Matthieu 8:16 - NYANMIƐN NDƐ'N 1998

¹⁶ Kɛ aliɛ jɔli'n, be fa sran sunman bɔ asiɛ usu ɔ'a saci be'n blɛli Jésus. Kɛ ɔ ijɔli asiɛ usu sɔ mun'n, be jasoli sran'm be su, yɛ ɔ yoli tukpacɛfuɛ'm be kwlaa be juejue.

Nyanmien nde Ufle

¹⁶ Ke alie dyoli'n, bé fa swran sunman bo asie usu a satyi bé'n blee Jésus. Ke o idyoli asie usu so mun'n, bé dyaô swran'm bé su, ye o yôô tukpatyefue'n kwlaa bé dyuédyué.

Matthieu 8:16 Iomraidhean Croise

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Matthieu 12:22

Yɛ be fali sran kun bɔ asiɛ usu ɔ'a saci i b'ɔ ti anyansifuɛ nin bobofuɛ'n blɛli Jésus, ɔ yoli i juejue, ɔ man bobofuɛ'n ijɔli, yɛ ɔ wunnin ase.

Matthieu 14:14

Kɛ ɔ fin alie'n nun fiteli'n, ɔ wunnin sran kpanngban, be yoli i annvɔ, nan ɔ'a yo tukpacɛfuɛ'm bɔ be o nun'n be juejue.

Matthieu 8:15

Ɔ utili i sa'n, yɛ ayrɛ'n tuli i wun-ɔn. Ɔ jasoli, nan ɔ'a kunndɛ like diwa a mɛn i.

Matthieu 8:33

Be nga be kankan be'n be wanndi ɔli klɔ lɔ be ko kannin sa nga Jésus yoli kɔkɔti mun'n i kwlaa nin sa ng'ɔ yoli sran bɔ asiɛ usu'm be sacili be'n kleli be.

Matthieu 9:2

Be sua bubuwafuɛ kun tɛ nun blɛli i. Kɛ Jésus wunnin kɛ be lafi i su'n, ɔ seli bubuwafuɛ'n kɛ: «N wa, gua ɔ́ wla ase, sa nga a yoli Nyanmiɛn'n ɔ'a yaci a cɛ wɔ.»

Marc 2:3

Be fali bubuwafuɛ kun bɔ sran nnan be suɛ i'n be blɛli i.

Marc 5:8

Afin Jésus dun mmua seli i kɛ: «Asiɛ usu bɔ a saci sran'n, tu bian nga su.»

Marc 9:25

Kɛ Jésus wunnin sran'm bɔ be wanndi ba'n, ɔ ijɔli asiɛ usu'n, ɔ seli i kɛ: «Asiɛ usu bɔ a yo man sran yo bobofuɛ nin sutrefuɛ'n, jao ba nga su, nán tɔ i su kun.»

JÉSUS-CHRIST I DYASIN FE'N BO LUC KLELI'N 13:12

Kɛ Jésus wunnin bla sɔ'n, ɔ flɛli i, yɛ ɔ seli i kɛ: «Mmo, ɔ tukpacɛ'n ɔ'a wie, w'a nyan ɔ ti,» yɛ ɔ fɛ i sa fuɛli i su-ɔ.

JÉSUS-CHRIST I DYASIN FE'N BO LUC KLELI'N 4:40

Kɛ wia'n tɔli'n, be kwlaa nga be lɛ tukpacɛfuɛ bɔ be tukpacɛ'n ti fanunfanun'n, be fa be blɛli Jésus. Ɔ fɛ i sa fuali be kwlakwlakwla be su, ɔ yoli be juejue.

JÉSUS-CHRIST I DYASIN FE'N BO LUC KLELI'N 4:41

Asiɛ usu'm be kusu be jaoli sran kpanngban bé su. Be ´jao bé su sɔ'n, wuun be kpan kekle kɛ: «A ti Nyanmiɛn Wa.» Sanngɛ Jésus ijɔli be, ɔ seli be kɛ nán man be ijɔ, afin be si kɛ ɔ ti Krist.

Sa nga bé yôli'n 5:15

Abonuan sa'm bɔ be yo be'n ti, sran'm be fa tukpacɛfuɛ mun be wa sie be tɛ'm be nun nin bɛ'm be su atin nuan lɛ, nan sɛ Piɛr ´sin lɛ'n i wawɛ'n gua wie'm be su.