Matthieu 7:22 - NYANMIƐN NDƐ'N 1998

²² Jɔlɛ dilɛ cɛn nun'n, sran kpanngban kpa be wa usa n kɛ: ‹?Nannan, Nannan, ɔ dunman nun y'a kan-man Nyanmiɛn ndɛ? ?Ɔ dunman nun y'a fuan-man asiɛ usu? ?Yɛ ɔ dunman nun y'a yo-man sa kekleekle mun?›

Nyanmien nde Ufle

²² Tyen so'n nun swran kpanngban kpa bé wa usa n ke: ?Nannan, Nannan, o dunman nun ya ka'an Nyanmien nde? ?O dunman nun ya fua'an asie usu? ?Ye o dunman nun ya yô'a sa kéklééklé mun?

Matthieu 7:22 Iomraidhean Croise

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Kalɛ 24:4

Min bɔ Nyanmiɛn kɛn i nuan su ndɛ mun kle min'n, bɔ kpɛkuun n kwla wun nvialiɛ nun sa mun'n, afin kɛ n su i'n, ɔ yi i wun nglo kle min, ndɛ nga n kan'n yɛ ɔ o yɛ:

Kalɛ 31:8

Be kunnin Madian lɔ famiɛn nnun'n mun. Be dunman mun yɛ: Evi, Rekɛm, Zir, Ir, yɛ Reba. Be kunnin Bɛɔr i wa Balaam wie .

Matthieu 10:15

Nanwlɛ, jɔlɛ dilɛ cɛn'n nun'n, Sodɔmfuɛ mun nin Gomɔrfuɛ'm be nyrɛnnɛn liɛ'n ɔ ´yo sɔsɔ tra klɔ sɔ'm be liɛ'n.»

Matthieu 24:36

«Cɛn sɔ'n nin i dɔ'n, sran fi si-mɛn i, san min Si kunngba cɛ yɛ ɔ si i-ɔ. M bɔ n ti i Wa'n bɔbɔ n si-mɛn i, yɛ nyanmiɛn su lɔ anz'm be kusu be si-mɛn i.

Matthieu 25:11

Kɛ ɔ cɛ lɔuun kan'n yɛ talua nga'm be bali-ɔ, be seli kɛ: ‹Nja, Nja tike ye anuan!›

Matthieu 7:21

«Nán sran'm be kwlaa bɔ be flɛ min be Min'n be ngba yɛ Nyanmiɛn ´sie be sakpa-a, san sran ng'ɔ yo min Si b'ɔ o nyanmiɛn su lɔ'n i klun sa'n, i yɛ ɔ ´sie be sakpa-a.

JÉSUS-CHRIST I DYASIN FE'N BO LUC KLELI'N 10:12

Nanwlɛ, jɔlɛ dilɛ cɛn'n nun, Sodɔm i nyrɛnnɛn liɛ'n, ɔ ´yo sɔsɔ tra klɔ sɔ'n i liɛ'n .»

Jean 11:51

Nán kɛ i bɔbɔ yɛ ɔ kpɛli i ti nun kannin-ɔn, sanngɛ kɛ i yɛ afuɛ sɔ'n nun ɔ ti Nyanmiɛn nyrun jranfuɛ'm be su kpɛn'n, yɛ man Nyanmiɛn fa wlɛli i nuan kɛ ɔ ´se kɛ san Jésus ´wu man nvle'n .

1 Tɛsalonikfuɛ Mun 5:4

Sanngɛ amun liɛ'n, aniaan mun, an ti-man kɛ sran b'ɔ o aosin nun'n sa, i sɔ'n ti, nán man cɛn sɔ'n fu amun nun kɛ awiefuɛ'n fu sran nun'n sa.

2 Tɛsalonikfuɛ Mun 1:10

Kɛ ɔ ´ba bɔ be nga be ti i liɛ'm be ´mɛnmɛn i'n b'ɔ be nga be ko lafi i su'n be yi i ayɛ'n, amun nga an lafili ndɛ nga e kannin'n su'n, amun ´tran be nun wie. Cɛn sɔ'n nun yɛ ɔ ´tu be fɔ sɔ nin-ɔn.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 1:18

Man e Min'n wun i aunnvuɛ e Min'n i wun lɔ jɔlɛ dilɛ cɛn sɔ'n nun, afin a si n lika ng'ɔ fa niannin min Efɛz lɔ'n kpa.

2 Timote 4:8

Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.