Matthieu 7:29 - NYANMIƐN NDƐ'N 1998

²⁹ afin fɔ wafa ng'ɔ fa tu be'n nin be mmla klefuɛ'm be liɛ'n ti-man kun, yɛlɛ kɛ i liɛ'n kle kɛ ɔ lɛ sin jranfuɛ.

Nyanmien nde Ufle

²⁹ afin fo wafa ng'o fa tu bé'n nin bé mmla kléfue'm bé lie'n ti'a kun, yele ke i le'n klé ke o le sin dyranfue.

Matthieu 7:29 Iomraidhean Croise

Akunndanfuɛ'n 8:4

Famiɛn'n i nuan nun ndɛ'n yɛ ɔ ti ndɛ kwlaa i atabo nin-ɔn. ?Wan yɛ ɔ kwla se i kɛ: «Nguɛ yɛlɛ nga a ´yo i lɛ nin-ɔn?»

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Mise 3:8

Sanngɛ min liɛ'n, n lɛ wunmiɛn kpa. Anannganman i Wawɛ'n i fanngan nun ti srɛ kun-man min nanwlɛ dilɛ'n nun. Sa tɛ nga Zakɔb i osu nunfuɛ'm be yo'n, sa tɛ nga Izraɛlfuɛ'm be yo'n, n ´kan kle be weiin.

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Matthieu 5:20

Afin n ´kan kle amun kɛ, sɛ amun nzuɛn'n ɔ'a yo-man kpa a tra-man mmla klefuɛ nin Farizifuɛ'm be liɛ'n, Nyanmiɛn su sie-man amun mlɔnmlɔn!

Matthieu 5:28

Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

Matthieu 5:32

Sanngɛ n liɛ'n, n ´kan kle amun kɛ, sran kwlaa ng'ɔ yrɛ i yi'n sɛ nán bian kunndɛlɛ ti'n, ɔ man bla sɔ'n ɔ ´yo bla b'ɔ kunndɛ bian i wun bo, yɛ sran ng'ɔ ja bla bɔ b'a yrɛ i'n, wuun ɔ'a kunndɛ sran yi .»

Matthieu 5:44

Sanngɛ n liɛ'n, n ´kan kle amun kɛ, an `klo amun kpɔfuɛ mun, yɛ be nga be wua amun amuɛn'n, an `yra be nguan. Be nga be kpɔ amun'n, an `yo be kpa, yɛ be nga be yo amun tɛtɛ bɔ be kle amun yalɛ'n, an `srɛ Nyanmiɛn kɛ ɔ yo be kpa .

Matthieu 7:28

Kɛ Jésus kan ndɛ sɔ'n kleli sran mun wieli'n, fɔ sɔ'n b'ɔ tuli be'n ɔ boli bé nuan,

Matthieu 8:1

Kɛ Jésus fin oka'n su lɔ jrali'n, sran kpanngban kpa be suli i su.

JÉSUS-CHRIST I DYASIN FE'N BO LUC KLELI'N 20:8

Yɛ Jésus seli be kɛ: «N kusu n su kle-man amun sran ng'ɔ mannin min atin bɔ n yo sa sɔ'n.»

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

Sa nga bé yôli'n 6:10

sanngɛ be kwla kpalo-mɛn i ndɛ'n, afin Nyanmiɛn Wawɛ'n yɛ ɔ mɛn i ngwlɛlɛ b'ɔ fa ijɔ nin-ɔn.