Matthieu 7:7 - NYANMIƐN NDƐ'N 1998

⁷ «An `srɛ, be ´fa man amun, an `kunndɛ, amun ´nyɛn, an `bobo, be ´tike amun anuan.

Nyanmien nde Ufle

⁷ Anh sre, béh fah man amun, anh kunnde, amunh nyenh, anh bôbô, béh tikéh amun anuan.

Matthieu 7:7 Iomraidhean Croise

Bo Bolɛ 26:32

Le kunngba sɔ nun'n, Izaak i sran'm be wa kannin gbo wie bɔ be su kpɛ'n i nun jasin'n kleli i. Be waan: «Y'a tɔ nzue nun.»

1 Famiɛn Mun 3:5

Kɛ Salomɔn o Gabaɔn lɛ'n, kɔnguɛ Anannganman fɛli i wun kleli i laliɛ nun. Nyanmiɛn seli i kɛ: «Like nga a klo kɛ n fa m man wɔ'n, usa min.»

Jue Mun 10:17

Anannganman, like nga nyrɛnnɛnfuɛ'm be kunndɛ'n, a si, a wla be fanngan, a sie ɔ́ su tie be ndɛ mun.

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 119:12

Anannganman, mo o! Kle min ɔ klun sa'n!

Jue Mun 27:8

Ndɛ nga a kannin'n, m bu i akunndan kpa. A seli kɛ: «Amun `fa amun wun mantan min!» N kusu nanwlɛ, ee Anannganman, n fa min wun mantan wɔ o!

Jue Mun 34:4

Amun `uka min man e manman Anannganman. Amun man é bo yo kun nan e yi i ayɛ.

Jue Mun 37:4

Fa Anannganman yo wɔ anwlɛn su like, yɛ like kwlaa nga ɔ́ nyin o i sin'n, ɔ ´fa man wɔ.

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Jue Mun 69:32

Anannganman, a klo i sɔ'n tra kɛ m'an kun nannin m'an man wɔ'n. A klo i sɔ'n tra nannin tola b'ɔ lɛ wunmiɛn kpa'n bɔ be kun i be man wɔ'n.

Jue Mun 70:4

Man be bɔ srilɛ'n yɛ be sri min'n, be fa be nyrun nyannzuɛn'n be wɔ.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Nyanndra Mun 8:17

Be nga be klo min'n, n kusu n klo be. Be nga be kunndɛ min'n, be wun min .

Ngɔjue Fɛfɛ Kpa'n 3:2

Yɛ n waan n wa jaso m bo sin yia klɔ'n, min waan n ´sin akpɔ'm bé su kan sran'm be yia lɛ'n, min waan n ´ko kunndɛ n sran bɔ n klo i'n. Kɛ n kunndɛli i lele'n, m'an wun-mɛn i.

Ezai 30:19

Siɔnfuɛ mun, amun bɔ amun tran Zerizalɛm, amun su sun-man mlɔnmlɔn kun le. Sɛ amun kpan flɛ Anannganman'n, ɔ ´si amun aunnvuɛ. Sɛ ɔ ti amun ngan'n, ɔ ´ka lɛ tɛ amun su.

Zeremi 33:3

«Flɛ min, yɛ n ´tɛ wɔ su. M ´bo sa dandan kpa'm be su n ´kle wɔ. Sa nga a si-man be'n, m ´bo be su n ´kle wɔ.

Amɔs 5:4

Ndɛ nga Anannganman kan kle Izraɛlfuɛ mun'n yɛ: «Sɛ amun ´wun kɛ amun ´ka nguan nun'n, wuun amu'an mantan min .

Matthieu 18:19

N ´kan kle amun ekun kɛ, like kwlaa nga sɛ amun nun sran nnyɔn bé bo yo kun asiɛ'n su wa be srɛ'n, min Si b'ɔ o nyanmiɛn su lɔ'n, ɔ ´fɛ i sɔ like'n man be.

Matthieu 21:22

Like kwlaa nga an kan kle Nyanmiɛn kɛ ɔ yo bɔ an lafi i su kɛ ɔ ´yo'n, ɔ ´yo man amun.»

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

Matthieu 7:11

Sɛ amun bɔ an ti sran tɛ'n, an fa like kpa cɛ amun mma mun'n, amun Si b'ɔ o nyanmiɛn su lɔ'n i kusu ɔ ´fa like kpa man be nga be srɛ i'n kpɛ blu.

Matthieu 7:8

Afin sran kwlaa ng'ɔ srɛ like'n, be mɛn i, sran ng'ɔ kunndɛ like'n, ɔ nyɛn i, yɛ sran ng'ɔ bobo anuan'n, be tike.

Marc 11:24

I sɔ'n ti'n, n ´kan kle amun kɛ like kwlaa nga an srɛ'n, an `lafi su kɛ amu'an nyɛn i, ɔ wa fa man amun.

JÉSUS-CHRIST I DYASIN FE'N BO LUC KLELI'N 13:25

Kɛ awlo bo kpɛn'n ko to anuan nun'n, amun bɔ an ka gua su lɔ'n, amun ´bobo anuan'n amun ´se kɛ: ‹Nja, tike ye anuan!› Yɛ ɔ ´se amun kɛ: ‹N si-man amun finwlɛ.›

JÉSUS-CHRIST I DYASIN FE'N BO LUC KLELI'N 18:1

Jésus buli nyanndra kun kleli be kɛ ɔ ´yo nan b'a srɛ Nyanmiɛn titi, nán b'a yaci-man'n ti.

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 3:11

Be nun kun sa fɛ-mɛn i wun mantan-man Nyanmiɛn.

Hébreu 11:6

Afin sɛ be lafi-mɛn i su'n, i klun jɔ-man be wun mlɔnmlɔn. Ɔ man sran nga i waan ɔ ´fɛ i wun mantan Nyanmiɛn'n, man ɔ lafi su kɛ ɔ o lɛ, yɛ be nga be kunndɛ i'n, ɔ ´yi i wun kle be.

Jacques 5:15

Nyanmiɛn su bɔ be lafi'n ti'n, Nyanmiɛn srɛlɛ sɔ'n man tukpacɛfuɛ sɔ'n ´nyɛn i ti, yɛ e Min'n man ɔ ´jaso. Yɛ sɛ ɔ yoli sa wie'n, ɔ ´yaci cɛ i.

1 Jean 3:22

Like kwlaa nga e srɛ i'n, ɔ ´fa man e yɛlɛ kɛ e fɛ i ndɛ'n su, yɛ e yo sa ng'ɔ jɔ i klun'n.