun ja tia lɛ'n, ɔ ti amun liɛ. Amun mɛn'n ´fɛ i aawlɛ flɛnnɛn b'ɔ o ngua lɔ'n nun lele fa ju nglo lɔ lika nun Liban lɔ. Kpɛkuun ɔ ´fɛ i wia afiliɛ lɔ nzue ba dan bɔ be flɛ Efrat'n i nuan lɔ lele ɔ fa ju wia atɔliɛ lɔ jenvie bɔ be flɛ i Mediterane'n i nuan.

Zozie 1:4

Amun lika'n ɔ ´fɛ i aawlɛ flɛnnɛn b'ɔ o ngua wa yɛ'n lele ´fa ju Liban b'ɔ o nglo lɔ lika'n nun'n i nun. Ɔ ´sin nzue ba dan bɔ be flɛ i Efrat i nuan wia afiliɛ lɔ ´fa sin Ɛtfuɛ'm be mɛn'n nun lele ´fa ju wia atɔliɛ lɔ jenvie dan, bɔ be flɛ i Mediterane'n i nuan. I kwlaa ng'ɔ o lɛ'n ti amun liɛ.

Zozie 10:40

Zozie fali mɛn'n i ngba. Ɔ kwlali famiɛn nga be o oka-oka lika'm be nun'n, nin be nga be o ngua lɔ lika'm be nun'n, nin be nga be o lika kpɛtɛkplɛɛ nun'n, ɔ nin be nga be o kpɔlɛ nga be o jenvie i nuan lɔ'n. Ɔ'a yaci-man sran fi lɛ, ɔ nunnunnin sran'm be ngba kɛ Anannganman b'ɔ ti Izraɛl Nyanmiɛn'n seli kɛ be yo'n sa .

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»

Zozie 9:1

Famiɛn nga be o Zurdɛn i bue ng'ɔ kpɛ wia atɔliɛ lɔ'n su'n: oka'n su lɔfuɛ mun o, be nga be tran lika kpɛtɛkplɛɛ'n nun mun o, be nga be o Mediterane jenvie nuan su lele fa ju Liban wun lɔ mun o, be kwlaa be tili Ai i nunnunlɛ ndɛ'n. I sɔ'n ti Ɛtfuɛ mun, nin Amɔrfuɛ, nin Kanaanfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be famiɛn'm

Sa nglô yile 9:14

ɔ seli anz sɔ'n bɔ awɛ'n wo i sa nun'n kɛ: «Nyannji anz nnan bɔ be cili be Efrat nzue ba dan'n i wun lɔ'n.»