Matthieu 8:26 - NYANMIƐN NDƐ'N 1998

²⁶ Ɔ usali be kɛ: «?Nguɛ ti yɛ srɛ kun amun-ɔn? ?An lafi-man Nyanmiɛn su ti-ɔ?» Ɔ jasoli, ɔ ijɔli aunngban'n nin nzue'n, nan b'a jran diin.

Nyanmien nde Ufle

²⁶ O usaa bé ke: ?Nzu ti ye sre kun amuon? ?An lafi'a n su tio? O dyaôli, o idyoli aunngban'n nin nzué'n, nan ba dyran diin.

Matthieu 8:26 Iomraidhean Croise

Jue Mun 65:7

Ɔ fanngan nun yɛ man oka'm be taka lɛ-ɔ. A lɛ tinmin dan.

Jue Mun 89:9

?Anannganman, wɔ bɔ a ti Nyanmiɛn bɔ a sie mɛn wunmuan'n, wan cɛ yɛ ɔ kwla kɛ wɔ sa-a? A ti nanwlɛfuɛ tititi sa kwlaa nun.

Ezai 63:12

Ɔ fɛli i sa b'ɔ yo nyɛnmɛn'n ɔ suannin Moiz i sa fama'n i bo. Ɔ kpacili nzue'n nun be nyrun, ɔ man ɔ nyannin dunman b'ɔ nunnun-man'n.

Naɔm 1:4

Kɛ ɔ kpan jenvie'n su'n, kpɛkuun jenvie'n ɔ'a wie nun. Ɔ yo man nzue ba dandan'm be wie nun, kpɛkuun Bazan nin Karmɛl lɔ nnya nin ijre'm be glɔ, yɛ Liban lɔ waka nnyrɛ'm be glɔ wie.

Abakik 3:8

?Nzue ba dandan'm be yɛ be kun wɔ ya-a, Anannganman? ?Nzue ba dandan mun-ɔn? ?Jenvie'n wun yɛ a fa ya dan nga-a? A fu nyanmiɛn ble'n su kɛ kakaklolo bɔ i nnɛn kpanngɔ'm be su fɛ i kɔ alɛ kunlɛ nan ɔ nyan kwlalɛ'n sa.

Matthieu 16:8

Kɛ Jésus tili'n, ɔ seli kɛ: «?An lafi-man Nyanmiɛn su? ?Nguɛ ti yɛ kpaun bɔ amu'an fa-man'n ti an ijɔ-ɔ?

Matthieu 17:20

Jésus seli be kɛ: «Nyanmiɛn su bɔ an lafi-man'n ti-ɔ. Nanwlɛ, sɛ an lafi Nyanmiɛn su bɔ kaan b'ɔ ju kɛ mutard mma sa'n, an kwla se oka ng'ɔ o yɛ'n kɛ: ‹Tu ɔ bo wa kɔ le sa.› Ɔ ´tu i bo, yɛ sa fi nun-man lɛ bɔ an su kwlɛ-mɛn i yo-ɔ. [

Matthieu 6:30

?Sɛ Nyanmiɛn yo ijre'n bɔ ndɛ ɔ o blo lɔ bɔ ainman be ´guɛ i sin nun'n i klanman kɛ nga sa'n, ɔ su kata-man amún wun sɔ kpɛ blu? ?An lafi-man Nyanmiɛn su?

Matthieu 8:27

Bé nuan boli bé wun, nan b'a usa be wiengu kɛ: «?Nzu sran yɛlɛ nga bɔ aunngban'n nin nzue'n bɔbɔ be sro i sɔ-ɔ?»

JÉSUS-CHRIST I DYASIN FE'N BO LUC KLELI'N 4:35

Jésus ijɔli i, ɔ seli i kɛ: «Muan ɔ nuan lɛ, jao bian nga su.» Asiɛ usu'n tɛli bian sɔ'n i ase nzra'n nun lɛ, ɔ jaoli i su ɔ'a yo-mɛn i like fi.

Rɔmfuɛ Mun 4:20

Kɛ ɔ buli like nga Nyanmiɛn seli i kɛ ɔ ´yo'n i akunndan'n, i akunndan'n ɔ'a yo-man nnyɔn-nnyɔn, sanngɛ ɔ jrannin kekle Nyanmiɛn su b'ɔ lafi'n ti, yɛ ɔ mɛnmɛnnin i.

Sa nglô yile 10:2

Be nyannjili fluwa kaan kun nun, ɔ wo i sa nun. Ɔ tɛkɛ i ja fama'n jenvie'n su, yɛ ɔ taka bɛ'n asiɛ'n wun.