Mmla'n 1:11 - NYANMIƐN NDƐ'N 1998

¹¹ Man Anannganman amun nannan'm be Nyanmiɛn'n yo nan amun ´trɛ tra nga su kpɛ akpi, nan ɔ `yo amun ye kɛ ɔ kan kleli amun'n sa.

Mmla'n 1:11 Iomraidhean Croise

Bo Bolɛ 15:5

Yɛ ɔ fɛ i fiteli nan ɔ'a se i kɛ: «Man ɔ nyin'n su nian nglo lɔ. Sɛ a kwla ka nzraama mun'n, ka be man n nian. Kɛ wɔ anunman'm be wa sɔn kpanngban sɔ-ɔ.»

Bo Bolɛ 22:17

i ti n ´yo man ɔ osu'n ɔ ´trɛ. I nunfuɛ'm be ´sɔn kɛ nyanmiɛn su nzraama mun sa annzɛ kɛ jenvie nuan aunnyan'n sa. Wɔ anunman'm be ´fa be kpɔfuɛ'm be klɔ mun .

Bo Bolɛ 26:4

N ´yo man ɔ osu nunfuɛ'm be ´sɔn kpanngban kɛ nglo lɔ nzraama mun sa. Kpɛkuun n ´fa lika nga kwlaa m ´man be. Be ti yɛ n ´yo asiɛ'n su nvle-nvle'm be kwlaa be ye-ɔ.

Bo Bolɛ 49:25

ɔ si i Nyanmiɛn b'ɔ suan ɔ́ bo'n, Nyanmiɛn b'ɔ kwla like kwlaa yo'n b'ɔ yo wɔ ye'n, man ɔ man wɔ nyanmiɛn su lɔ nzue ɔ nin asiɛ'n bo lɔ nzue'n wie. Man ɔ yo man ɔ nnɛn'm be wu ba nan wɔ akpasua su bla'm be wu ba.

2 Samiɛl 24:3

Zoab seli famiɛn'n kɛ: «N ´srɛ kɛ man Anannganman ɔ Nyanmiɛn'n yo man sran'm be sɔn tra nga su kpɛ ya, yɛ man ɔ yo ɔ bɔbɔ ɔ nyrun. ?Sanngɛ Nannan, ɔ yo sɛ ti yɛ ɔ waan be yo i sɔ like nin-ɔn?»

1 Be Nyoliɛ 21:3

Zoab seli famiɛn'n kɛ: «N ´srɛ kɛ man Anannganman yo man i sran'm be sɔn tra nga su kpɛ ya. ?Nannan, be kwlaa sɔ'm be ti-man ɔ sufuɛ? ?I kpa nin-ɔn, nannan, ɔ yo sɛ ti yɛ ɔ waan be yo i sɔ like liɛ nin-ɔn? ?Ɔ yo sɛ ti yɛ a fa Izraɛlfuɛ mun wla sa tɛ kɛ nga sa nun-ɔn?»

Jue Mun 115:14

Anannganman ɔ ´yo man amun osu'n nin amun mma'm be liɛ'm be ´trɛ.

Ezipt Lɔ Tulɛ'n 32:13

Man ɔ́ wla kpɛn ɔ sufuɛ Abraam, nin Izaak, nin Zakɔb be su. A tali nda, a seli be kɛ: ‹N wa yo man amun osu'n wa trɛ kɛ nzraama nga be o nglo'n sa. Mɛn nga n seli kɛ n ´fa man amun osufuɛ mun'n, n ´fa man be, yɛ be ´tran nun tititi.› »

Ezekiɛl 16:7

N yoli wɔ man a nyinnin kɛ bo nun waka wie sa, yɛ a yoli kpa. A yoli kpɛnngbɛn, a yoli klanman kpa, kpɛkuun a nyannin nyɔnflɛn, ɔ́ wun ndrɛ'm be fili, sanngɛ wuun ɔ́ wun tɛ yo kplɛn, a kla-man like fi.

Kalɛ 22:12

Nyanmiɛn seli Balaam kɛ: «Nán a nin be wɔ. Nán bo nvle sɔ'n i sannzan afin m'an dun mmua m'an yo i nunfuɛ'm be ye.»

Kalɛ 6:27

Sɛ min nyrun jranfuɛ'm be fa min dunman'n sie Izraɛlfuɛ'm be su kɛ nga sa'n, yɛ n wa yo be wun sa ye-ɔ.»

Mmla'n 1:10

Anannganman amun Nyanmiɛn'n ɔ'a yo man amu'an trɛ, amu'an sɔn kɛ nglo lɔ nzraama'm be sa.

Mmla'n 1:12

N kunngba n kwla suan-man amun afiɛn ndɛ'm be siesielɛ'n i bo. N kunngba n kwla suan-man like nga amun waan be `yo man amun'n nin amun utre-utre'm be bo.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 10:22

Kɛ amun nannan'm be ´kɔ Ezipt mɛn'n nun lɔ'n, be ti sran ableso. Yɛ Anannganman Nyanmiɛn'n ɔ'a yo man amu'an sɔn kɛ nyanmiɛn su lɔ nzraama'm be sa yɛ.

Mmla'n 28:62

Amun kpanngban bɔ amun ti kɛ nyanmiɛn su lɔ nzraama'm be sa'n, amun wa ka kaan sa Anannganman amun Nyanmiɛn'n i aniɛn bɔ amu'an ti-man'n ti.