Matthieu 9:35 - NYANMIƐN NDƐ'N 1998

³⁵ Jésus wlan-wlan klɔ dandan nin klɔ kanngan'm be kwlaa be su, ɔ kle be like be Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn sielɛ'n i jasin fɛ'n kle be, yɛ ɔ wie be tukpacɛ nin be wunnɛn ya'n kwlaa.

Nyanmien nde Ufle

³⁵ Jésus wlanwlan klo dandan nin klo kanngan'm bé su, o klé bé liké bé Nyanmien sua'm bé nun, o kan Nyanmien siéle'n i dyasin fe'n klé bé, ye o wié bé tukpatye nin bé wunnen ya'n kwlaa.

Matthieu 9:35 Iomraidhean Croise

Matthieu 10:1

I sin Jésus flɛli i sɔnnzɔnfuɛ blu-nin-nnyɔn'n, ɔ mannin be atin kɛ be fuan asiɛ usu b'ɔ saci sran'n, yɛ be yo be kwlaa nga be ti tukpacɛfuɛ'n nin be kwlaa nga be wunnɛn yo be ya'n be juejue.

Matthieu 11:1

Kɛ Jésus nin i sɔnnzɔnfuɛ blu-nin-nnyɔn'm be dili ngaliɛ sɔ'n wieli'n, ɔ tu i bo lɛ ɔli be klɔ'm be su like klelɛ nin ndɛ kanlɛ.

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Marc 1:14

Kɛ be wlali Zan bisua'n, i sin Jésus ɔli Galile mɛn'n nun. Ɔ kan Nyanmiɛn i jasin fɛ'n,

Marc 6:56

Lika kwlaa ng'ɔ kɔ'n, klɔ kaan o, klɔ dan o, nanmue'm be nun o, be fa tukpacɛfuɛ mun be gua be gua'n su, be srɛ i kpa kɛ man be kɛn i tralɛ'n i nuan njɔlɛ'n kunngba cɛ. Be kwlaa nga be kɛn i'n be yo juejue.

Marc 6:6

I su bɔ be lafi-man'n ɔ bo i nuan kpa. Jésus ɔli klɔ bɔ be mantan lɛ'n be su sran'm be like klelɛ.

JÉSUS-CHRIST I DYASIN FE'N BO LUC KLELI'N 13:22

Kɛ Jésus ´kɔ Zerizalɛm'n, ɔ sin klɔ dandan mun nin klɔ kanngan'm be su ɔ kle sran'm be like.

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Sa nga bé yôli'n 2:22

Izraɛlfuɛ mun, an `tie ndɛ nga kpa! Amun bɔbɔ an si kɛ Jésus b'ɔ fin Nazarɛt'n ɔ ti sran kun bɔ Nyanmiɛn man ɔ yoli sa kekleekle mun nin abonuan sa mun, yɛ ɔ yili atrɛ amun nyrun wa b'ɔ kle kɛ Nyanmiɛn jin i sin.