Mmla'n 1:10 - NYANMIƐN NDƐ'N 1998

¹⁰ Anannganman amun Nyanmiɛn'n ɔ'a yo man amu'an trɛ, amu'an sɔn kɛ nglo lɔ nzraama'm be sa.

Mmla'n 1:10 Iomraidhean Croise

Bo Bolɛ 15:5

Yɛ ɔ fɛ i fiteli nan ɔ'a se i kɛ: «Man ɔ nyin'n su nian nglo lɔ. Sɛ a kwla ka nzraama mun'n, ka be man n nian. Kɛ wɔ anunman'm be wa sɔn kpanngban sɔ-ɔ.»

Bo Bolɛ 22:17

i ti n ´yo man ɔ osu'n ɔ ´trɛ. I nunfuɛ'm be ´sɔn kɛ nyanmiɛn su nzraama mun sa annzɛ kɛ jenvie nuan aunnyan'n sa. Wɔ anunman'm be ´fa be kpɔfuɛ'm be klɔ mun .

Bo Bolɛ 28:14

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

1 Be Nyoliɛ 27:23

David ɔ'a ka-man gbanflɛn nga b'a di afuɛ ablaɔn nin nga be nian di-man afuɛ ablaɔn mun, afin Anannganman kɛnnin i kɛ ɔ ´yo man Izraɛlfuɛ'm be ´sɔn kɛ nglo lɔ nzraama mun sa.

Neemi 9:23

Yɛ a mannin be osu kpanngban kpa kɛ nyanmiɛn su lɔ nzraama mun sa. Yɛ a fali be wluli mɛn nga a seli bé nannan'm be kɛ ɔ ´yo be liɛ'n nun.

Jue Mun 107:38

Nyanmiɛn yo be ye, be wu ba kpanngban kpa, bé sa nun nnɛn'm be trɛ.

Ezipt Lɔ Tulɛ'n 12:37

Izraɛlfuɛ'm be tuli bé bo Ramsɛs klɔ'n su lɛ be nanti ɔli Sikɔt. Be yasua'm be ngunmin'n, sɛ b'a ka-man bla nin ba kanngan, ɔ nin oke mun'n, be kwla ju sran kɔe akpi-akpi ya nsiɛn (600.000).

Ezipt Lɔ Tulɛ'n 32:13

Man ɔ́ wla kpɛn ɔ sufuɛ Abraam, nin Izaak, nin Zakɔb be su. A tali nda, a seli be kɛ: ‹N wa yo man amun osu'n wa trɛ kɛ nzraama nga be o nglo'n sa. Mɛn nga n seli kɛ n ´fa man amun osufuɛ mun'n, n ´fa man be, yɛ be ´tran nun tititi.› »

Ezai 51:2

Amun `nian Abraam b'ɔ ti amún si'n nin Sara b'ɔ wuli amun'n. Afin kɛ n ´flɛ Abraam'n, wuun ɔ lɛ-man ba. N yoli i ye, yɛ n yoli man i osu'n ɔ trɛli.

Ezekiɛl 16:7

N yoli wɔ man a nyinnin kɛ bo nun waka wie sa, yɛ a yoli kpa. A yoli kpɛnngbɛn, a yoli klanman kpa, kpɛkuun a nyannin nyɔnflɛn, ɔ́ wun ndrɛ'm be fili, sanngɛ wuun ɔ́ wun tɛ yo kplɛn, a kla-man like fi.

Kalɛ 1:46

be ti sran akpi-akpi ya nsiɛn sran akpi nsan sran ya nnun sran ablenun. (603.550)

Kalɛ 10:36

Yɛ kɛ be taka alaka'n i ase'n, ɔ seli kɛ: «Anannganman, bla wa tran Izraɛl awlobo kpanngban nga'm be afiɛn.»

Mmla'n 1:11

Man Anannganman amun nannan'm be Nyanmiɛn'n yo nan amun ´trɛ tra nga su kpɛ akpi, nan ɔ `yo amun ye kɛ ɔ kan kleli amun'n sa.

Mmla'n 10:22

Kɛ amun nannan'm be ´kɔ Ezipt mɛn'n nun lɔ'n, be ti sran ableso. Yɛ Anannganman Nyanmiɛn'n ɔ'a yo man amu'an sɔn kɛ nyanmiɛn su lɔ nzraama'm be sa yɛ.

Mmla'n 26:5

Kpɛkuun man sran'n ɔ jran Anannganman amun Nyanmiɛn'n i nyrun lɛ, nan ɔ `se kɛ: «Min nannan'n ɔ ti Aramfuɛ, ɔ wlan-wlannin lika'm be nun, ɔ tu tran wa, ɔ tu tran wa. Ɔ wa ɔli Ezipt mɛn'n nun lɔ ɔ nin i sran mun. Kɛ be ´kɔ'n, be ti sran ba nnyɔn kun cɛ, b'a sɔn-man. Be ko trannin lɔ, be trɛli, be yoli nvle dan kun b'ɔ lɛ wunmiɛn.

Mmla'n 28:62

Amun kpanngban bɔ amun ti kɛ nyanmiɛn su lɔ nzraama'm be sa'n, amun wa ka kaan sa Anannganman amun Nyanmiɛn'n i aniɛn bɔ amu'an ti-man'n ti.

Mmla'n 7:7

Nán kɛ amun sɔnnin tra nvle'm be kwlakwla ti yɛ Anannganman fali amun mɛntɛnnin i wun-ɔn. I kpa'n bɔ amun yɛ amun ti nvle'm be nun kaan nin-ɔn.