Matthieu 7:6 - NYANMIƐN NDƐ'N 1998

⁶ Nán an fa ninnge ng'ɔ ti Nyanmiɛn liɛ'n man alua mun, yɛ nán an fa amun nɛnnglɛnman'n gua kɔkɔti'm be bo man be tiatia be su nan be kpɛ bé nyin amún su be tɔ amún su.»

Nyanmien nde Ufle

⁶ Nanh an fa ninngé ng'o ti Nyanmien lie'n man alua mun, ye nanh an fa amun nennglenman'n gua kokoti'm bé bô, man bé tiatia bé su, bé kpe bé nyin amun su, bé to amun su.

Matthieu 7:6 Iomraidhean Croise

Nyanndra Mun 11:22

Bla klanman b'ɔ si-man ngwlɛlɛ'n, ɔ ti kɛ sika ɔkwlɛ nga yɛ b'a fa wla kɔkɔti'n i bue nun sa.

Nyanndra Mun 23:9

Sran ng'ɔ wun-man sa wlɛ'n, nán tu i aswre. Afin ɔ su si-man kɛ ndɛ kpa yɛ a ´kan kle i lɛ-ɔ.

Nyanndra Mun 26:11

Kɛ alua'n kpu gua b'ɔ sɛ i sin di i ekun'n, kɛ sinnglinfuɛ'n kusu ti sɔ-ɔ. I sinnzin sa ng'ɔ yo be'n, ɔ flan be nun yo i ekun.

Nyanndra Mun 26:4

Sɛ sinnglinfuɛ tu alakun'n, nán tu wie su i su. Ɔ cɛ-man nan b'a bu wɔ sinnglinfuɛ wie.

Matthieu 15:26

Yɛ ɔ seli i kɛ: «Kɛ be ´fa ba kanngan'm be kpaun'n gua alua'm be bo'n, ɔ ti-mɛn i su»

Matthieu 24:10

Ɔ man sran sunman bé ti nun ɔ ´saci, be ´fa be wiengu wlɛ sran'm bé sa nun, be ´kpɔ be wiengu.

Matthieu 7:5

Dunman klofuɛ, yi janvlɛ'n b'ɔ o ɔ́ nyin su'n ka, nan w'a wun ase a yi ɔ niaan'n i nyin su wla'n.

2 Korɛntfuɛ Mun 11:26

Kɛ n ´wlan titi'n, like nga ti yɛ n se kɛ n jrannin wie'n i nuan'n yɛ: akpɛliɛ tɛtɛ'm bɔ n kpɛli be'n, nin kodiawiefuɛ'm bɔ n tɔli be nun'n, nin sa nga Zuif mun nin Grɛk mun, ɔ nin be bɔ be tɔn bé wun suɛn kɛ be ti e niaan'n be yoli min'n. Sɛ klɔ su o, sɛ bo nun o, sɛ jenvie'n su o, n jrannin wie'n i nuan.

Filipfuɛ Mun 3:2

An `sasa amún wun be bɔ be ti kɛ alua sa bɔ be yo sa tɛtɛ'n, bɔ be wla klɛn bé kplo'n su ngbɛn'n be lika.

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

Hébreu 6:6

ɔ nin i sɔ'n ngba sɛ ɔ yaci atin'n, be kwla yo-man man ɔ sɛ-mɛn i sin kaci-mɛn i nzuɛn'n kun. Afin sɛ ɔ ko yaci atin'n, wuun i kusu su bobo Nyanmiɛn Wa'n waka'n su ekun, ɔ guɛ i nyin ase nzra nun.

2 Piɛr 2:22

Sa nga be yoli'n, ɔ man nyanndra nga be bu se kɛ: «Alua'n ɔ'a sɛ i sin a ko di like ng'ɔ kpuli'n.», yɛ: «Kɔkɔti'n bɔ be wunnzinnin i'n ɔ'a sɛ i sin a ko bo i nnɔtiɛ'n ekun'n .», ɔ ti nanwlɛ.

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.